Ulangan 20:6 - Eipomek

⁶ Aning atonun, sik yin talin nang noutamak arye, ninye ton winiryuk anggur tapu duk wa wibuka koupmaliba, duk mounmalye ning, min kum dakuka dipmalinye bira, nun ap mal kum olalbinamabe. ‘Awinipmantonye ton auplyopura, tamubuka banauk unamle’ tenen, nyapsine. Ara, talye ati kume. Mal olana deice arye anye obikiba, el anggur tapu duk wa batakliba, ‘Yuk nang arye doprobicak’ tenen, ‘Anye bira, mal olanak bana meme,’ nyanamake.

Ulangan 20:6 Referans Kwoze

Zefanya 1:13

Nara, Allah arye lo arepnyeura, yu nang arye, sik maknya kintinilan nang, sik talinyak bona nirya ara, dalubuka dopropnamake. Tonda, sik nirya teleb aik doptinga babye, yu nang arye, sik donyak aik nirya babye, ulubuka batakikirye, sice buklopbikiba, tuba ton ap, anyaik nirya wekuka kum unamake. Tonda, sikce anggur wa wibuka kouamikca arye, talibuka unamak bukni, anggur duk el nong ara, libuka kum teikicak arye, anggur mek ton pia kum dinamake. Deiyok ara, sik aik babye, sik anggur wa babye, na Allah arye, kum daneipnamna atia.

Yeremia 31:5

Winipmunce, anggun anggur tapu wa ara, tuba tonap, Samaria mutuku deice wa wibuka kounamlume. Awa wipmunba, duk mouplyopura, awa wena deiyok nang arye, duk dakuka, purubikirye, mek kwebuka dinamake. Yuk ninye arye kume.

Yesaya 65:22

Minop talak ara, anggunce domlum aik ara, yuk pera mutuku nang arye yanuka dalubuka dopromsik touk, pia kum wininamsiyake. Aning atonun, anggun wa wiamluma nirya, yuk pera mutuku nang arye yanuka dalubuka kipromsik touk, pia kum wininamsiyake. Amutuku ara, na wipdeiamse nang, sik unamaka ara, lo weik tonap, tabakuka arepneba unamake. Winipmanto ara, yo pia tiknamle atonun, ‘Naʼ tenen, ninye sikda keting tamun yupa pia weika arye kam uk unamake. Sik taruk deice arye, aning-aning nirya pil donamak nirya ara, sik dem aryuk talibikirye, kanye deibuka unamake.

1 Korintus 9:7

Ara, anggun ton tenipdelulume. Winipmanto ning ara, yata yin talinanye birye, el pil dolul ning ati, el dekna arena kum bukni, el bidamnye yo bok deice aryuk ulul do? Kume. Yatanye birye, wa wiamlibani, wa kouamlye ning nong upturye wisiptopura, kum libuka diptu do? Yata kil arye, basam weilamtua, obuka kwaliptingce, akil ati areptingba kum diptu do? Kume, anirya ara, kum winipmanto.

Ulangan 20:5

Tonda, ‘Mal olalbinuyap’ tenen, kintinipnamlum talak ara, yin talin nang, sik deiyok nang nirya arye, sik amu tam yin talin nang nirya ati, nyanamake. “Anggun arye, ‘Mal olalbinuyap’ tenen, kintinipmamunya nang noutamak ara, ninye ton aik, ‘Winiryuk dopnaman’ tenen, kintinipmalinye bira, ‘El ap, nun ap, olalbinuyap’ tenen, kintinibuka banamunyak ara, pia kum binamlulume. Anye el winiryuk donmalye aik, min kum mapmalye diparyuk, mal olana deice arye obikiba, diplyopura, el winiryuk dopmalye aik pum tam, kanye deibuka kum mapnamle. Ati, nun mal olan nang arye, ‘Anye bira obicak’ tenen, batakuka, el mutuku koproba tamubuka binamle. Ara, mal olana deice arye, anye obikiba, el winiryuk dopmalye aik batakliba, ‘Yuk nang doprobicak’ tenen, atonye bira, el asik koproba tamubuka banamle,” nyabuka, sik yin talina deiyok nang arye nyanamake.

Ulangan 20:7

Aning atonun, ayupu ton nyanamake. “Yatanye do, abulubuka wekmalum nang noutamak arye, ‘Akil dopnamne’ tenen, mun akunum dolul bukni, akil min kum dopmalye diparyuk, ‘Sal ton kil dopnamne,’ tenelamlinye awaplyopura, anye el aik koproba tamubuka bana telebe. Ara, mal olana deice arye, anye obikiba, el mun dilamlye kil batakliba, ‘Yuk nang dobicak’ tenen, atonye bira el asik koproba tamubuka binulule,” nyabuka, sik yin talina deiyok nang arye nyanamake.