Rut 1:22 - Eipomek

²² Arup nyapmap touk, Naomi ap, Moab mutuku kil, el yamal kil, el si Rut ap, Moab mutuku noutam arye batakdikce, tamubuka Betlehem mutuku yarik. Yarik talak ara, gandum wa wiamika yupmekce, dinmek talakuk yarik.

Rut 1:22 Referans Kwoze

Rut 2:23

Ati ara, Naomi nyapmok touk, Rut bira, el ka kilapu ap, neika Boas el gandum wa ap, el jelai wa ap, asukumuk pil dolamuk ani, akunum nirya sirya dakuka, liprobik. Ara, minop talak arye, gandum duk ap, jelai duk ap, lipnin yangalamika ani, sirya dakdongobuka liprobik. Atalak nirya Rut bira, el yamal kil ap, uk ulamdik.

2 Samuel 21:9

Ninye deiyoknye Raja Daud birye, tekbarye nang doprobukce, sik Gibeon mutuku nang ati arebuk. Winibukopura, sik tekbarye nang nirya ara, Allah Yahweh el si erelamik mutuku kon deice, ara Gibeon mutuku kon deice binuka, cang yo taica ketepdeibik ning deice diripkwetebikura, adiparyuk nirya dibik. Ninye deiyoknye Raja Daud birye, pia mok cena kum arye, dou pia malamuk talak, sik tekbarye nang ara, ikin ning dobuka deiamukba, Gibeon mutuku nang arye obikura, akunum dibik. Atalak ara, sikce wa wibuka koamik ning, el si ara jelai sekukabikce, libuka deilinmik talak dibik.

Imamat 23:10

Ance sik Israel ninye ati, nyapnamlyame. Na Allah arye arepnamsin mutuku, akunum wekelbimunyopura, aning-aning nirya, nong malamle ning ap, duk moulamle ning aning-aning nirya ap, bulubuka lipnamlulume. Winipmunyopura, gandum nong ning dopropmunce, min yuma moulamle ning ara, wibuka koupne tonok koupmunce, Allah el si eren aik pum tam, pil dona deiyok nang, sik dam boyanamlulume. Adeiyok nang ara, Allah ap, ninye ap, ansinilina deiyok nang ati nyapsine.

Imamat 23:11

Anggun akunum boyamunce, adeiyok nang dam arepneba, Allah el si eren aik pum tam, pil dona weik deiyoknye birye, agandum koupne dobuka ereplirye, Allah el si Yahweh dam arye, erebuka bobilirye, ereptalibuka bobinamle. Winipnamaka deiyok ara, ‘Allah arye, Israel ninye ati, sik malye ning ara, namin kibuka, kum kiplirye, lyepsutue’ tenen, wininamake. Apil donamle sum ara, tekbarye sum pil dona kumce, dikdik sebuka, Allah el si erenamak sum akunum upliba, mapmamunya ani, bereknamle talak ati nyapsine. Allah arye Musa biti nyabuk. Nyabukce, ayupu ton nyabuk.

Rut 2:6

Asibukba, el anye birye, “Akil ara, Moab mutuku kile. Naomi melibukba, sik neika Moab mutuku arye, yanmarak kile.