Ulangan 11:19 - Eipomek

¹⁹ Winipmunyopura, Allah el yupu nirya dobuka, anggun mapu ati, tuba-tuba peterenauk wininamlume. Ara, anggun asik talye bukuka aunmamunye talak babye, bura tam bisik dabanmamunye talak babye, anggun dikdik sen talak babye, tonda bukmunce, anggun pil donmamunye talak babye, tuba peterelongonauk wininamlume.

Ulangan 11:19 Referans Kwoze

Ulangan 6:7

Arup nyapnusin yupu ara, anggunce ayupu kekepmunce, anggun mapu nirya ati, tuba peterenamlulume. Ara, anggun aik bukmunyak ap, bisik banmamunyak ap, dikdik senak ap, mapnumunye talak ap, mapmamunya ani bukmunye talak ap, atalak-atalak nirya, ayupu nyapmunce, talibuka wininamlulume. Ara, anggun ap, anggun mapu ap ati, pia petereldanamlulume.

Mazmur 34:11

Aning atonun, bai tam ulamle weik kuse atonun ning, weik yu ning, el si ara, singa kuse, el din ning ton kum uplirye, din kum diplyopura, mikip kum ulule. Bukni, nun ni koproba Allah Yahweh ati, si erebuka ukirye, ‘El dem aniryuk lyenamsil’ tenen, el amu tamuk unyak ninye nirya ara, teleb ning ati, kum patalule. Sik kam una ati, teleb ning nirya arepliba, kanye imun ton kum ulule. Aning nirya ara, sik dam pia aunamle.

Yesaya 38:19

Na ni Allaho, sik kam tuba unyak nang aryuk, an si erebikirye, anti, ‘Telebe,’ nyakinyake. Aning atonun, naryuk, arup arye an si erebuka, anti, ‘Telebe,’ nyapmakine. Ninye wisi nang nirya ara, sik mapu ati nyanyake. Ara, Nun ni Allah ara, elce, ‘Wininamne,’ nyalye touk, aning nirya dipkoprob winilule. Bico tenesilirye, pia ati kum batakasulule,” nyabuka, sik mapu ati nyanyake.

Amsal 2:1

Se, na mapu anggunda, narye nyanamsin yupu ara, anggun moubuka dolonamlulume. Winibuka dopropmunce, anggun kanye talima pum tam ara, ‘Aning ara wininamlulume, aning ara kum wininamlulume,’ nyabuka nyalinamsin yupu ara, pia moubuka kekenamlulume.

Efesus 6:4

Tonda, anggun ninye wisi ati ayupu nyapnusine. Anggunce anggun mapu ati, weik arye, wenebuka derepmunyopura, anggun mapu ara, ‘Se’ tenen, kanye imun kanye bobuka, talima sukulule. Ati, anggun mapu ati, yu upsiliba mikip arye, wenena meme nyapsine. Aning kum bukni, nun Deiyoknye Yesus arye, ‘Wininamake,’ tenesilye touk, anggunce el yupu dobuka, anggun mapu nebice talak nirya ara, “Aning wininamlulume, aning ara, kum wininamlume,” nyabuka, namin asa aryuk peterenamlume.

Mazmur 78:4

Ati, nunce deipnamap mapu babye, kekepnamak’ tenen, laka nyabibiba, nun mapu koproba arye, ton kekenamake. Tonda, ‘Nunce deipnamap mapu arye deibikiba, dadeipdanin banamak nang babye, kekenamak’ tenen, ayupu nirya, laka nyanauk unamabe. Ara, nun ni Allah Yahweh arye, pia teleb kibuka, pil dolamuk ning ap, el mikip weik arye pil dolamuk ning ap, tonda, el mikip deice arye, winipman kum pil dolamuk ning ap ara, laka nyanamabe.

Amsal 22:6

Anggun mapu nirya ati ara, ‘Teleb un ninguk talibikirye, teleb bisikuk banamak’ tenen, moubuka peterenamlume. Winipmunce, sik mapu nirya ati wenebuka, teleb kibuka peteremunce, anggun mapu teleb un bisikuk banamake. Sik mitik mapu unyak talak noutamak, teleb kibuka peterepmunyopura, aminyan talak anggun mapu akunum nebicopura, diksukum un bisik kum batakanamake. Sik mangkau arye tia talak ati, yuk malye bisik badikiba, malye winipmakca babye, aminyan talak ila tuba tonap, moubuka tenebikirye, malye winin ning batakikcopura, tamubuka teleb un bisikuk yanamake.

Ulangan 32:46

“Na wini talak nyapsin ning ara, moubuka kekepmunce, kel bikuka unamlulume. Winipnamluma deiyok ara, ani. Ara, narye anggunti, ‘Aning ara, wininamlulume. Aning ara, pia kum wininamlulume,’ nyabuka, nyapmasin yupu nirya ara, anggunce anggun mapu ati, peterepmunyopura, anggun mapu arye, ayupu nirya moubuka kekebikirye, aninguk diba tenebuka, upre banamake.

Ayub 8:10

Ati ara, moubuka tenipnamlame. Sik minop talak ulamik nang, nun apu yapu arye, kel weik bikamik nang arye nyalamik yupu nirya ara, moubuka tenipmince, wini talak an babye biknalyame. Ara, sik anang arye, akunum bikamika deice arye, anti peterepnamkiaka ati, ayupu deice arye, adiparyuk moubuka biknamlame.