Roma 16:23 - Eipomek

²³ Tonda, Gaius birye na Teretius ap, Paulus ap, amutuku diba tenenyak ninye nirya ap ati, el aik buplan kukeibuka, melisilirye, nun patan ning nirya ati melibuka arisilyinye birye, anggunti, “Telebe,” nyapsile. Tonye, el si ara Erastus, amutuku unyak ninye arye yo bok bulubuka delikiba, ayo bok talibuka kalikna ap, elce bokuka arena ap ati, talibuka pil dolul deiyoknye birye, anggunti, “Telebe,” nyapmasile. Tonda, diba tenebukce, nun weit atonun ululnye, el si Kwartus birye, anggunti “Telebe,” nyapmasile.

Roma 16:23 Referans Kwoze

1 Korintus 1:14

Nara, bitinye nanguk, sik si Krispus ap, Gaius ap dib teneprikba, mek dongopse. Aning atonun ning deice arye, anggun yupu deice waldaluluma anya arye, ayupu nyapsine. Yuk nang tonap mek kum dongopsisa ati, na kanye deipne.

Rasul 19:22

Nyabukce el melina nang bitinye nang ara, Timotius ap, Erastus ap, minopce Makedonia mutuku dopdeibuk bukni, elda Asia tam noutam akuk mitik ton ulamuk.

2 Timotius 4:20

Nun kwit Erastus ara, Korintus mutuku tuba unmale. Tonda, Miletus mutuku binumu talak ara, na ka Teropimus, uk dibukura, elda asukumuk batakuka bise.

Rasul 20:4

Tenebukce amutuku biyuk talak ara, el ap, neika biyik nang si ara, ani. Berea mutukunye Pirus el mi Sopater ap, Tesalonika mutuku nang bitinye nang ara, Aristarkus ap, Sekundus ap, Derebe mutukunye Gaius ap, tonda, Timotius ap, ton Asia tam bitinye nang ara, Tikikus ap, Teropimus ap, anang ap, Saulus ap, sik nirya neika Makedonia tam noutamak mapnin balamik.

Rasul 19:29

Tonap, ayupu uk, pia nyanmeka ani, aminyan ara, anyasik domika noutamak ulamik ninye babye, yu arye sik nirya, kanye walwal kibukura, ‘Se,’ tenebikce teninmek. Winibik akarye, adiparyuk sik anang nirya arye, Paulus ap, Makedonia mutuku arye yarik nang ara, Gaius ap, Aristarkus ap, talibuka doprobikce, anang nirya, tonok bisikuk bulubuka talipdaka neika biyik. Talipdakuka, tonok bisikuk biyik akarye, tonoknye tenepmok kanye atonun bobikce, amutuku ninye bulubuka weklamikce, yupu talilamik aik weknuyik.

Roma 16:24

Ura, narye anggun nirya ati, Allah morosununa deiyok ara nyapnusine. Ara, ‘Nun Deiyoknye Yesus Kristus, el kanye aryuk bico tenesilirye, melibuka arisilye ning nirya ara, weika arye arenamsile’ tenen, narye anggunti Allah morosunune. ‘Wininamsil’ tenen, Amin nyapne.