Ulangan 11:10 - Eipomek

¹⁰ Anggunce binuka dopropmunce, talibuka unamlum mutuku ara, pia teleb ulule. Min talak ulamlum mutuku, Mesir mutuku atonun kum ulule. Aning ara, kume. Mesir mutuku bimunye talak ara, mikip aryuk pil dobuka, wa wipmunce, malye yala ning koulamlume. Winilamlumce, ‘Mok weik kum mutuku ati, mek ton yatuba, teleb ubuka papnamsilʼ tenen, anggun yan arye, mitik tonun mek bisik palibuka wakalilamlume.

Ulangan 11:10 Referans Kwoze

Zakaria 14:18

Aning atonun tonda, atalak ara, sik Mesir mutuku nang arye, na Allah Yahweh dam kum yakirye, na si kum erepnikceura, aning winilamaka ara, anggun dam weik imun nakina yala arepnyeba, sik dam yanamle. Ara, sik yuk mutuku nang babye, weik kwalin talak, el si ‘Mitik Bai Aik Kwalyaʼ, na Allah Yahweh, na si eren ati, kum yanganamak nang, sik wenena ati, weik nakina yala arenamne ning ara, sik deice poupnamle. Mutuku sirya, im sirya nirya yanuka, na si kum erenamniak mutuku nang nirya ara, sik deice anakina yala arepnamne.

Ulangan 11:9

Tonda, arup arye nyapdeipmasin yupu moubuka talipmunce, pia kum batakmunyopura, Allah arye anggun kam una ati, lo weik tonun ton arepnamasile. Ara, anggun omutuku noutam wekelbimunce, unamlum mutuku ara, keting tamun tonap weik tonun mapmunce, unamlume. Amutuku ara, Allah arye anggun apu yapu ati, nyalin yupu nyapdeiamuka deice arye nyabuk. “Anggunce deipmunyeba, dadeipdanin banamak nang nirya ara, pia teleb mutuku arepnamsine. Tonda, winipmanto yupu ara, amutuku ara, sapi basam moum yung ap, mong mek ap, pia weik ulye mutuku dopropnamlume. Ara, amutuku noutam ara, yata teleb ning do, yala-yala nirya, pia teleb ning weik aulula ati nyapsine. Amutuku arepnamsine,” nyapdeiamuk. Ati ara, wini talak amutuku uk, binuka unamlume.

Ulangan 11:11

Bukni, anggun binuka dopropmunce, unamlum mutuku ara, aning atonun kum ulule. Amutuku ara, weik mutuku kon belebuka bukuk mutuku noutamuk unamlume. Tonda, mutuku lilunuk unamlume. Amutuku nirya ara, mok im deice aryuk, weik tonun cebuka sakalirye, tuku deice ara, kat kum bukni, pia teleb namin tuku unamsile.

Yesaya 37:25

Tonda, an kanye aryuk, yuk nang arye, “Elda, pia mambul weiknye, tenepnamniyakʼ tenen, narye sumur mek dina ati, sik mutuku binuka, talye mangkau mekwen palibuka loksirye, mek dilamsirye, amutuku nirya alubuka dopropse. Tonda, na ap, na yin talin nang ap, yupa pia weik tonun, Mesir mutuku noutam balamuk mek yanibuburye koubuka balamupu talak ara, sik mek nirya cebuke,” nyaplume.

Yeremia 2:7

Na Allah arye, sik apu yapu utotoa weik teleb ubuka palamuk mutuku uk, boyanuka deiamse. Ara, ‘Winipnibuk, amutuku ukirye teleb kanye bobikirye, yala ning ayala-yala nirya koubuka dinamake’ tenen, teleb mutuku boyanamsise. Bukni, amutuku noutamak ara, malye ninguk talibuka ulamikba, narye arepsise mutuku ara pia malyeuk ulilamike. Ara, ‘Na tenena ninye arepneba, pia unamake’ tenen, arepsise mutuku, sik apu yapu arye pia malye ninguk talibuka ulamika deice arye, amutuku malye ulilamik.

Ulangan 8:7

Aning ara, talye ati kume. Deiyok ara, Allah arye, tuku teleb mutuku bobuka binamsile. Amutuku ara, mek diksukum balamle mek ap, puak mek ap, tuku pum bisik arye kutuklamle mek ap, mekwen ap, mutuku keil pum arye kutuklamle mek ap, anirya ara weik aulule. Ara, weik mutuku noutamak ap, lu mutuku noutamak ap, tonda mitik mutuku taram noutamak ap, mek weik aulule.