Yehuda tam ninye deiyoknye Raja Asa bira, el kam ulamuk talak nirya ara, el kanye talima nirya deice arye, Allah el si Yahweh ati, pia talebuka ulamukce, el siuk erelamuk. Winibuka ulamuk bukni, Israel nang ulamik tam noutam ara, ton nang ara, isa-isa si erena ati, mutuku kon deice bobuka deiamikak ara, elce aning nirya ton kum uluplomuk. Aning ara, teleb kum uamuk bukni, yuk pil dolamuk ning ap, winilamuk ning ap, teleb ulamuk.
Ulangan 12:13 - Eipomek13 Musa birye nyabukce, ayupu ton dukdongobuka nyabuk. Arup akunum nyapmasin yupu ara, moubuka teninauk unamlume. Ara, ‘Nun malye wininyap ning, namin kipnamsil’ tenen, anggun kam ning obuka, uku dongona ati, bobanamlum ning ara, anggun bidamang kanye arye tenepmunye sukumuk, arena meme. Ara, talye lo upliba, eipmunyakuk dipre bana meme. Gade chapit la |
Ulangan 12:13
11 Referans Kwoze
Bukni, Raja Baesa birye, ninye deiyoknye kibuka, Israel tam ulamik ninye taleamukce, ulamuk ning ara, min talak Raja Yerobeam birye, Israel ninye taleamukce, pia malye weik ulamukba, Israel ninye eililamikce, ‘Nun ton winipnuyapʼ tenen, el malye winilamuk ninguk, talibuka ulamik. Aning atonun, Baesa babye, Yerobeam birye, malye pil dolamuk ninguk, el babye aning talibuka, malye weik ulamuk. Adeice arye, Raja Baesa babye, Allah Yahweh arye, ‘Aning ara, pia malye ning,’ nyapdeiamuk ning, anyuk pia talibuka malye winilamuk. Winilamukba, sik Israel ninye babye, el malye winilamuk ning eililamikce, sik babye, malye ninguk talibuka wililamik.
Allah arye, ‘Asukumuk na si erenamnulume,’ nyapnamsilakuk bimunyopura, elti, kibuka arenamlum ning aning-aning nirya, tonokak asukumuk deipmunce, el si erenamlulume. ‘Allah arye, nun malye ning namin kipsilirye, lyepnamsil’ tenen, arenamlum ning ara, yala yuk-yuk bukni, kam ning sapi do, kambing do, domba do dobuka opmunce, uku dongopmunba, uku dipnamle. Yuk ning ara, arenamlum bukni, uku kum dipnamle, aupnamle. Tonda, anggun wa linamlum ning ara, nirya bokuka, 10 deipmunce, tonok ning dobuka, Allah ati arepnamlulume. Ara, anggun ning noutam bokuka sepuluh persen (10%) dobuka, Allah ati arepnamlulume. Tonda, anggun babye, tuba tonap tamubuka, ‘Aning ton, na ni Allah ati arepnamne’ tenepmunce, kintinipmunyopura, Allah ati arepnamlulume. Tonda, anggunce, ‘Dipkoprop wininamne,’ nyabuka, nyalin yupu nyan talak arepnamlum ning ap, Allah ati arenamlulume. Tonda, anggun sapi basam ap, domba basam ap, mi yuma ning ara, Allah el si erena ati, anyaik noutamakuk, arenamlulume.
Amutuku ninye winilamak touk kum bukni, anggun Israel ninye ara, Allah arye el si erenak ati, ‘Asukum binuka wekenamlulume,’ nyabuka, laka nyapnamsilak anyuk, amutuku uk binuka, el si erenamlulume. Allah arye, ‘Aunamnak anye’ tenyamukce, wibuka nyapnamsilak ara, amutuku unamle. Asukumuk anggunce binuka wekmunce, elti, kibuka, el si diamuk erenamlulume. Yuk ning ati si erena pia meme.
Aning atonun winipmunyopura, Allah arye, ‘Amutuku unamne. Winipnyopura, amutuku uk, na si erenamniyake,’ tenyamuk mutuku, lak nyapsilyopura, asukumuk binuka umunce, Allah el si erena ati, el arin ning bobuka, elti, arepnamlulume. Arup arye nyapnusin ning nirya ara, amutuku uk, boyanamlulume. Boyamunyopura, anggun ni koproba Allah ati, arenamlulume. Ara, ‘Nun malye wininyap ning, Allah arye namin kipnamsil’ tenen, Allah ati arenamlum ning ara, ani. Ara, kam ulul ning sapi do, domba do dobuka opmunce, uku dongopmunba, uku dipnamle. Ton ning ara, aupnamle. Tonda, anggun wa linamlum ning ara, nirya bokuka, sepuluh persen (10%) deipmunce, tonok ning ara dobuka, Allah ati arepnamlulume. Ara, sepuluh persen mitik tonun ati nyapne. Tonda, anggun kanye koproba arye, ‘Aning ton, na ni Allah ati arepnamne,’ tenepmunce, kintinipnamlum ning ap, tonda Allah ati, ‘Dipkoprop wininamne ati, amambul ning dobuka Allah ati arenamne,’ nyabuka, nyalin yupu nyamlum ning ap, Allah atibuk arenamlume. Ara, aning-aning nirya ara, Allah el si erena ati, elce nyapnamsil mutuku, asukumuk arenamlume.
Deiyok ara, Allah arye anggun Israel nang unamlum mutuku noutam bukni, tonok yala nang arye talipnamakak, elcuk wipdeipnamsilak uk, el arin ning bobimunce, elti, arenamlulume. Ati asum arye, ‘Allah ati aning arenamlume,’ nyabuka, peterepmasin ning nirya ara, Allah arye tenebuka, wiamuk sukumuk, delilbanamlulume. Talyak meme. Musa birye Israel ninye ati nyabuk.
Dipkoprob, nunce Allah Yahweh elti, malye kina ap, el si ap, el yupu ap yanina ap ati, amesba winipmanto ning kum memepmabe. Aning ara, pia dipkoprob kum winiptibye. Tonda, amesba winipmanto ning moubuka deipmap ning ara, yuk talye si erenyak ning si erena ati, kambing ato ning ap, gandum ap, tonda, ‘Nun malye un ning lyena ap ati, uku dongona ati bobuka arelyanganamabʼ tenen ati, kum dopdeipmabe. Aning pia kum bukni, nun kele, Allah Yahweh, el si erena ati, arin ning boyabirye, el mesba deice delilyanganak ara, nun kele. Nun apu yapu arye, pia teleb, mali kumak aik dam bukni, anyaik urasin tam, akunum dobuka deiamik. Aning ara, Yordan mek duman atam, keting kumulban tam, otam akunum deiamikba, tuba aulule.
Ura, Allah el si Yahweh, el si eren aik donmek bukni, min sirya kum dakmek talak ara, Israel ninye nirya arye, Allah el si erena ati, mutuku dup deice domik aik welebikce, kam ning obuka uku dongopna arye, Allah ati aning arelamik. Ara, Allah el si eren aik min kum domika ati, talye mutuku deice welebanmekce uku dalamik.
Piblisite