Ulangan 21:15 - Eipomek

¹⁵ Winipmanto yupu ton nyapnusine. Ara, ninye tonoknye birye, kil bitinye dobuka ulamlya ani, ton kil ara, weik tonun kanye delilule. Ton kil ara, kanye kum delilule. Ura, akilapu atalak aryuk mapu bitinye deipnamdake. Bukni, pia min yuma mi deipnamle kil ara, sik akanye birye, kum kanye deiamlye kil arye deipnamle.

Ulangan 21:15 Referans Kwoze

Kejadian 29:33

Sik daunmeka ani, aminyan talak, Lea birye, ton tuba tamubuka tonap mi bomukce, sal mi tonok ton deibukce, el si ara, ‘Simeon,’ nyabuka deibuk. Ara Lea birye, “Kume, na akanye birye, nati bico kum tenenulula ara, Allah el si Yahweh arye, akunum kekebuk. Ati, sal mi ton arepmanile,” tenebukce, ami ara, el si ‘Simeon,’ nyabuka deibuk.

Kejadian 29:20

Nyabuka anya arye, atalak arye dipdongobuka, keting tamun tekbarye deice arye, Yakub birye, ‘Rahel dopnamne’ tenen, Laban el piluk talye dolamuk. Yakub arye Rahel biti, ‘Pia dopnamne,’ tenelamukce, weik kanye deiamuka anya arye, ‘Se, keting tamun yupa weik, pil donune,’ pia kum tenelamuk. El kanye ara, ‘Kume atekbarye keting tamun ara, na ikine kume. Ara, sumu winilyeto, dumbaryeto ulule,’ tenelamuk.

Kejadian 29:18

Yakub bira, Rahel biti, weik arye kanye deiamuka anya arye, ‘Dopnamne,’ tenelamuk. El mam Laban biti nyabuk. “Kume mamo, ance aminyan deiplum kilmu Rahel arepnutum toura, keting tamun tekbarye deice arye pil melibuka donamkine. Akunum winipyopura, Rahel arepnutumba, akilmu dopnamne,” nyabuk.

Ulangan 21:16

Winiplyopura, sik akanye birye, elce taleamtu ning nirya bokuka, el mapu ati arepnutopura, yata wiripnamtu do? Ara, anye el kanye deiamlye kil arye, deiamlye mi tamuk kum kilule. Dipkoprop min yuma mi deiamlye kil, el kanye kum deiamlye kil bukni, el deiamlye mi ara, dipkoprob min yuma mi ulula anya arye, amiuk el li birye, el talilamle ning noutam, weik tonun ton bokuka, ami atibuk arenamlule. Ara, el kanye deiamlye kil arye deiamlye mi, el bataklya deice arye, kanye kum deiamlye kil arye, min yuma deiamlye mi, el talilamlye ning, mitik tonun kililule. Winina ara malye ati, aning ara, kum wininamlume.

1 Samuel 1:2

Elkana elda, kilapu bitinye domuk. Sik si ara, Hana ap, Penina ap ulamrik. Penina bira, mapu delilamuk bukni, Hana bira, mi ton kum deiamuk.

2 Tawarikh 11:22

Rehabeam bira elce deiamuk mapu nirya ara, mitik tonun kanye deiamuk bukni, Maakha el mi Abia, binyak pia kanye weik deiamuk. Winyamuka ati, Rehabeam birye, ‘Na dipnyeura, na bununak punupnamlanye bira, na mi Abia birye talipnamle tenen, Abia binyak, weiknye erepdeibukba, el weit capu sik dem talibuka ulamuk. Ara, ‘Elda ninye deiyoknye Raja kipnamlaryaʼ tenen, ati wipdeibuk.