Rut 3:6 - Eipomek

⁶ Ayupu akunum sirya nyabukopura, Rut adiparyuk, gandum wa wiamikak sekuka, gandum kwekenmekce, kala kokon pil donmekak biyuk. Biyukopura, el yamal kil nyapdeipmok touk, aning nirya winibuk.

Rut 3:6 Referans Kwoze

Amsal 1:8

Na mapu nirya ara, anggun ni yapu arye peteresikce yupu nirya ara, moubuka kekepmunce, talinamlulume. Aning atouk, anggun nin yapu arye, nyasinyak yupu nirya babye, moubuka kekepmunce, pia kum batakanamlulume. Ayupu nirya ara, talibuka unamlulume.

Yohanes 2:5

Nyabukura, el lin birye, anyaik pil melinang ati, “Yesus arye nyapsil yupu uk, adiparyuk kekebuka winiplulume,” nyabuk.

Keluaran 20:12

“Anggun ni yapu ap, anggun nin yapu ap, ‘Sikda mambule’ tenen, sik yupu moubuka kekemunya deice arye, teleb winipmunyopura, keting tamun weika arye tonap arepnamsine. Pia teleb mutuku arepsinyopura, kam tuba unamlume,” Allah el si Yahweh arye nyabuk.

Yohanes 15:14

Narye anggunti, “Aning wininamlulume, aning ara kum wininamlulume,” nyalisinye yupu, dipkoprop kekebuka winipmunyopura, narye, “Anggunda na weitcapu nang koprop,” nyanamsine. Narye nyasinye yupu kum kekepmunce, batakmunyopura, ‘Anggunda na weitcapu nang,’ nyabuka kanye kum delinamsine.

Rut 3:5

Nyabukopura, Rut birye tamubuka, nyabuk. “Nongo an nyapmanilam yupu nirya, bikmana ati, aninguk winipnamane,” nyabuk.

Rut 3:7

Aminyan ara, Boas din ap, mek ap dibukura, el mikip ubukce, kanye teleb ubukura, gandum duk teleb ning wibuka, deilinmek dam malbiyuk. Mabuk talak ara, Rut bira yupu nyana kum, tunim abuka, Boas el selimut pakupdanuka mapmokak, el yan dam binuka, Boas el yan pakupmok ning dangabuka, el yan damuk, binuka mabuk.

Ester 2:10

Mordekai birye, akam kil Ester biti, nyabuk. “Raja Ahasyweros, ‘Derepkilyak’ tenen, an ni yapu ap, an nin yapu ap, an yala ninye ap, atia, nyabuka, pia kum laka nyanamlyame. ‘Na yala ara ani,’ nyabuka, lakak arye kum laka nyanamlyame. Aning ara, min laka nyana meme,” nyabuk. ‘Aning ara, kum laka nyanamlyame,’ nyabuk ning deiyok ara, Ester bira, Yahudi yala kil ulamuka atia.