Roma 16:16 - Eipomek

¹⁶ Aning atonun, batakna kumce, anggun Roma mutuku diba tenelulum ninye nirya arye, elanamlum talak nirya babye, bico tenebuka, “Telebe,” nyalanamlulume. Anggun Roma ninye ati ara, yuk mutuku unyakce, Kristus ati diba tenebuka, el ap kanye talima dukdongobuka unyak ninye nirya arye anggunti, “Telebe,” nyasinyake.

Roma 16:16 Referans Kwoze

1 Korintus 16:20

Na unyak Efesus mutuku dib tenekirye, nun weit yapu atonun ninye, sal babye, kilapu babye, sik nirya arye, anggun Korintus mutuku ululum ninye ati, “Telebe,” nyalisinyake. Nun dib tenenyap ninye nirya arye, yuk dib tenenyak ninye ati eipdabirye, ‘Na kwit koprop’ tenen, talima melisiliba, si erebuka mutulanyap touk, anggun Korintus mutuku ululum ninye babye, yuk dib tenenyak ninye nirya ati aning atonun wininamlume.

1 Tesalonika 5:26

Anggunce yuk dib tenen ninye nirya ati ara, eibuka eibramunye talak nirya ara, kanye deibuka, si erebuka iribuka mutunamlulume.

2 Korintus 13:12

Anggun ap, yuk dib tenena nang ap, eipdamunyopura, taruk talipdamunce, “Telebe,” nyanamlulume.

1 Peterus 5:14

Anggunce yuk diba tenenyak ninye ati, pia dipkoprop bico tenebuka, taruk arepdamunce, kildanamlulume. Anggun ap, Yesus Kristus ap, talima dukdongobuka umunye ninye nirya ara, ‘Kanye deipdamunce neiktoto teleb ubuka unamak’ tenen, Allah morosunune. Telebe, na Peterus arye asurat sekeipsene. Asukum anyuk deipne.

Rasul 20:37

Allah morobukura, sik anang nirya arye Paulus elti, bico tenebikce, “Telebe dabilyame,” nyabuka iribikce engenmek.

Rasul 20:28

‘Malye winipnyap’ tenen, anggun kanye talima moubuka umunyak arye melibuka dildanamlulume. Tonda, Allah El Dib Kanye arye, ‘Sik talima melipdakirye dinamak’ tenen, melin nang atonun kipsuk akarye, wibuka deipsuk nang ara, anggunce sikti, sik talima moubuka kalekuka dinamlulume. Allah el mi koprop dibukura, el ining banmok deice arye, Allah dekuka deibuk ninye ara, domba weilamak nang arye sik domba weilamak touk, Allah el diba tenebuka talinyak nang ati, melibuka weinamlulume. Anang ati moubuka dimunce, melinamlulume.