Ulangan 20:3 - Eipomek

³ Elce nyanamsile. “Amapo, anggun nirya kekeplulume! Anggun Israel yala ninye ara, arup arye nyapmasin yupu ara, moubuka kekeplulume. Wini talak anggun mal olana ati, anggun mal olan nang dam bimunyopura, ilil una ap, kanye talimauk dina ap, ‘Se, yata wiriptibye do?’ tenen, walwal kanye bobuka, sirim talina ap, pia kum wininamlulume.

Ulangan 20:3 Referans Kwoze

Ibrani 13:6

Allah arye, ayupu nyapsuka ati, kanye teniltona kum arye, diba tenebuka, anyapnusin yupu talibuka unamabe. Ara, Mazmur noutam arye nyapdeiyamik yupu ani. ‘Na melinilinye ara, weik Ninye Deiyoknye Allah ulule. Ati, na ilil pia kum unamnile. Talye ninye arye, yata wiripnitingba, Allah arye kum melipnutu do? Kume, Allah arye nati, pia melinamnila anya arye, na ilil kum unamnile.’ (Mazmur 118:6-7)

Mazmur 3:6

Pia dikdik sepnun tenenun talak ara, ‘Mapnunʼ tenenʼ amsuna deice malbanune. Allah arye melibuka kalikinulul ati, na akunum mapmanya ani, aminyan talak, ila tamubuka buknyopura, talye kanye bobuka, telebuk unune. Deiyok ara, Allah Yahweh arye, pia melibuka kalikinululce, mikip kiliniliba, ila tamubuka, tonap teleb unun ati nyapne.

Wahyu 2:10

Amenyan talak ikin ning weik, anggun nong deice upsilyeba, kanye imun kanye bonamluma ati ara, ilil una meme. Na dipkoprop nyapsine. Isa Mutuku Dongonye arye, anggunti, ‘Aninye malye winipting’ tenen, yupu nyapliba, malye nang anggun kan-kan arye, ton ninye dopdobikirye, wenena aik dongonamsika deice arye asilenamsile. Anggunce nati diba tenepnuluma ati ara, ikin ning weika arye anggun nong deice delinamsiake. Ara yupa weik 10 sum deice arye, ikin ning delinamsiake. Winipnamsiaka babye, natibuk diba tenebuka darapdongobuka umunyebuk, malye nang arye oplopsica babye, pia kum bataknamnulume. Pia kum bataknumunyopura, narye anggun dekna ning dolona ati, pia kam una deiyok ning arepsinyeura, pia kamuk unamlume.

Yosua 23:10

Anggun Israel yala nang ara, tonoknye unmatuba, anggun mal olan nang, yupa weik 1.000 yin talin nang yantinga babye, anggun kan-kan arye, tonoknye, elcuk ayupa weik yanmating nang obuka, sirya daktue. Anggun ni koproba Allah Yahweh arye, melipsuturye, anang nirya ara, obisiptue. Ara, anggun ni koproba Allah elce, “Winipnamsine,” nyabuka, nyalina yupu deice arye, akunum nyapdeiamsuk touk, winipsiliba unamlume.

1 Timotius 6:12

Yin talin nang arye, ‘Yuk mutuku ninye obisipsikcak’ tenen, pia pi dobuka olalamak atonun, Allah dib tenebuka taliplum pil moubuka talina ati, mikip arye pirilenamlyame. Allah ati dib tenelulum ning ara, moubuka talipmince pia bobanamlyame. Aning ara, pia telebe. Minop talak, ninye weik kekenmekba, ance, “Kristus ati, dib tenenune,” nyabuka, teleb yupu nyaplum talak ara, Allah arye, ‘Anye bira, na ap, im deice pia unaname’ tenen, wideipkuke. ‘Bol koplobuka pia kam una ati, kintinipkuk ning dopropnamne’ tenen, pia moubuka teneminyak arye dolonamlyame.

Matius 10:28

Ninye kanya kum opsitinge bukni, nong ara opnamsiyak nang ati, ilil una kume. Bukni, ninye malye-malye weik unyakba, weneplirye, uku din mutuku dongoplirye, ninye nong ap, kanya ap, obuka sirya daknamsilanye, elti, ilil unamsile. Ara urdem ati, kum nyapsine, ‘Allah arye wenebuka opsilyak’ tenen, elti, ilil unamsile.

1 Tesalonika 5:15

‘Sik malye nang arye malye upsikiba, adiparyuk tamubuka malye winibibyak’ tenen, pia kalekuka dildanamlulume. Malye upsikiba, tamubuka malye una kum bukni, anggunce yuk nang nirya ati, ‘Nimalye arye teleb ulilanamap’ tenen, pia pi dobuka melinamlulume.

Rasul 27:24

Yanuka tikmok akarye, nati nyapnuk. “Pauluso, ilil kanye bona, bataklyame talye kanye bobuka auminye touk, yuk talak babye, ilil kanye kum arye, talye binalame. An dipkoprop Kaisar dam biminyeura, elcuk yupu bokeipnamkile. Tonda, Allah pia telebnye ulula ati, elce anti, bico tenekulul ati, an ap neika balulum nang ara, sik nong nirya kum dipnamake. Malaikat arye nyapnuke. Paulus arye nyabuk.

Markus 16:18

Tonda, ninye on kwatima sik taruk deice talinamak bukni, kum dipnamake. Tonda, ninye dinmek, el si racun dibicopura, uk kum dibuka kum dipnamake. Tonda, uk din ninye, sik nong deice taruk deibuka, Allah morobikceba, Allah arye aninye kweteplyopura, aninye kam unamake. Yesus arye el mapu 11 nang ati nyabuk.

Markus 16:6

Lukdana ilil ubukura, anye birye akilapu ati nyabuk. “Anggun lukdanuka ilil una meme. El asukum kum unmale. El akunum kam bukmale. El nong deipmanguak ara, dipdelulume. Anggunce enmalumnye bira, pia asukum kum ulule.

Matius 10:16

Domba basam tonok bai kam weik ulamice kan-kan ulyopura, bai kam arye domba basam opmanto ulye touk, narye dopdeipsiniba, na yupu bobuka peterelbimunyopura, kanye talima malye kanye bobikirye, yu ulul nang arye, na mapu anggun nong deice ikin ning deibuka, opmanto unamsiake. Aning ati ara, ninye ton kwatima arye, kanye wisibuka ulamle touk, anggunce aning-aning nirya ati weik kel kipmunce, kanye pia moubuka unamlulume. Tonda, yu upsiliba, yu asa una kum bukni, yalma maka talima namin asa ulirye, ninye kum opmanto ulamle touk, anggunce talima namin asa ubuka telebuk unamlulume.

Matius 8:26

Nyabikopura, Yesus arye tamubuka nyabuk. “Anggun ilil unmaluma ara, yata deiyok ati do? Nati, mitik tonunuk diba tenepmanulume,” nyabuk. Yesus nyabukopura, bukukabukce, ayenya donmoka ap, mekwen lonting-lonting nyanmoka ap ati, “Tunimaplyame,” nyabuka, yupu sekuk. Yupu sekukopura, atalak aryuk, amekwen lonting-lonting nyanmoka ap, ayenya ap, tunim abuk.

Yesaya 28:16

Ati, na Allah Yahweh, aning-aning deice tam unirye, Weik Erena Deiyoknye ununa anya arye, narye, ‘Winipnamne,’ tenenye touk wininune. Narye dipkoprob nyapsine. Narye weik mambul keil tonok Sion mutuku noutam deipne. Akeil ara dipkoprob pia mikip keil deipne. Tonda akeil ara, dekna weik keil deipniba, pia darabuka buknamla ati, yata ninye do nirya, akeil ati diba tenebice ninye ara, alye pia kum dakdanamake.

Ulangan 20:1

Anggun mal olan talak upliba, anggun mal olan nang ap, mal olalbanamlum talak ara, anggun mal olan nang ara, yin talin nang pia weika arye, kuda basam balye deice bukuka, yanganamak ning ap, ninye arye kuda basam tapu kirikikiba, libuka tuku deice balamak ning, el si ara kereta kuda perang, aning deice bukikirye, anggun dam olyangasikiba eipmunce, anggun ilil una meme. Aning kum bukni, minop talak anggun ni koproba Allah Yahweh, Mesir mutuku ninye noutamak arye melibuka boyanamsuk Allah arye, anggunti melinamsile. Ati asum-asum nirya, el tibuk pia diba tenebuka unamlume.

Ulangan 20:2

Tonda anggunce, ‘Mal olalbinuyap’ tenen, kintinibuka deiyok koubuka, binumunye talak ara, Allah el si eren aik pum tam, pil talibuka dona deiyok nang noutamak, imam tonoknye ton, memebuka tiklirye, Israel ninye yin talin nang nirya ati, ayupu nyapnamsile.

Ayub 23:16

Allah elda pia erebuka deice tam ulirye, aning-aning talibuka, mikip weiknye ulula ati, aning moubuka tenipnirye, na kanye talima noutam ara, ilil weik unulule. Nara Allah ati, tenipnyopura, na kisok birbir nyaniliba, na talima ara, mitang unulule.

Yesaya 7:4

Birumunyopura, ninye deiyoknye Ahaz biti, nyapnamlyame. ‘Anda talima mikip kibuka kanye moubuka, kintinibuka unamlyame. Bukni, ilil asa kum unamlame. Anda kanye boktopkiliba, ilil asa kum unamkile.’ Ara, Aram mutuku talilula deiyoknye Resin ap, Remalya deibuk mi Israel ninye deiyoknye Pekah ap, sik yin talin nang ap nirya ati, ‘Sik nirya yakirye, warikuka opnamsiyak do?’ tenen, ilil asa una meme. Aninye deiyok nang ara, ‘Sikda mikip weik nang,’ tenelulum bukni, narye dipkoprob nyapkine. Sikda, yo uku dongobikiba dilamlye ani, lola sirika batakaltaklamle atonun, unyake. Sik min arye tenelamdik ning ara, nong kum upnamle ati, anda ilil una meme.”

Keluaran 14:13

Nyabikba, Musa birye tamubuka sikti, nyabuk. “Anggun ilil una kum asa, anggun tikmunce dinululume. Arup ara, Allah el si Yahweh arye anggun lyena ati winipnul ning eibuka kel biknamalume. Ati ara, anggunce Mesir ninye arup eipnamaluma ara, anggunce yuk talak tonap kum eipnamlume. Nirya dipnamake,” nyabuk.

Bilangan 14:9

Bukni amapo, nunce Allah Yahweh ati, ‘Nun like’ tenen, yaniptabibirye, malye kum kipnamabe. Tonda, Kanaan mutuku unyak ninye ati, ilil una meme. Ara, Allah el si Yahweh arye, nun dam ulirye melipsilyopura, adiparyuk sik amutuku unyak ninye nirya, obuka sirya daknamabe. Yatanye birye Kanaan tam nang ati melipsetua kume. Allah arye sikti, kalikuka melilamuk bukni, wini talak ara kume. Ati, sik talibuka melipmantonye ton pia, kum ulule. Bukni, nunda nun ni koproba Allah el si Yahweh arye melipnamsile. Ati, Kanaan tam unyak nong cang nang ati, ilil una meme,” nyaprik.

Ulangan 1:21

Anggun asing arye eiplume. Ati ara, angguncuk amutuku bimunce, binuka unamlume. Ara, nun ni Allah Yahweh arye nunti, ‘Amutuku binuka, malye kibukapmunce, amutuku talipmunce, asukumuk unamlume,’ nyabuka, akunum nyapdeiamsuka ati, ‘Yata wiripnuyap do?’ tenen, teniltona ap, ilil una ap, kum upnamlulume. Anggun adiparyuk amutuku binamlume,” nyapdeiamsise.

1 Samuel 17:32

Wini talak aniryuk, Daud birye, ayupu kekebukce, Saul biti nyabuk. “Anye bira, ‘Sik kanye mitang upnamle do?’ tenen, ayupu nyapmasile. Malye kibuka, ayupu nyanmasil ning ati ara, nunda Pilistin nang ati, ilil una kume. Nara, an amu tam talye pil donanye ununa ati ara, ance teleb ur nyapniminba, anye biti, narye binuka, el opnamane,” nyabuk.

2 Tawarikh 32:8

Nyabukopura, ayupu ton nyabuk. “Aning ara, talye ati kum nyapsine. Raja Sanherib elda ninye mikip deice aryuk, yanganmal bukni, nunda nun ni Allah Yahweh, el mikip weik deice unamabe. Aning ati ara, Allah Yahweh arye nunti, kalekuka melipsilirye, el mikip deice aryuk melibuka, sik Asyur mutuku yin nang nirya, obuka sirya daknamale,” nyabuk. Yehuda tam mutuku nirya taleamuknye Raja Hizkia birye, ayupu nyabukba, el taleamuk nang nirya kekebikce, sik nirya ara, ‘E, dip nyapmasileʼ tenebikce, ilil una kumce, malye tenebik.