Ulangan 12:23 - Eipomek

²³ Tup ning toubuka dina teleb bukni, ining kipman dina pia meme. Deiyok ara, ining ara kam una deiyok ning ulula atia. Yata yala ning do nirya, ining tuba kum uptopura, kam tuba kum uptu ati, ining dina ara pia meme. Ati, kam ning ayala-yala nirya opmunce, el tup ap, ining ap tabakuka dina pia meme. Ining dipmunyopura, pia malye upmunyake.

Ulangan 12:23 Referans Kwoze

Imamat 17:11

Ayupu nyapman ara, talye ati kum nyapsine. Deiyok ara, ani. Domba ato ning ayala-yala nirya ara, ining deice aryuk, kam unyake. Ati ara, na Allah Yahweh arye, ‘Iningʼ kum dinamlume,’ nyapsise ninguk kekebuka wininamlume. Tonda, domba ato ning nirya opmunye ning ara, “Aining ning nirya, boyamunba, Allah si eren aik dam, yanuka arebikceba, uku dongolulumak, el si mesba deice, aining likeipmunya deice arye, anggun malye winilulum ning nirya ara, kilibuka kum kum daneipnirye, kum kilinamsile. Ining arenamluma deiyok ara, ining noutam ara, kam una deiyok ning aulule. Ati, ining arepnumunya deice arye, anggun malye winin ning nirya pununa ati, aning nirya kilipnirye, kum kipdeipsinirye, lyepnamsine.

Kejadian 9:4

Aning nirya dina teleb bukni, kam ning, ining balamle ning obuka dipnuminye talak ara, ining kipman kum dipnamlyame. Ining ara, kam una deiyok ning atia. Ining nirya bilyopura, dina telebe.

Ulangan 12:16

Bukni, kam ning opmunyopura, ining yala nirya ara, anggun ton kum dinamlulume. Tonda, talye mek tuku deice dikiltaklamlum touk, anggun kam ning opmunce, ining tuku deice diklopmunce, tup koproba uk dina telebe. Bukni ining ara, dina meme.

Wahyu 5:9

Sik 24 wisi deiyok nang arye, Domba Mi Atonye el si erena ati, winiryuk mot senmekba, kekepse. Sikce mot nyanmek yupu ara, ani. “Anda pia diksukumuk uminya deice arye, an tonok arye asekna mambul ning dobuka, taplaklamak yo pea atonun ning daklobuka, abuku yokeipsutume. Deiyok ara, sik opkikba, an ining biyuka deice arye, ninye ayala-ayala kan-kan nirya arye, ‘Allah el na tenen ninye unamak’ tenen, ninye weika arye deklume. Akunum dekuka lyeplum ninye ara, im sirya, mutuku sirya nirya ap, ninye ayala-ayala nirya ap, ayupu-ayupu nirya ap, weik mutuku nang (negara-negara) nirya ap, noutamak arye ninye weik dekuka lyepluma ati, ancuk abuku yokeipsutume.

Matius 20:28

Na unye touk, anggun babye, wininamlume. Na babye Ninye Mi Koprop Atonunye birye, na bidamnye ati patapnilye ning, ‘Ninye nirya melinamniyak’ tenen, kum yase. Narye tukwak ninye nirya, sik patalye ning ati, ‘Melinamne’ tenen, yase. Na unye touk, anggun na mapu babye atonun unamlulume. Nara, ninye nirya sik kanye arye, malye tenelamikce ning ap, malye winilamikce ning ap ati, ‘Allah arye sik wenebuka oplyak’ tenen, na opnikibuk dipnamne deice arye sekdongopnamne. Winipnyopura, ara ninye kisok arena atonun winipnamne. Allah arye tukwak ninye nirya wenebuka optu bukni, sik yok pununa ati, na dipnamne.” Yesus arye nyabuk.

Rasul 15:20

Aning kum winipnamap bukni, teleb ninguk winipnamap ara, surat sekibirye sik dam dopkwetepnamabe. Pia kum winipnamak ning ara, winibuka nyapnamabe. Yata din ning do, ninye arye si talye erenyak ning ap, ‘Talye si erepnamabe’ tenen, obuka arinyak ning ap ara, nun kum dipmanto ning ara, sik Yahudi yala kum ninye babye, adin ning yala nirya pia kum dinamake. Tonda, ubula arye talye yolana nirya pia kum wininamake. Tonda, minop ngang colopdongobuka obikcopura, ining kum saklamle ning nirya nong kalibuka pia kum dinamake. Tonda, ining mek yala nirya pia kum dinamake. Winibuka nyapnamabe,” Yakobus arye nyabuk. Nyabukce, ayupu ton nyabuk.

Imamat 7:26

Tonda, sik Israel yala nang unamakak, dan mutuku do nirya ara, sikce kam ning ayala-yala nirya, maka do, yuk kam ning do, opmunye ning ara, el ining dobuka, kum dinamlume. Tonda, yuk yala ning nirya babye, opmunye ning ara, el ining dobuka, kum dinamlume.

Imamat 17:10

Tonda, sik Israel yala nang koproba do, yuk mutuku arye tikilyangan nang buk, Israel nang ap ulamice nang do arye, tonoknye ton, domba ato ning obikirye, ining balamle ning dobukaplirye, aning diplinye bira, Allah arye, “Aning ara, pia kum wininamlume,” nyapdeibuk ning yanilula ati, wenepnamle. Tonda, el anye bira, Allah mapu, sik Israel nang kan-kan ton, pia kum unamle. Anye dobuka, sik ulamicak batakuka, bai tamuk yakmunba, binamlule. Anye bira, Allah babye batanamle ati, el mi kum unamle. Anye bira, el yuk ulamlya ani, dipnamle.

Imamat 19:26

Anggunce aning-aning nirya ara, ining kipman dina pia meme. Tonda, ‘Aminyan upnamle ning kel biknirye, laka nyapnamne,’ tonda, ‘Mikip arye pil doptinye’ tenen, isa si erena ap, isa mikip deice pil dona ap ara, pia meme.

Ulangan 12:22

Yata yala tup ning do nirya ara, talye mangkau asa arye, dina telebe. Ara, anggunce bai tam kam ning, rusa basam do, kijang basam do, yuk yala ning do, opna arye, talye dilamlum touk dina teleb uka. Tup dipnamting nang ara, yata nang do nirya, malye ning winibica ati, Allah dam yanmanto kum nang babye, el si eren nang babye, tonda malye ning talina kumce, Allah dam tuba yangan nang babye, atup ning sik aik koproba pum tam, talye mangkau asa arye dina telebe.

Ulangan 12:24

Dipkoprop nyapsine. Ining ning ara, anggun pia kum dinamlulume. Bukni, talye mek tukwak diklopmunba balamle touk, kam ning opmunyopura, ining ara tukwak diknamlulume.

Ulangan 15:23

Bukni, sapi basam ato ning opmamunye ning el ining ara talye kum dinamlume. Aning kum bukni, aning opmunye talak ara, el ining ara dobukapmunce, tuku deice diklopmunyeba, talye mek dikiltakalamlum atonun ubuka, batakanamlume. Aning ara el ining kum dinamlume. Musa birye Israel nang ati nyabuk.

1 Samuel 14:32

Pia mitang ubuka ati, sik Israel ninye yin talen nang arye, Pilistin nang bukuka balamik ning ap, yuk bona ap, nirya dalubuka doprobik. Dalubuka dopropmek ning nirya ara, domba basam ap, kambing basam ap, ton doprobikopura, minopce kam ning weik tonun, alubuka dopropmek ning ara, obuka, sekuka batakikce, asukumuk imbik dibik. Tonda, adiparyuk, adomba basam tup ap, sapi basam tup ap, ining tuba unmokbuk, talye mangkau arye dinmek.

1 Samuel 14:33

Ining kipman dinmek talak ara, yuk nang arye eibikce, ninye deiyoknye, Raja Saul biti binuka, lak nyabik, “Nun ninye deiyoknye Raja, an amu tam yin talen nang ara, Allah Yahweh arye, ‘Aning pia kum wininamlume,’ nyapdeiamuk ningak, yanibuka, kam ning opmakce, ining tuba unmal bukni, talye mangkau dinmak deice arye, akunum malye upmake. Deiyok ara, sik basam tup ara, ining tuba unmal ning dinmaka deice arye, malye upmake nyabik.” Nyabikura, ninye deiyoknye Raja Saul birye, el yin talen nang ati nyabuk. “Anggun anang ara, ‘Nun mutuku ati akunum lik,’ tenepmalumce, malye unmalume. Wini talak ara, weik keil tonok, kurukuka bongop kwetepmunba, asukumuk poulyanamle,” nyabuk.

Yehezkiel 33:25

Ati ara, ance sik Israel nang ati nyapnamlame. “Na Allah Yahweh, aning-aning nirya talibuka, deice tam erebuka, mikip weik ununye birye nyapkina ati, na yupu nyapdeipkin yupu ara, ance bobuka, sik dam laka nyalbinulyame. Ayupu ara, ani. Narye, ‘Aning ara, na like,’ nyapsise bukni, anggunce tuba malye weik winilulum ning ara, laka nyapnusine. Ara, anggunda ining tuba unmalye ninguk, kwalipmunce, ining kipmanuk dobuka dilulume. Tonda, ‘Nun ni birye melipnamsilʼ tenen, anggunda isa mer siuk erelulumce, ninye on nang ululume. Winipnin yangalamluma deice aryuk, pia mandipna kanye bolamlumce, ‘Amutuku nirya ara, nun mutuku koproba kipnamsilʼ tenen, Allah arye, amutuku tuku dobuka, nunti arepnamsile,’ nyaninyake.