Titus 3:12 - Eipomek

¹² Ura, ‘Na Nikopolis mutuku arukna li talak unamne’ tenen, akunum tenepsa anya arye, narye nun kwit yapu, Artemas ap, Tikikus ap, dopreibnibuk, an dam yarikcopura, anda minopce na dam Nikopolis mutuku yandenamlyame.

Titus 3:12 Referans Kwoze

2 Timotius 4:9

Winira Timotiuso, ‘Paulus dam minop binun’ tenen, pia piripdenamlyame.

Rasul 20:4

Tenebukce amutuku biyuk talak ara, el ap, neika biyik nang si ara, ani. Berea mutukunye Pirus el mi Sopater ap, Tesalonika mutuku nang bitinye nang ara, Aristarkus ap, Sekundus ap, Derebe mutukunye Gaius ap, tonda, Timotius ap, ton Asia tam bitinye nang ara, Tikikus ap, Teropimus ap, anang ap, Saulus ap, sik nirya neika Makedonia tam noutamak mapnin balamik.

2 Timotius 4:21

Timotiuso, arukna wala li upnamle dam akunum ubuka ati, aning min kum upmalye talak, ‘Minop na laka nyalyanutume’ tenen, moropkine. Na ap, unyak ninye arye anti, “Telebe,” nyalikinyake. Sikda, Ebulus ap, Pudes ap, Linus ap, Kelaudia ap, amutuku diba tenenyak nang nirya ap ati, narye nyapkine.

2 Timotius 4:12

Na kwit Tikikus ara, Efesus mutuku dopkwetepse.

1 Korintus 16:6

Min kum tenepse bukni, anggun dam akunum yanyopura, ‘Nun neika mapnamap do, adiparyuk yuk mutuku benamne do?’ tenenamne. Tonda, yata mutuku do, na aminyan talak ara, benamne mutuku ati, ‘Sik Korintus mutuku ninye arye, melipnamniak’ tenen, ‘Arukna wala nirya anggun ap neika mapnamap do, kum do?’ tenen, tuba tenenune.

Efesus 6:21

Ara, na kayapu, nun weit atonunye Tikikus, nun Deiyoknye Yesus ap, kanye talima dukdongobuka ulirye, batakana kum, pia pi dobuka Yesus ati pil dolule. Tikikus birye, na wininye ning ap, imun unulul ning ap, nirya ara, anggun kekena ati, anggun dam yalirye, laka nyapsiliba kekepmunyopura, na unye ning nirya kel biknamlume.

Kolose 4:7

Na winilamnuk ning ap, wini talak wininilye ning ap, na wininun ning ap, nirya ati, na kwit koprop Tikikus arye, anggun Kolose nang ati laka nyalyanamsile. Tikikus ara, Yesus diba tenenanye ulula anya arye, na weit atonye ulula arye, batakna kumce, Yesus el yupu peterelule. Tonda, nati pia pi dobuka, teleb kibuka melinulule. El ap, na ap, nun Deiyoknye Yesus el pil neika pil donyame.