Roma 3:18 - Eipomek

¹⁸ ‘Ninye mutuku-mutuku nirya arye, ‘Se, Allah arye wenepnamsil do? Yata wiripnamsil do?’ tenebuka, Allah ati ilil kum ulule. Sik nirya arye talye luparabuka malyeuk wininyake.’ (Mazmur 36:1)

Roma 3:18 Referans Kwoze

Mazmur 36:1

Raja Daud birye, aMazmur mot yupu sekuk. Ara, Allah yupu mot nyana deiyoknye arenamika ati, sekuk. Daud bira, Allah Yahweh el amu tam ulamukce, pil dolamuk.

Amsal 23:17

Tonda, anggunce yuk ning pia malye-malye unyak ninye ati, ‘Se, sik aninye wininyak ning ap, sikce talinyak ning nirya ara, na ton taliptinirye, sik wininyak atonun winiptinye,’ tenena pia meme. Aning ara kum wininamlum bukni, anggun na mapu nirya arye, nun ni Allah Yahweh ati, ‘Elda weik telebnye ulule’ tenen, el tibuk ilil tenebuka umunce, el siuk pia erenamlume.

Amsal 16:6

Ninye ton teleb ubuka ukirye, Allah atibuk batakana pia kumce, elti, ilil tenebikirye, dib tenebuka telebuk ucopura, Allah arye sik malye unyak ning nirya, namin kipnamle. Bukni, pia teleb ning tuba tenenamle ning ara, ani. Yata ninye do nirya, dipkoprob Allah ati, ilil tenebikirye, el si erebuka kinamak ninye nirya ara, Allah el amu tam telebuk unamake. Aning atonun unyak ninye nirya arye, ‘Malye un ning tonok ning babye, kum unamabe,’ tenebikirye, pia telebuk upnin banamake.

Amsal 8:13

Allah Yahweh ati, ilil upliba, el siuk erenyakce, el tam uk si erenyak ninye nirya ara, ‘Malye winin ning nirya ati, nun like,’ tenekirye, batakanyake. Nara pia weik kel bikna deiyok ning arena deiyoknye ununa ati ara, narye, ‘Aning ara na like,’ tenenun ning ara ani. Ara, malye winin ninguk, talibuka unyakce, sik talima erelanyak ninye ap, erepdanuka kwalibuka kwalina deice uk unyak ninye ap, tenen arye malye yupu nyaltakanyak ninye ap, malye ning ayala-ayala nirya, talibuka unyak ninye ap, sik nirya ati, yu uniliba, ‘Na pia like,’ tenenune.

Wahyu 19:5

Ayupu nyabikba, Kekepsopura, adiparyuk tonoknye Allah el weik ninye deiyoknye bun ning dam arye ayupu tonap nyabukba, kekepse. “Allah el amu tam bukuka, el piluk dolulum ninye nirya arye, nun Ni Kopropa Allah ati, el siuk erepnululume. Allah ati, ‘Se, elda mambul pia weike’ tenen, elti, si erelulum ninye nirya, mambul nang babye, mambul kum nang babye, anggun nirya ansinibuka el siuk erenamlulume,” nyabuk.

Lukas 23:40

Nyanmok bukni, dana tam deipmeknye birye, “Sikce el opmak tok, nun babye, opmasiaka anye arye, Allah ati ilil kum unmakil do?

Kejadian 20:11

Nyabukba, Abraham birye tamubuka nyabuk. Kume, na tenipmanu ning ara, laka nyapnusine. Narye anggunti tenepmasina ara, ani. Kume, amutuku ninye arye, na ni koprop Allah ati, el si erebuka, el si erebikirye, elti, ilil pia kum ulule. Winibuka kum unyak ninye anya arye, sikce na kil ati, ‘Akil ara urasin teleb kil anya arye, dopnuyabe,’ tenebikirye, ‘Na ti opnicak,’ tenepsise.

Ulangan 25:18

Anggun ni koproba Allah ati, ilil kum tenebikce, sik Amalek mutuku nang arye, anggun Israel nang ati aminyan dobolyasiyikce, ‘Optibyeʼ tenen, pirilamsik. Ara, anggun babye, nong namin kibuka, mikip nirya kum kiyamsuk talak nemalya arye dobolyasikirye, anggun kayapu aminyan kanye imun deice arye yangalamik nang nirya, anggun dam yanuka omik.

Roma 3:17

Kanye talima namin kiplirye, yuk ninye ap, teleb ubuka neika un ning ara, sik asing akunum kupdongobukba, pia walwaluk unyake.’ (Yesaya 59:7-8)