Allah lyepsuk talak arye dipdongobuka, wini talak anoutamak talak nirya ara, ‘Allah arye nun tukwak nong punupsilirye, im deice pia teleb ninguk arepnamsile’ tenen, kanye deibuka dinauk unyabe. Bukni, ‘Wininamsile’ tenen, kintinibuka dinauk ulamibya ani, aminyan talak aning akunum arepsiliba eibibyopura, akunuma. Wini talak arye dipdongobuka doryanamle talak ara, ‘Dan talak winipnamsil do?’ tenen, dinauk kum unamabe. Akunum doprobibye ning ati ara, ‘Se, dan talak arye doproptinye do?’ tenen, dilamak touk kum unyabe. Yatanye do nirya, ‘Se aning ara na doproptinye’ tenen, patalyeba dinauk ululnye bira, akunum doproplyopopura, ‘Dan talak do?’ tenen, dinauk pia unamle do? Kume.