Ulangan 17:13 - Eipomek

¹³ Anyapmasin touk akunum winipmunyeba, amutuku unamak nang arye, kekebikcopura, akunuma. Amutuku noutam unyak nang nirya ara, awinipmunye ning kekebuka bikikirye, sik ilil upnamle. Unipliba, aminyan talak ara, amalye ning ton, tamubuka kum wininamake.

Ulangan 17:13 Referans Kwoze

Ulangan 13:11

Na akunum nyapmasin touk, dipkoprob winipmunyopura, anggun Israel ninye ati, yuk nang nirya arye, aning kekebikirye, ilil weik asa unamake. Winibicopura, sik malye wininyak ning, ‘Tonap kum wininamabe’ tenen, kel kibuka unamake. Musa birye, Israel ninye ati nyabuk.

Ulangan 19:20

Anyapmasin touk, akunum winipmunyopura, sik yuk daunyak Israel ninye nirya kekebikirye, ilil weik uplyopura, ‘Se, nun kwit capu ati, tilila yupu ap, minina yupu ap, nyabipyopura, ikin ning deibuka wenepnamsiyake. Weik arye wenepsicak,’ tenen, kel kibikirye, tilila yupu nyana ara, bataknamake. Tilila yupu tonap, tabakuka kum nyanamake. Pia dipkoprob yupu uk nyanamake.

Ulangan 17:12

Tonda, anggun ni koproba Allah Yahweh, el si eren aik pum pil don nang, sik imam-imam nang ap, hakim yupu lipsisikuka bokolina deiyok nang ap, wipdeipmaliba, sik anang arye, ‘Aning ara wininamake,’ nyabuka, nyapmace ning ati, yata nang do nirya, sik yupu malye kibuka yaniploplinye bira, adiparyuk wenebuka opnamlume. Ara, aning winipmunya deice arye, anggun Israel nang unamlum noutam ara, amalye winin ning winipmalinye ap, elce malye winipmalye ning ap, kum kibuka kilinamlume.

Ulangan 13:12

Tonda, winipmanto Allah arye, anggun una ati arepkukba, asik dobuka unamlum mutuku noutam arye, atonun yupu ton nyapmasinba, kekenamlumce, winibuka winipnamlume.