Ulangan 2:32 - Eipomek

³² Nyapnukopura, atalak aryuk, Raja Sihon ap, el yin talen nang nirya ap arye, ‘Israel yala nang ati, olbinuyabe,’ tenepsikce, nun unmapu mutuku Yahas mutuku damuk yayik.

Ulangan 2:32 Referans Kwoze

Mazmur 136:19

AKanaan mutuku tam Raja nang kan-kan noutam ara, sik Amori yala nang taleamuknye, el si Sihon babye, obukba dibuk. Allah Yahweh arye, nun Israel nang ati, “Pia bico tenesinirye, tuba-tuba melinamsine. Pia telebuk kilinamsine,” nyalin yupu deice arye nyapsuka ati, aning ara, pia kum bataknamsile. Anirya ara, nun nirya arye el tibuk, si erebuka kina ati, ‘Naio nunce anti pia telebe nyabkiabe,’ nyanamabe.

Mazmur 135:11

Winipmanto ara, sik Amori yala nang taleamuka deiyoknye, raja Sihon ap, tonda, Basan yala nang taleamuka deiyoknye, raja Og ap, tonda Kanaan noutam yuk-yuk nang taleamik raja-raja nang weik tonun ap, Allah arye obuka, sirya daklamuke.

Mazmur 120:7

Ara narye, “Yuk ninye ap, neika talima dukdongobuka winin ning ara, teleb uka,” nyalamne talak nirya ara, na ap neika unyap ninye ara, yu weik ninye anya arye, sikce, “Kume, yuk ninye ap, kanye talima dukdongobuka namin asa arye, neika un ning ara, nun like. Teleb ning ara, nunda mal olanauk wininamabe,” nyanyake. Ati ara, na lik weik unulule. Daud arye nyabuk.

Nehemia 9:22

Aninguk kum bukni, tonda, ance meilyamluma deice arye, sik wekelbinamik mutuku talibuka ulamik nang nirya obuka sirya dakikce, wekelyayik. Wekelyayikce, amutuku talibuka ulamik. Mining damuk kum bukni, pera mutuku babye, areplamlumba, dololamik. Hesibon mutuku ninye deiyoknye, Sihon talibuka ulamuk mutuku binuka alapdobikce, talibuka ulamik. Tonda, Basan mutuku ninye deiyoknye Og, elce taleamuk mutuku binuka doprobikce, talibuka ulamik.

Ulangan 2:31

Aning akunum winibukopura, Allah Yahweh arye, nati nyapnuke. ‘Raja Sihon ap, el talilul mutuku ap nirya ara, bobuka anggun Israel nang deiceuk, akunum deipsine. Ati ara, amutuku nirya ara, anggun adiparyuk amutuku nirya alubuka dopropmunce, talibuka unamlume,’ nyapdeiamnuke.

Ulangan 2:33

Bukni, nun ni Allah Yahweh arye, ‘Kume, anang nirya ara, Israel nang arye obuka sirya daknamakʼ tenen, Raja Sihon el tam nang nirya bobuka, nun deice uk deipsukba, sik anang nirya, nunce obuka sirya dakupue. Ara el Raja Sihon ap, el mapu nirya ap, el yin talen nang ap nirya ara, nunce obuka sirya dakupue.

Ulangan 3:1

Tonda, nunda Basan mutuku Utam mutuku beipue. Beipu talak ara, Basan mutuku ninye deiyoknye, Raja Og ap, el yin talen nang nirya ap arye, Ederei mutuku damuk, nun ap olana ati, kintinibuka yayik.

Yosua 12:1

Asekip nun ning ara, amutuku deiyok nang talibuka ulamikbuk, Israel ninye arye obukabikce, talibuka ulamik mutuku ara, ani. Yordan mek koubuka, otam keting panalyangan tam, lu mutuku Arnon mek pudam arye dipdongobuka, anyapce, ubuka welebuka, Yordan mek banak diprongobuka, yuk pera mutuku utam, weik mutuku dup, el si Hermon. Tonda, otam biyikce, keting panalyangan tam ton, amutuku nirya ara, sik Israel ninye arye doprobik. Ara, ninye deiyok nang Raja bitinye arye, talibuka ulamdik mutuku ara, obikce doprobik.