Ulangan 3:13 - Eipomek

¹³ Tonda, Gilead mutuku bukni, dana tam ap, Basan mutuku nirya ap ara, tuba ton aupmok ning ara, narye bokukapsirye, Manasye yala nang bukni, sik yala noutam arye bokuka, Yordan mek koubuka keting panalyangan tam ulamik nang ati arepse. Basan mutuku ara, ninye deiyoknye, Raja Og birye taleamuk mutuku. Amutuku noutam nirya, el si ara, Argop tam ton nyalamik. (Aweik pala mutuku, el si Basan tam nirya ara, minop talak, ‘Atam ara, sik nong cang pia weik nang, sik Refaim yala nang ara, Basan mutuku ara, sik mutuku koproba anya,’ nyalamik).

Ulangan 3:13 Referans Kwoze

Kejadian 14:5

Keting tamun tiga belas (13) ning noutamak arye, Kedolamer ap, el tam kiprobuk nang ap, Asterot-Karnaim mutuku neika bulubukabikce, anyaka uk, sik Erefaim nang ati, obuka sirya dakik. Tonda, Ham mutuku noutamak arye, sik Susit nang ak, obuka sirya dakik. Tonda, Syawe-Kiryataim mutuku noutamak arye, sik Emit nang ton obisibikce, sirya dakik. Aning atonun, sik Harit ninye babye, obuka sirya dakik. Ara, mutuku kon uamuk mutuku, Seir mutuku arye, deiyok koubuka, opnin banmeka ani, mok pia kum mutuku, el si ara, El-Paran mutuku obikce, sirya dakik.

Ulangan 3:4

Atalak aryuk, atam ulamuk mutuku nirya biburye, sik ulamik mutuku noutam dolamik asik nirya ara, obuka sirya dakupurye, alubuka doprobupue. Tonoknye babye, ton pia kum batakupu. Aning atonun amutuku ulamik nang nirya babye, obukabuburye sirya dakupue. Winibuburye, anyasik dolamika yupa ara, enam puluh (60) asik adobuka ulamik mutuku nirya ara, nuncuk alubuka doprobupue. Ara, Basan mutuku, Raja Og birye, ninye deiyoknye kibuka, Argob mutuku nirya taleamukba, ulamik mutuku ara, nunce obuka, sirya dakupurye, amutuku nirya nunuk dopromubu.

Ulangan 3:12

Musa birye sik Israel nang ati, nyabuk. Ura, Basan mutuku akunum dobuka, nun dopdobupu ura, narye bokuka, Ruben yala nang ap, Gad yala nang ap ati arepse. Sik bitinye yala nang ati arepse ara, Arnon mek duman tam outam arepse. Ara, asik dolamika el si Aroer mutuku dolamikak ap, anoutam bukni, outam (ara selatan) uamuk tam, Gilead mutuku ap, atam noutam dolamik yuk asik ap, dobuka arepse. Ara, Gilead mutuku nirya kum bukni, dan tam bokukapsirye, ton tam dopropsirye arepse. Winipsopura, narye sik yala bitinye nang unamikak ati areamse.

Ulangan 3:14

Tonda, Manasye yala nang arye deiamiknye, el si Yair, aminyan talak, elce Argop mutuku nirya obukabukce, doprobuk. Ara, Basan mutuku nirya ati nyapne. Ara, Gesur yala nang ulamik mutuku, atam arye dukdongobuka, otam sik Maakha yala nang ulamik mutuku uamukak, anoutam uamuk asik dolamika nirya ap, mutuku ap nirya binuka doprobuk. Doprobukopura, amutuku noutam uamuk asik nirya ara, winiryuk si ton dobuk. Ara, el si atonun, Hawot-Yair nyapdeiamukba, sik nirya asi uk nyalamikce, atalak babye anyalamik touk, wini talak babye, tuba asi uk pia nyanyake.

Ulangan 29:8

Sik anang talibuka, ulamdik mutuku nirya ara, nunce yanuka, alubuka doprobupak arye, nunce amutuku nirya ara, Ruben yala nang ap, Gad yala nang ap, tonda Manasye yala nang, ton tam noutam arye, bokdobik nang ap ati, arebupu.

Ulangan 29:7

Nyabuk ning ara, Musa birye aninguk ton dukdogobuka nyabuk. Tonda, nun nirya amutuku yapu talak babye, Hesyebon mutuku deiyok kibuka ulamuknye Raja Sihon ap, tonda Basan mutuku deiyok kibuka ulamuknye, el si Ok ap arye, nun Israel nang nirya ati, “Nun bitinye arye opnunamʼ tenen, mal pilamsirik bukni, nunce sik anang ap, sik tam nang ap, obuka sirya dakupu.

2 Raja-Raja 10:33

Raja Hazael birye doprobuk mutuku ara, ani. Tonok ning ara, Yordan mek koubuka, otam keting yangan tam arye dipdongobuka, Gilead mutuku ap, Gad yala ninye ulamik mutuku ap, Ruben yala ninye ulamik mutuku ap, Manasye yala ninye ulamik mutuku ap nirya ara, alubuka doprobuk. Ton ning ara, asik si Aroer mutuku dam arye dikdongobuka, iknapye tam Arnon mek dobuka balamuk, anoutam nirya babye, atuku ton alubuka doprobuk. Aning ara, Israel ninye, sik mutuku ara, Gilead tam bukni, Basan mutuku babye tabakuka dopromuk.