Ulangan 1:34 - Eipomek

³⁴ Musa birye sik Israel nang ati nyabuk. “Allah arye anggun tenebuka nyanmalum ning kekepsukce, elti, diba kum teneplumce, el yupu yanipmalum ning bikopura, yu weik ubukba, ‘Anggun anang wenena ati ara, winipnamsine,’ nyabuka, ikin yupu ton nun deice deipsuke. Ayupu ara dipkoprob sik anang ati nyapne,’ nyamsuke.

Ulangan 1:34 Referans Kwoze

Yehezkiel 20:15

Tonda, ani. Akata mutuku padang pasir noutam balamik talak noutam babye, narye sik Israel nang ati, ayupu ton nyapse. Ara, “Kume, anggun Israel nang ara, ‘Mesir mutuku noutam arye bobuka, pia teleb mutuku bobinuka arepnamsine,’ nyabuka, nyalin yupu arye nyapsise bukni, wini talak ara, amutuku bobinuka, kum arepnamsine. Anggun pia teleb una ati, amutuku kintinip deiamse mutuku tuku dam ara, arepsinyeba, kum wekuka unamlume. Akintinip deiamsise mutuku noutam ara, teleb ning yuk-yuk nirya, weik aupmala anya arye, amutuku ara, dipkoprob bona talibuka un mutuku ulula anya arye, pia teleb mutuku ulule. Yuk-yuk mutuku nirya ara, mitik teleb bukni, amutuku nirya ara, teleb pia weik mutuku ulule.

Mazmur 95:11

Ati ara, narye sik aninye nirya ati, pia yu ulamnuke. Winibuka, ‘Aninye ati teleb kilisiniba, sik ilil tenena kum arye, teleb kanye bobuka unamake,’ nyabuka, nyalilamse yupu ara, ‘Aninye ati, pia kum arenamsine,’ nyapdeiamse.” Allah arye nyabuk.

Ibrani 3:18

Tonda, Allah arye, “Na mikip arye nyapsine, Aning ara, na ap dikdik sena ati, kintineipsise mutuku ara, pia kum dolonamake,” nyalilamuk ning ara, ‘Yata ninye ati, ayupu nyabuk do?’ tenena kume. Ara, el yupu ati, diba tenena kum arye, yaniltalmik ninye ati nyabuke. Yuk ninye ati kume. Allah el yupu yaniltalamikce, kekebuka kum dobolbalamik ninye ati, yu ubukba batakuke.

Bilangan 32:14

Ati dipkoprob nyapsine. Anggun wini talak ululum nang atouk, minop talak babye, anggun ni yapu arye, Allah nyapdeiamuk ning, pia kum kekelamik atouk, anggun Ruben yala nang ap, Kat yala nang ap, anggun babye kum kekelamlume. Adeice arye, malye kiplumce Allah el yupu yaniplumakarye, pia malye weik kiplume. Ati anggun babye, anggun ni yapu malye ulamik atonun anggun babye wininulume. Adeice arye Allah Yahweh, el yu ara mitik tonun aubuk bukni, wini talak ara el yu ara weik tonun tonap upliba, anggun Israel nang deice ikin ning weik tuba-tuba upmasile.

Mazmur 78:59

Sik Israel nang arye, amalye winin ning weik winipnin balamikba, Allah arye aning nirya eibuka kibukopura, yu weik ubukba, elce sik Israel yala nang ati, ‘Anang na lik ati, sikti, tonap kum melibuka kalikinamne,’ tenelamukce, sikti, bataklamuk.