Ulangan 30:15 - Eipomek

¹⁵ Ati ara, anggun kekepnululume. Arup arye anggunce wipnamlum ning ara, akunum laka nyapdeipsine. Ara, teleb winina ap, pia kam una ning ap, wipnamlum do? Malye winina ap, dipna ning ap wipnamlum do? Tenipdemunce, wipnamlulume.

Ulangan 30:15 Referans Kwoze

Ulangan 11:26

Musa birye nyabukopura, ayupu ton dukdongobuka nyabuk. “Arup ara, anggun Israel nang kekenmanulum nang nirya ati, mambul yupu laka kibuka nyapsine. Angguncuk, Aning malye ubibyopura, sik ning dopropnamabe. Bukni, aning ton talinauk ubiyopura, teleb un ning dopropnamabe,’ nyan ning ara, nyapnusina anya arye, angguncuk, ‘Aning winipnuyap do? Aning winipnuyap do?’ tenen, wipnamlume.

Ulangan 30:19

Wini talak ara, anggunce anggun ni koproba Allah, el si Yahweh arye, nyapdeiamsuk ning ara, kam una deiyok ning do, dipna deiyok ning do, tonda teleb winina deiyok ning do, ikin ning dolona ati minilongona deiyok ning do, aning nirya ara, narye akunum laka nyapmasina ati, anggunce wipnamlulume. Aminyan talak anggunce nati, ‘Aning kum laka nyapsulume,’ nyapnumunyak tenen, wini talak ara, narye im deice kam ulul ning ap, tukwak mutuku kam ulul ning ap yukupniba, anggun wipnamlum ning ara, eipnusine. Ati ara, “Kam un ninguk wipnamlulume,” nyapsine. Kam un ning wipmunyopura, anggun ap, anggunce deipnamlum mapu ap, kam unamlume. ‘Wininamlum’ tenen, nyapsine.

Markus 16:16

Peterelbimunyebuk, yata kil do, yatanye do nirya, na yupu diba tenebikceura, mek dongopmunyopura, Allah arye aninye lyenamle. Bukni, yata nang do nirya, na yupu diba kum tenebikceopura, Allah arye aninye ati, el dam kum dobuka deipnamle. Pia weneplirye, yukak dopkweteplibuk, sik ap, el ap, neika pia kum unamake.

Ulangan 32:47

Ati ara, anyapmasin yupu ara, talye ati kum nyapsine. Bukni, anggun kam una ati, nyapsine. Ayupu kekepmunce, dukdongobuka kanye lamapdongobuka, ulamunyopura, ayupu deice arye, Yordan mek koubuka, otam binuka unamlum mutuku noutamak arye, keting tamun weika arye, teleb ubuka, kam pia unamlume.” Musa arye nyabuk.

Galatia 5:6

Yesus Kristus ap talima dukdongobuka neika unyaba noutam ara, Allah eipsilirye, el kanye ara, ‘Den bola mouse ning sekna babye, sekna kum babye, mambule pia kume. Aning babye, aning babye nong kum danamle ning atia,’ tenelule. Allah eipsilirye, kanye delinamsil ning ara, tonok ninguk ulule. Ara ani. Yesus ati diba tenenyaba deice arye, yuk ninye ati, ‘Bico’ tenen, melinauk winibibibuk, Allah eipsilirye, a deiceuk kanye delisulule. Mambul ning ara, anyuka. Yuk ning ton kume.

Yohanes 3:16

Allah arye diba tenen ninye nirya ati, kam pia bukeipnamsila deiyok ara nyapnusine. Ara, Allah arye ninye mutuku-mutuku nirya ati, bico tenenyamsukce, kanye weik arye areamsuka ati, el Mi Koprop tonokuk ulamuk bukni, tukwak ninye lyena ati arepsuke. Ara, ‘Yata ninye do nirya, el Mi Koprop ati, diba tenebicopura, pia kum dipnamak bukni, bol koplobuka kam una deiyok ning arepnibuk, pia kam unamak’ tenen, el mi tonok arepsuke.

Ulangan 30:1

Musa birye, Israel ninye ati nyabuk. Wini talak ara, anggunti, akunum laka nyapmasine. Aminyan talak, Allah arye teleb ning ton arenamsile. Ton talak ara, kanye imun un ning ton arenamsile. Ati, anggun moubuka tenenamlulume. Aminyan talak ara, anggun ni Allah, el si Yahweh arye, anggun dopropsilirye, yuk-yuk mutuku nang kan-kan delinamsile. Deipsiliba, anggun yuk-yuk unamlum talak noutamak nirya ara, ‘Allah arye, nun wenena ati, kanye imun un ning arepmasil do? Teleb winibibiba, teleb un ning diamuk arepmasil do?’ Aning ara, anggunce moubuka tenenamlume.

1 Yohanes 3:23

Ara Allah arye, “Wininamlulume,” nyalul yupu ara ani. Tonok ning ara, Allah arye, “Na Mi Koprop Yesus Kristus diba tenenamlulume,” nyasulule. Ton ning ara, Allah arye nyapsuk touk, “Anggunce bico tenebuka melilanauk unamlulume,” nyasulule.

Kejadian 2:17

Bukni, tonok yo ara, ayo duk dakuka kum dinalyame. Ayo duk dina ara, meme. Ara, Malye Winina ap, Teleb Winina ap, Kel Bikna Deiyok Yo duk dakuka dipminyopura, dipkoprob dipnamlame. Ayo duk tonok ara meme, pia kum dinalyame, nyapkine.” Allah arye, nyabuk.

Ulangan 30:14

Aning nirya kum tenenamlulume. Allah arye nyapsukba, narye laka nyapmasin yupu ara, anggun dam ulule. Aululba akunum kel kiplumce, nyalulume. Winiplumce, anggunce tenebuka kel kipdoplumce, anggun kanye talima pum tam, akunum aulula anya arye, aninguk talibuka wininamlulume.

Amsal 12:28

Ninye ton teleb un ninguk talibuka ukirye, diksukumuk un bisikuk banyak ninye nirya ara, pia kam una deiyok ning doprobikirye, kanye deibuka pia ati unamake. Diksukumuk unyak ninye ara, kam pia unamak bukni, malye ninguk talibuka unyak ninye ara, sik banyak bisik ara, dipna damuk banyake.

Yesaya 1:19

Tonda, anggunce nati, ‘El yupu kekebuka, el amu tam dobolbanamabe,’ tenepnumumnyopura, anggun amutuku ulul ning pia teleb ning ara, weik tonun arepsinyopura, aning talibuka dinalume.

Yeremia 21:8

Nyabukopura, ayupu ton dukdongobuka nyabuk. Tonda, sik bitinye nang arye, Yehuda tam unyak nang nirya ati, ayupu ton laka nyalbinamrurume. Ara ani. Allah Yahweh arye, anggun Israel yala nang ati nyapsile. “Na mapu anggun Israel nang ara, moubuka kekepnamnulume. Ara, wini talak ara, dibin bisik ban nang ap, tonda kam un bisik ban nang ap, lak sukum arye, anggun deice deipnusina ati, ‘Dan tam bisik wipnamlum do?’ Moubuka tenipmunce, wipnamlume.

Mika 6:8

Kume, aning-aning nirya, akunum winiptibya babye, adeice arye, pia kum lyepnamsile. Bukni, nun ni Allah Yahweh arye, nun tukwak mutuku unyap ninye nirya ati tenesilya ara, ‘Na kanye delina ati ara, wininamake,’ tenesulule. Utenesilya ati, el minop talak akunum laka nyapdeiamsuk ara, ani. Yata ninye do nirya, pia diksukum teleb kibuka unyakce, yuk ninye nirya ati, bico tenelakirye, kanye talima, amu tam nimalyap asa kanye deibuka, telebuk unamake. Wininyakce, Allah el amu tamuk unyakce, kanye talima erena kumce, Allah ap, kanye talima dukdongobuka, neika ubicopura, Allah arye aninye ati, kanye delinamle. Aning ara, ‘Wininamake,’ tenesulule.

Yeremia 42:21

Ati arup ara, Allah arye anggunti, nyapdeipmasu yupu ara, narye anggun dam akunum nyapdeipmasine. Bukni, anggunce, ‘Allah el siuk erenyabe. Nun ni koproba Allah Yahweh ulule,’ nyalulum bukni, Allah Yahweh arye nyapmasil yupu ara, anggunce dipkoprob kum kekeplume. Ara, Allah arye nati, ‘Sik Israel yala nang ati, nyapnulyame,’ nyapdeipnukba, laka nyapmasin bukni, ayupu kum kekenmaluma ati, nyapsine.