Roma 13:3 - Eipomek

³ Aning ati ara, sik teleb winin ninguk talibuka wininyak ninye ara, ‘Ninye deiyok nang arye wenebuka opsicak’ tenen, ilil kum unyake. Bukni, malye wininyak ninyeuk ara, ninye deiyok nang ati, ‘Se, anang arye wenebuka opsicak’ tenen, ilil unyake. Ara, ‘Se, na ilil una kumce, teleb kanye bobuka uptinye’ tenen, patalul ninye nirya ara, adiparyuk dipkoprop teleb winin ninguk wininamlulume. Winipmunyopura, ninye deiyok nang arye anggunti, ‘Sikda teleb nanguk unyake,’ tenepsikirye, kanye deibuka si erenamsiake.

Roma 13:3 Referans Kwoze

Amsal 20:2

Winipmanto ara, bai tam ulamle kuse atonun ning, el si ara singa kuse pia weik ning, yu uplirye, nguru-nguru alamle touk, pia ninye deiyoknye, Raja el yu ara, aning atonun ulule. Ara, pia yu weik singa kus arye, ninye olamle atonun, sik Raja nang babye atonun, malye unyak ninye ati, yu upliba wenenyake. Ati yatanye birye aRaja ati, ‘Yu upnutu’ tenen, dulsusulamlanye bira, el bidamnye arye, el mining atibuk olilalule.

Amsal 14:35

Ninye deiyoknye Raja arye, el amu tam teleb kanye bomikirye, el pil dolamak nang ati, kanye deiplirye, ‘Anang ara telebe,’ tenelule. Bukni, el amu tam pil melin nang ati, “Apil donamnulume,” nyabuka, pil aruklamlye ning, kum dolamicopura, adeice arye, sik ninye deiyoknye, Sisinanye biti, alye dakalinyake. Winibicopura, aRaja arye, el amu tam nang nirya ati, pia yu upliba, weik arye wenelule.

Ulangan 25:1

Yata nang do, ton malye winibikirye derepdacopura, sik nirya yupu lipsisikuka bokolina aik bikirye, ‘Yatanye malye upmal do?’ tenen, winamake. Sik yupu lipsisikuka bokolina deiyok nang aryuk, yupu nirya kekebikirye, “Dipkoprop anang ara, malye upmaka anya arye, wenebuka opnamabe. Bukni, anang ara, malye winina kum, telebuk upmaka anya arye, batakdongopnamabe,” nyabuka yupu bokeipnamake.

Roma 13:4

Ayupu nyapmasina deiyok ara ani. Allah arye ninye deiyok nang nirya ati, ‘Sik adeiyok nang arye ninye nirya ati, moubuka teleb ulinamak’ tenen, erebuka delilula ati, nyapmasine. Aning ati ara, anggun malye winipmunyopura, dipkoprop ilil unamsile. Sik ninye deiyok nang arye, malye wininyak ninye ati wenebuka onyake. Winibuka sik apil dona deiyok nang unyaka anya arye, talye sik bidamang aryuk tenebuka kum unyake. Talye ati kum unyake. Ayupu nyapmasina deiyok ara ani. Allah arye ninye deiyok nang nirya ati utenyamuk. ‘Ninye arye malye winibikiba, na yu upnilyopura, ninye deiyok nang ara, na melin nang unyakce, malye winin ninye nirya ati, wenebuka onamake’ tenen, erelilule.

Roma 13:2

Aning ati ara, yatanye do nirya, ninye deiyok nang arye nyasinyak yupu ati moubuka kum kekeplirye, ‘Malye winipnun’ tenen, sik yupu yaniltalulnye bira, el winilya deice, Allah arye erebuka delilul ning ati yanilule. Ati, ninye deiyok nang yupu ati yaniltanyak ninye ara, sik wininyak ning deice arye, malye winililanyake. Ati, aninye nirya ara, sikce, sik bidamang nong deiceuk wenen ning delilanyake.