Ulangan 1:45 - Eipomek

⁴⁵ Winibuka obuka sirya daksikba, anggun adiparyuk tamubuka yanamlumce, Allah Yahweh ati, ‘Se, nun ni Allah Yahweh, ance nunti, bico tenesimince, melipsilyame,’ nyabuka, moryamlumce, engelamlum bukni, Allah Yahweh, elce anggun yupu kekebuka mangkau kiamsuke. Anggunce morolamlum yupu ara, pia kum kekamsuke.

Ulangan 1:45 Referans Kwoze

Ibrani 12:17

Ura, anggun kele, Esau birye, el talyamtu ning nirya akunum dekukba, el weit kopropauk, doprobuk bukni, aminyan talak ara, Esau el kanye tamubukce, ‘Se, na ni talyamuk ning arepnutuba, naryuk doproptinye’ tenen, patabukba morobuk bukni, el li birye batakuk. Esau birye, “Se naio, aning arepnutume,” nyabuka, weik arye engebuka moronauk unmok bukni, el li kopropa, el kanye kum tamubuka ati, pia batakuk.

Mazmur 78:34

Atalak nirya ara, Allah arye sik Israel nang weik tonun olamuk talak ara, sik tuba kam ulamik nang arye, ‘Se, Allah arye melibuka lyepsutu do?’ tenen, tamubuka Allah ati morolamik. Tonda, sikce, ‘Se, nun malye pia weik ulamupu ning ara, bataknuyap,’ tenen, malye weik nyalamikce, ‘Allah arye lyepsutu’ tenelamikce, ‘Allah el dam tamubibirye unamap’ tenen, elti, morolamikce, ‘Dan sukum arye, Allah ap neika uptibye do?’ tenenauk ulamik.

Lukas 24:27

Nyabukopura, Musa ap, Allah yupu laka nyalamik nang, Nabi-Nabi nang ap arye el Yesus ati sekamik yupu ara, ayupu arye deiyok koubuka, Allah yupu noutam ulye yupu nirya arye el Yesus ati seklamik yupu dobuka, Yesus arye abitinye nang ati, laka nyapnin banmok.

Yohanes 9:31

Nun nirya kele. Malye tuba wininyak ninye arye Allah ati moroptinga babye, sik morobice ning Allah arye kum kekelule. Allah el ulul ning ap, el nyasilye yupu ap ulye touk, aninguk talibuka diksukumuk ululnye birye morolye yupu ara, Allah arye kekelule.

Ayub 27:8

Tonda, sik malye winin ninguk talibuka wininyak nang ara, Allah arye anang ati, weneplirye, malye kibuka oblyopura, akunuma. Ati, sikce “Se, ‘Aning ton winiptibyeʼ tenen, patapsile,” nyabuka tuba teninibikirye, kum nyanamake. Adiparyuk dipnamaka ati, sikce aning pia kum winiptinge.

Ayub 27:9

Sik anang dam ikin ning weik areplyeba dorobikirye, kanye imun uplyopura, engenmakce talak ara, Allah arye kekepnamle do? Kume, ara pia kum winipmanto nyapsine.

Mazmur 66:18

Bukni, wini talak nirya ara, na talima noutam, ‘Malye un ning tuba wininamne. ‘Aning nirya ara, kum bataknamne,’ tenyamtinye toura, aning-aning nirya talilulnye, Mikip Pia Weik Deiyoknye Allah arye, na moropse yupu kum kekepnutue.

Amsal 1:25

Narye anggunti, “Teleb kibuka un ning ara ani, teleb kibuka ban bisik ara ani,” nyabuka, laka nyalamsise bukni, na nyalamsise yupu nirya ati, mangkau kina uk ulamlume. Anggunce, ‘Akil ara wenena yupu nyasulul ning ara, nun like’ tenen, yaniltana uk ulamlume.

Amsal 1:28

Aminyan talak, ikin ning weik anggun dam yalyopura, anggunce nati, “Se, nun melibuka lyepsilyame,” nyabuka moronamnulum bukni, nara, “Aunmana ati ara, melipnusine,” kum nyanamsine. Anggunce moropnamnulum yupu ati, kekepnirye tamubuka kum nyapnamsine. Tonda, anggunce nati, ‘Se, nunda pia weik kel bikna deiyok ning patasulula ati ara, dobuka kel kiptibye’ tenen, epra banamnulum bukni, pia kum eipnamnulume.