Ulangan 34:10 - Eipomek

¹⁰ Musa ara, Allah ap mining dam arye, yupu talilamdiknye ulamuk. Israel ninye noutamak arye, Musa ulamuka atonye ton, tonap pia kum ulamik. Musa el tonoka. Allah yupu laka nyalamik nang ton, Israel ninye noutamak ulamik bukni, Musa atonye ton, pia kume.

Ulangan 34:10 Referans Kwoze

Keluaran 33:11

Musa ap, Allah el si Yahweh ap yupu sisiklamdik talak ara, ninye ton el kwit ap, yupu neika epdakirye, sisiklamdaka atonun winilamdik. Yupu akunum talipnopura, Musa tamubuka Israel ninye ulamikak balamuk bukni, el melinanye el si Nuk arye deiamuk mi, kamnye el si Yosua bira, Allah ap ansinibuka yupu sisikna aik damuk ulamuk.

Rasul 7:37

Anyapmasin Musa ara, elcuk Israel ninye ati ayupu ton nyabuk. ‘Nara, Allah el yupu laka nyananye nabinye ulamse touk, Allah el yupu laka nyanamsilnye, anggun yala nang kan-kan arye anggunti arepdeipnamsile,’ Musa arye nyabuk. (Ulangan 18:15)

Keluaran 11:3

Ura, atalak ara Allah el si Yahweh arye Mesir ninye ati, sik talima noutamak pil dobukce, sik kanye tenen ning dangubuka, sik Mesir nang arye Israel ninye ati, ‘Teleb’ tenen, kanye deibik. Tonda, Musa bira Mesir mutuku ulamuk talak arye, sik weiknye Firaun el amu tam talye ulamik ninye nirya ap, Firaun el pil dona deiyok nang nirya ap, sik nirya arye Musa ati, ‘Elda telebnye anya arye, elda mambule’ tenelamikce, elti, si erelamik.

Ulangan 34:11

Allah arye, Musa wibuka dopdeibukce, el mikip deice meliamukba, Mesir mutuku nang dam, Musa birye ninye kum winipmanto pil ap, ninye kum winipmanto ning ap, mambul pil dolamuk. Winilamuka deice arye, Mesir mutuku ninye nirya arye, ‘Se, dipkoprob Allah arye pil donmasile’ tenen, kel bikamik. Tonda, winilamuka deice arye, Mesir ninye deiyoknye Firaun ap, el amu tam ulamik deiyok nang ap, el tam ninye nirya ap, ikin weik ulamikce, amutuku ulamik ninye nirya, imun kanye bobuka ulamik.

Keluaran 8:13

Morobukura, Allah el si Yahweh kekebukce, aning nirya, Musa nyabuk touk winibuk. Winibuka deice arye, Yakai weik aik pum bisik upmok ning ap, asik dam upmok ning ap, sik wa win dam upmok ning ap, bai tam talye upmok ning ap, anirya aunmekakuk dibik.