Roma 16:13 - Eipomek

¹³ Tonda, nun Deiyoknye Yesus arye wibuka deiamukba, Yesus el pil ati pia teleb kibuka pil dolulnye Rufus ap, el lin ap, sik bitinye ati, “Paulus arye telebe nyapdeisuke,” nyabuka nyapnamlulume. Rufus el lin bira, na nin kopropa atonun ulamnukce, nati teleb kibuka melilamnuke.

Roma 16:13 Referans Kwoze

2 Yohanes 1:1

Na anggun deiyoknye birye, anggunti ayupu seksine. Anggunda Allah arye, melyamsukba, diba tenebuka, Allah yupu aik, neika wekelulum nang nirya babye, anggun diba tenelulum nang babye ati, ayupu seksine. Na ni Allah, el dipkoprop yupu talibuka unirye, kanye delisunune. Tonda, yuk mutuku nang bukni, Allah nyasulul yupu, el dipkoprop yupu ati, kanye delinyak nang nirya arye, anggunti bico tenenyake.

1 Timotius 5:2

Yuk kam nang atonun unyak ninye ara, ‘Na weit yapu atonun,’ tenebuka unamlyame. ‘Wisi kilapu ara, na nin yapu atonun,’ tenebuka, namin arye unamlyame. Yuk kam kilapu ati ara, malye tenena ap, malye winina ap, pia kum arye, ‘Na weit kilapu atonun unyake,’ tenepmince, telebuk wininamlyame.

Markus 15:21

Yesus wanwanun yo deice deipnameka ati, bisik banmek talak ara, tonoknye el si Simon Kirene mutukunye buru unmoka ani, bisik noutam yangayukak, eipdayik. Simon el mapu ara, tonda Aleksander, tonda Rufus deiamuk. Yin talin nang arye Yesus bobanmebuk, Simon ap, eipdayikopura, Yesus el wanwanun yo ikin ati, “Ance adiparyuk awanwanun yo tongotaku bilyame,” nyapdeibikura, Simon arye ayo takupdakuka bobiyuk.

Yohanes 15:16

Anggunce nati kum wipdeiamnulume. Aning kum bukni, narye anggunti, ‘Aninye ara melisiniba, pia teleb ubica deice arye, duk moupnamle ning ara, pia unamle’ tenen, wipdeiamsise. Ati anggunce anyapmasin touk akunum winipmunyopura, anggunce na si deice arye moropmunyopura, na ni koprop kekepsilirye, aning-aning moropmunye touk arenamsile.

2 Tesalonika 2:13

Sik malye nang ati ara, winipnamle bukni, anggun Tesalonika ninye ati ara, nun adiparyuk, “Telebe,” nyabuka, Allah moronamsinyabe. Na weit yapu atonun nang, na Paulus arye nyapsine. Allah arye anggunti, el kanye deipsukce, aning-aning nirya kweipdeibuk talak danerye, ‘Aninye ara, na ning,’ tenyamsukce wipdeiamsuke. Wipdeiamsuk deiyok ara, talye ati kume. Ara, ‘Allah, na Dib Kanye arye, anggun talima noutamak pil dopsilirye, teleb kilisulul ning ap, sikce na dipkoprop yupu ati, dib tenenyak ning ap, deice arye, lyepnamne’ tenen, wipdeiamsuke.

Efesus 1:4

Anyapmasin yupu ara, talye ati kum nyapne. Deiyok ara, Allah arye, aning-aning nirya, min kum kwepdeiamuk talak ara, nunti wepdeipsukce, winibuka tenyamsuke. Ara, ‘Anang ara, Kristus ap, kanye talima dukdongopniba, el deiceuk ucopura, na Allah arye, sikti, tenenamne talak nirya ara, anang ara malye winina kumce pia diksukum nang unyak,’ tenenamsine. Ara, Kristus arye, pil dopsuk deice aryuk tenenamsila ati, ‘Anang ara, pia diksukum un ninyeuk unyake,’ tenenamsile. Tonda, yata nang arye do, nunti, “Anang ara, sik malye winin ning ani, ani,” nyabuka, Allah ati kum nyapsitinge. Aning nyapmasin touk, Allah arye nunti, ‘Wininamake,’ tenyamsukce wipdeiyamsuke.

Yohanes 19:27

Nyabukopura, el kanye deiyamuknye, el kwit koprop tonok ati nyabuk. “Amio, an nin tikmal atia,” nyabuk. Yesus arye nyabuka ati, el kanye deiyamuknye kekebukce, atalak arye diprongobuka, doyanamuk talak noutamak nirya ara, anye birye, Yesus el lin yukubukba yayukura, el aikuk neika ulamukba, anye birye akil melilamuk.

Markus 3:35

Yata nang do nirya, Allah arye, ‘Wininamak,’ tenelul touk pil dololamak nang, sikda, na weit yapu ap, na weit kilapu ap, na nin yapu ap, atonun unyake,” Yesus arye nyabuk.

Matius 20:16

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Roma 16:12

Tonda, kilapu bitinye Trifena ap, Trifosa ap ati, “Paulus arye telebe nyapdeisuke,” nyabuka nyapnamlulume. Sik abitinye kilapu arye, nun Deiyoknye Yesus ati, mikip asa arye pil dorurake. Atonun, na ka kil kopropa, Persis ati ton, “Paulus arye telebe nyapkuke,” nyabuka nyapnamnulume. El babye Yesus ati mikip asa arye pil dolul kil ati nyapne.

Roma 16:14

Tonda, nun kwit capu nang sik si ara, Asinkritus ap, Felegon ap, Hermes ap, Patrobas ap, Hermas ap, nun kayapu, anang ap unyakce, diba tenenyak ninye nirya ap ati, “Paulus arye telebe nyapdeisuke,” nyabuka nyapnamlulume.