Ulangan 10:19 - Eipomek

¹⁹ Ura, ati ara, anggun ton atonun wininamlulume. Ara, Mesir mutuku noutamak ulalum talak ara, ninye asik nang atonun ulaluma ati, wini talak ara, sik mutuku koproba noutamak unyak ninye, yuk yala ninye unyakce, ninye asik nang unyak ninye ara, ‘Nun kwit capu’ tenen, bico tenebuka, anang ati melinamlulume.

Ulangan 10:19 Referans Kwoze

Keluaran 22:21

Ninye asik nang, anggun dam aunamak nang ati ara, ikin ning pia kum delinamlume. Aning kum bukni, melibuka umunce, anang ati, diksukumuk unamlume. Awinamluma deiyok ara, ani. Ara, anggun Israel nang babye, Mesir mutuku noutam ulamlum talak ara, anggun babye, ninye asik nang atonun ulamlumba, Mesir mutuku nang arye, anggun nong deice ikin weik delilamsikce, malye kililamsika ati, nyapsine.

Galatia 6:10

Aning ara, lo tuba upmasilye talak ara, yuk nang sik patan ning do, ikin uplye talak do, eibibyopura, aninye ati bico tenebuka melinamabe. Ninye nirya ati bico tenebuka melinamap bukni, pia weika arye bico tenebuka melinamap ninye ara, Yesus ati diba tenenyak ara, nun du weit atonun kipdeipsuk ninye ati, bico tenebuka melinamabe.

Lukas 17:18

Yata ati ninye asiknye Samaria tamnye el tonok aryuk, teleb nati tamubuka nyanmanil do? Barye suse dilamuk nang ara, taku barye (10) nang kweteipmanu bukni, anye biti tonok aryuk Allah si erebuka ‘Telebe,’ nyalyanmasile. Sik yuk nang tupne barye nang Yahudi yala nang nirya ara kwetepmanu bukni, teleb nyabuka kibuka si erena ara, batakmasiake,” Yesus arye el ap neika banmek nang ati nyabuk.

Lukas 6:35

Wininyak bukni, narye nyapsin yupu ara, yuke. Sikce, ‘Anang optibye,’ tenelamsikce nang ati, bico tenebuka, teleb updeipmunce, ‘Aning tamubuka arenamsiake,’ tenena kum aryuk, talye urdemuk arenamlulume. Aning ati ara, anggun ni Allah im deice ululnye birye, pia malye ninye ap, teleb ubuka melilule, sikce tamubuka, ‘Naio telebe,’ pia kum nyanyak ninye ap nirya ati, bico tenebuka kanye arelul touk, anggun babye, yuk ninye nirya ati, bico tenebuka kanye delinamlulume. Anggunce winipmunyopura, Allah el mapu koprop kipdeipnamsile. Tonda aminyan ara, Allah arye im deice teleb ning weika arye arenamsile.

Ulangan 23:7

Bukni, anggunce Edom mutuku unyak nang ati ara, ‘Sikda talye nang anya arye, malye wininyake, nun like,’ pia kum tenenamlume. Deiyok ara, sik amutuku nang ara, sik kayapu nang, Israel yala nang arye deibikba, dadeipdanin balamika ani, Israel yala nang noutam unyak nang unyaka atia. Tonda, Mesir mutuku unyak nang ati, ‘Sikda talye nang unyaka anya arye, nun like,’ kum tenenamlume. Deiyok ara, min talak anggunda, Mesir mutuku noutam ninye asik nang, tikilyangan nang atonun kibuka winilamluma atia.

Yehezkiel 47:22

Tonda, atuku noutam ara, anggun mutuku koproba, pia ati talebuka unamlume. Tonda, yata mutuku nang do, sik yuk mutuku ninye asik nang arye, sik Israel yala nang dam yanuka neika umunce, atalak tuba aunyak nang arye, sik ap, anggunce sik mapu delilamik nang ap, anggun neika atuku dopropnamlume. Ara, anggun Israel yala nang ap, anggun neika ululum ninye asik nang ap babye, amutuku tuku bokuka deipmunyeba, talebuka unamake. Ara, anggunce, ‘Kume, anang nirya ara, Israel yala nang uka,’ tenamlume. Tonda, anggunce pia tuku dolona ati, ‘Yatanye birye, dan tuku dopropnamleʼ tenen, win ning el si undi donamluma deice arye, anggun ap neika bokmunce dopnamlume. Ara, atuku anggun Israel yala nang nirya arye, tuku wilipnumunye talak ara, anggun kayapu nang, yuk mutuku ninye asik nang bukni, anggun ap neika umunye nang babye, bokuka arenamlume. Winipmunyeba anang nirya ara, sik ap neikauk unamlume.

Yehezkiel 47:23

Ura, ninye asik nang bukni, amutuku nang kibuka ululum nang nirya ara, sik Israel nang ap neika unyakakuk, tuku wilibuka arepmunyeura, sik Israel nang unamakak ara, anggun ap neika ansinibuka unamlume. Nara Allah Yahweh, aning-aning nirya talebuka, deice tam erebuka, mikip weik ununye birye, akunum nyapsina ati, aninguk wininamlume.

Ulangan 23:8

Ati ara, sik amutuku nang arye deibikiba, deipnamak nang, anang arye deipnamak nang ton, doyanamle keting tamun, ninye dika winilye ning kiplirye, anyubuka dotalak deipnamak nang ara, sikda Israel nang arye, Allah Yahweh el si erena ati, el dam yanganamak talak ara, sik anang babye, ansinibuka yanganamnyake. Aning ara, pia tuba wininamlume.