Ulangan 1:35 - Eipomek

³⁵ Allah arye nyapdeibuk yupu ara ani. ‘Ura, wini talak unamlum Israel nang ara, anggun malye un ninguk talibuka ululum nang anya arye, anggun kan-kan noutam arye, tonoknye babye, narye anggun apu yapu nang ati nyalilamse ning dopropnamlume. Narye anggun apu yapu nang ati, ‘Ateleb mutuku Kanaan tam arepsiniba, omutuku noutam arye teleb ubuka unamlume,’ nyabuka, nyalin yupu deice arye nyapdeiamsise mutuku ara, wini talak kam ululum deiyok nang ara, amutuku kum binuka weknamlume,’ nyamsuke.

Ulangan 1:35 Referans Kwoze

Mazmur 95:11

Ati ara, narye sik aninye nirya ati, pia yu ulamnuke. Winibuka, ‘Aninye ati teleb kilisiniba, sik ilil tenena kum arye, teleb kanye bobuka unamake,’ nyabuka, nyalilamse yupu ara, ‘Aninye ati, pia kum arenamsine,’ nyapdeiamse.” Allah arye nyabuk.

1 Korintus 10:5

Anyapmasin ning nirya ara, nun apu yapu, Israel ninye yupa weik ulamikce, ninye kum winipmanto ning ara, Allah arye, pil dolamukba sik nirya neika elilamik bukni, tuba malye winilamikopura, Allah arye, aninye ati yu ulamuk. Yu ubukba, aninye bokuka, yupa weik ning ati, malye kanye bobuka wenebukba, amutuku noutamak, mek kum uamuk mutuku dana-dana, weik arye, olamuk. Olamuka anya arye, sik diamikce aninye sirya daklamuk. Sik diamik ninye ara, weik diamikba, sik kayapu nang arye, tuku palibuka weilamik.

Ibrani 3:14

Amambul yupu ton nyapnusine. Nunce Allah ati, winiryuk diba tenebupu talak ara, kanye bokoltona kum arye, mikip arye diba tenebupu touk, tuba-tuba diba tenepra balamibya ani, dorsirya talak babye, batakna kum arye, Allah eluk moubuka talibibirye, tuba diba tenenamabe. Winibuka winibibyopura, wini talak babye, aminyan talak babye, Kristus ap, talima dukdongobuka neika unamabe. Bukni, kanye boktopsilyeba, Allah ati batakipyopura, Yesus Kristus ap, neika kum unamabe.

Ibrani 3:16

Ura, ayupu ton nyapnusine. Arup nyapmasin yupu noutamak ara, kum kekelamikce, ‘Allah nun like,’ tenebuka Allah ati, bataklamik ninye ara, ‘Yata ninye do?’ tenena kume. Sikda, Mesir mutuku noutamak arye batakuka, Musa menekuka balamukba, el urasin tam balamik ninye, Israel yala ninye nirya ati nyapsine. Mesir mutuku arye batakuka, Musa menekuka balamukba, el amenyan tam balamik talak noutamak ara, abalamik ninye ara, Allah ati lik ubukba, elti, yanilamik.

Ulangan 2:14

Ura, mutuku si, Kades-Barnea mutuku arye deiyok koubuka, upnin yangalamupu ani, Zered mek duman koubuka, atam yapu sum bukni, aketing tamun noutam nirya ara, yupa pia weik tonun, tiga puluh delapan (38) tahun deice arye, bisik banauk ulamupu. Amutuku yanuka, ulamupu talak ara, Allah arye nyapdeiamsuk touk, Kades-Barnea mutuku arye, deiyok koubupu talak ara, sik yin talin nang nirya, tuba kam ulamik nang atalak 38 keting tamun noutam, tuba upnin yangalamik nang, sik yin talin nang nirya ara, akunum diamike. Tonoknye babye, kam tuba kum ulamuk. Aning ara, Allah Yahweh arye, ‘Na yupu yanipmaluma anya arye, pata mutuku arye, talye dem balamlum buk, sirya talak ara, sik anang nirya dipnamakca,’ nyamuk touk winibuk.

Mazmur 106:26

Sik Israel yala ninye ara, “Allah arye nyasulul yupu ara, kum kekenamabe,” nyabuka bataklamika ati, Allah arye, el taruk erebukce, nyalin yupu ton nyabuk. Ara, Allah arye, “Sik Israel yala nang ara, pia malye weik tuba wininyaka ati, sik nirya ara, obuka sirya daknyopura, pata mutuku noutam ara, sik nirya dibinauk unamake,” nyapdeibuk.

Yehezkiel 20:15

Tonda, ani. Akata mutuku padang pasir noutam balamik talak noutam babye, narye sik Israel nang ati, ayupu ton nyapse. Ara, “Kume, anggun Israel nang ara, ‘Mesir mutuku noutam arye bobuka, pia teleb mutuku bobinuka arepnamsine,’ nyabuka, nyalin yupu arye nyapsise bukni, wini talak ara, amutuku bobinuka, kum arepnamsine. Anggun pia teleb una ati, amutuku kintinip deiamse mutuku tuku dam ara, arepsinyeba, kum wekuka unamlume. Akintinip deiamsise mutuku noutam ara, teleb ning yuk-yuk nirya, weik aupmala anya arye, amutuku ara, dipkoprob bona talibuka un mutuku ulula anya arye, pia teleb mutuku ulule. Yuk-yuk mutuku nirya ara, mitik teleb bukni, amutuku nirya ara, teleb pia weik mutuku ulule.

Ulangan 1:8

“Teneipdelulume. Amutuku-amutuku nirya ara, narye akunum arepmasina ati nyapsine. Allah, na si Yahweh arye anggun apu yapu Abraham ap, Isak ap, Yakub ap ati, ‘Aminyan talak, amutuku nirya arepnamsine,’ nyapdeipsa ati nyapne. Tonda, nyapse. ‘Anggunce deipmunba, anggun mapu arye, dadeipdanin balamica ani, aminyan deipnamak mapu ati, amutuku nirya arepnamsine,’ nyapdeipse. Ati, narye, ‘Anggunda amutuku binuka unamlulume,’ nyapdeipse mutuku uk, wini talak anggun bimunce, talibuka unamlulume,” nyapsine. Allah arye, Musa biti nyabukba, Musa birye Israel ninye ati, laka nyabuk.