Roma 6:8 - Eipomek

⁸ Ura, aninguk kume. Nun kele. Kristus dibuk talak ara, Allah arye nun ap, Yesus ap dukdongopsuk ati, Yesus dibuk talak ara, nun ap dibupe. Kristus ap, nun ap neika dibupa anya arye, nun kele, Kristus pia kam unamle touk, nun babye Kristus ap kanye talima dukdongobuka pia kamuk unamabe.

Roma 6:8 Referans Kwoze

2 Korintus 13:4

Ara dip, sikce Yesus tongobuka, wanwanun yo deice arye obik talak ara, Yesus mikip naminuk ulamuk bukni, wini talak ara, Allah el mikip deice arye, kam bukdeibukba, mikip arye ulule. Aning atonun, Kristus ap, kanye talima dukdongobuka neika unyap bukni, nun mikip ara mitang nanguk unyabe. Bukni, Allah el mikip arisilya deice arye, nun ap, Kristus ap neika ubirye, anggunti melibuka pil donamsiabe.

Yohanes 14:19

Like mitik anun talak ton akunum uplyopura, dib tenena kum, talye tukwak ninye arye kum eipnamniyake. Bukni, anggunuk ara, eipnamnulume. Na pia kam unanye ununa ati, anggun babye kam unamlume.