Roma 12:11 - Eipomek

¹¹ Atalak-atalak nirya ara, ‘Lik unilya ati, daupmalye’ tenen, talye kanye bobuka kum unamlulume. Aning pia kum bukni, anggun unamlum talak noutam nirya ara, ‘Adonamne pil ara, na Deiyoknye Yesus atibuk donamne. Nara, el pil melinanye unune,’ tenebuka el piluk donamlulume. Winipmunce, Yesus el amutamuk dobolbamunce, el piluk kanye deibuka pia donamlulume.

Roma 12:11 Referans Kwoze

Rasul 18:25

Sikce Yesus el Bisik peterelamik ati, elce, ‘Ayupu ara, dipkoprop mambul yupu,’ tenebukce, Yesus winilamuk ning ap, Yesus el peterelamuk ning ap, mikip arye, yuk nang ati, Yesus el nyalamuk touk, Apolos ababye dipkoprop yupu uk lipsisikuka peterelamuk. Bukni, Yohanes arye mek dongona ati, peterelamuk yupu uk kel bikamuk.

1 Peterus 4:8

Anyapmasin ning nirya wininamlulum bukni, weik mambul ning ara, winira nyapnusine. Anggun nirya arye, yuk diba tenena ninye nirya ati, pia dipkoprop talima arepdamunce, bico tenebuka melilanauk unamlulume. Yuk nang ati pia bico tenebuka melipmunyopura, sik anang malye wininyak ning ati ara, talye luba kibuka mangkau kipnamlulume. Yuk nang ati pia bico tenebuka, kum melipmunyopura, sikce malye updeipsikce ning ati, tuba tenenauk unamlulume.

Amsal 13:4

‘Pil dona ara na like’ tenen, talye-talye urdemuk ulirye, moubuka kum tenelulnye bira, el kanye aniryuk, ‘Se, aning ton winipnamne. Aning ton doproptinye,’ tenelul ning ara, pia patalyeba, aning-aning nirya ati, tenelul bukni, atenelamle ning nirya ara, tonok ning babye nong kum upnamle. Elda talye atibuk tenelule. Bukni, yata ninye do nirya, pin-pin kanye bobuka unyakce, mikip arye pil donyak ninye ara, ‘Winiptibyopura, aning ton doproptibye,’ tenelamice ning ara, atenelamaka atonun, kibuka nong upnamle. Sik aninye ara mikip arye, pil donyaka deice arye, sik patan ning dolonamake.

Ibrani 12:28

Aning ati ara, na kayapo, Allah arye nun diba tenenyap ninye talibuka, weik Ninye Deiyoknye unamsila nirya ap, elce arisiliba, talibuka unamap ning nirya ap ara, luluktuba, kum kum uptua anya arye, nun nirya arye Allah ati tuba-tuba, “Telebe,” nyabuka unamabe. Tonda, Allah arye, ‘Aning telebe,’ tenesilye touk, ‘Se, Allah ara weik mambule’ tenen, elti, ilil usiliba, el siuk pia erenamabe. Nun ni Allah ati, ‘Telebe,’ nyabuka, el siuk erebibyopura, Allah arye nunti kanye delinamsile. ‘Allah ati, ilil unamsile,’ nyapmasin yupu ara, talye ati kum nyapsine.

Efesus 4:28

Min arye, ubula dolamik nang ara, wini talak tuba tamubuka tonap, ubula kum donamake. Aning kum bukni, ‘Sik bona utotowa talina kum ninye ati na ning noutamak arye bokuka, sikti, melibuka arepnamne’ tenen, sik bidamnye taruk deice arye, yuk ninye melipmanto pil, teleb pil adiparyuk donamake.

1 Peterus 1:22

Ara, Allah el dipkoprop yupu talibuka dobolbalamunya deice arye, malye un ning nirya akunum batakluma anya arye, yuk diba tenena ninye ati, dipkorop kanye deipdanuka, melilanauk ululume. Aning ati ara, pia dipkoprop anggun talima ap, kanye ap, arepdamunce, bico tenebuka, weik arye melinlanauk unamlulume.

Rasul 20:19

Yahudi yala nang arye, ‘Paulus opnamabe’ tenen, yupu talilamnik ning ara, pia ikin ulilamnika deice arye winipdenik. Winipdenik bukni, kanye talima erena kumce, kanye lamabuka pil dolamsirye, pia engena deice arye nun deiyoknye Yesus, el melina ati, el piluk dolamse.

Matius 24:12

Ninye mutuku-mutuku nirya pia malye winin ning weike winipnin balamica deice arye, yuk nang arye yuk nang ati, bico tenebuka kum melinamake. Tonda, sikce nati tuba tenebuka kanye kum delinamniyake. Sik kanye talima tuba kum delinamniyake.

Amsal 10:26

Winipmanto ning ara, ninye wekmace aik pum tam tulum wekliba, anyaik bukmace nang, sik asing uk dipliba malye kanye bonyake. Aning atouk, pia yu ning dibipyopura, siuk arye malye kanye bonyabe. Aning atouk, ninye deiyok nang arye, ‘Mambul pil dopnamsil’ tenen, ninye tonoknye ton, wibuka dolinyak bukni, anye birye, ‘Ikin pil dona na like’ tenen, talye kanye bobuka, mana uk ulyopura, sik deiyok nang ara, pia malye kanye bobikirye, lik weik ulule. Ninye yupu kekepmanto kumnye birye, el deiyok nang ati, sik kanye malye ulin uk ulule.

Amsal 22:29

Anggun ton elilulum do? Ninye ton el pil aning-aning nirya pia teleb kibuka pil dolulnye eipmunyopura, moubuka dinamlulume. Anye bira, aminyan talak, ninye deiyok nang, sik Raja nang melilana ati, weik mambul pil dobuka unamle. El pil ara, pia teleb kibuka pil dolula anya arye, talye daunyak ninye ati, sik amu tam ulirye, sikti, pil kum donamle. Aning kum bukni, sik ninye deiyok Raja nang ati, sik aik pil talibuka donamle.

Amsal 18:9

Ninye deiyok nang arye, “Apil donamlulume,” nyabuka ninye yuk-yuk ati, bokuka arebikiba, ton nang arye, ‘Kume pil dona ara, nun like. Pil kum donamabe’ tenen, bataklamaka nang ara, ‘Ninye yuk nang obuka, kum kipdeiptibye’ tenelamak touk unyake. Tonda, ‘Teleb bona ning, atu buklobuka, kum kipdeiptibirye bataknamap,’ tenelamak touk unyake. Aning atonun, ‘Pil dona ara, nun like,’ tenenyak nang ap, ‘Teleb ning atu buklobuka kum kiptibye,’ tenenyak nang ap, sikda kanye delildana uk, unyaka anya arye, sikda du weit atonun nang unyake.

Keluaran 5:17

Nyabikopura, Firaun arye, “Diba na kele, anggunda pil dona lik ninye uk ululume. Anggunce, ‘Se na nio, telebe nyapsutumba, bitibirye nun Ni Allah el si erena ati, kam un ning obuka, Allah ati areptibye’ nyabuka moronululum bukni, anggunda pil dona lik umunya deice aryuk ayupu nyanululume.

1 Timotius 5:13

Aninguk kum bukni, ton malye wininyaka ara, nyapnukine. Ayouwak kilapu kam ulamice kilapu ara, dipkoprop pil dona kum, talye-talye unyakce, yuk ninye aik talye wekelbanyake. Sikda, talye nong ati kwalibikirye, yuk ninye wininyak ning pia eibikirye, yuk aik ninye ati, talye laka nyalbanyake. Ayupu nyanyak talak noutamak arye sik teleb ninye kum nyapmanto yupu, akilapu arye kanye lulubuka malye-malye yupu nyanyake.

Yesaya 56:10

Deiyok ara ani. Ara, “Israel yala nang ati, talibuka kalikna deiyok nang nirya ara, asik kuplirye, kunuklamle nang atouk unyake! Sikda, ‘Aminyan winipnamsil ning ara ani,’ kum nyanyak, tonda aning-aning nirya ara, kum bikamika ati, sikda walwal nanguk unyake. Sik adeiyok nang nirya ara, winipmanto, ninye opmanto ning dam aupmalibuk, kam arye kum leilamle kam Atonun unyake. Sikda, yupu lup nang unyaka atonun unyake. Sikda talye kanye bobuka, mana dem patapliba, mabikirye, lengdar mana dem unyake. Sik anang ara, ‘Maptibyeʼ tenen, pia patalule.

Wahyu 2:4

Bukni, malye ulamluma ati, yupu lepsisikuka bokeipnamsina deiyok ning ara, anye nyapnusine. Ara, winiryuk deiyok kouplum talak ara, nati diba tenebuka, anggun kanye talima weika arye na deiceuk delilamnulum bukni, wini talak ara, mitik anun aryuk nati kanye delinilyame.

Kolose 4:1

Sik pil deiyok nang ara, anggun amu tam ubuka, urdemuk pil melibuka donyak ninye ati, sik pil donyak touk, sik pil punubuka dona ati, dekna ning arenamlulume. Tonda sik pataplye touk, teleb ubuka arenamlume. Wininamluma deiyok ara, anggun akunum kel kiyamlumce, tuba tenelulume. Ara, anggun babye, anggun Deiyoknye im deice ulya arye asipsilyeura, anggun winin ning laka nyapdanamlum ati nyapsine.

1 Korintus 7:22

Ayupu ara, talye kum nyapsine. Deiyok ani. Yo bok deice dekikceura, Pil urdem aryuk donyak bukni, Allah arye, yukupliba, dib tenebiceura, adeice arye, nun Deiyoknye Yesus arye tapu lopdeipsiliba, sik talima noutamak ara, talye balamak ninye atonun banyake. Aning atonun, ton nang ara, talye balamak bukni, Allah arye, yukupliba, dib tenebiceura, adeice arye, Kristus el pil melin nang unyakba, elce nyalye yupu uk kekebuka, el piluk donyake. Talye kum unyake.

Matius 25:26

Nyabukura, adeiyoknye birye yu ubukura, tamubuka nyabuk. “Anda, pil lik arye batakaminya ati, anda pia malinye ulyame. Ura, na kum kouamse ning ap, kum dokamse ning ap, libuka diniba, ance kel bikamnulume.

Penghotbah 9:10

Ati ara, anggunce, ‘Apil doptinye. Apil talibuka piripnamne,’ tenepmunye touk, aninguk talibuka, pia pi dobuka, anggun pil donamlum talak nirya ara, mikip weik tonun pil donamlume. Deiyok ara, aminyan talak an pil dona ati, an kanye ara pia kum unamkile. Ara akunum diamik nang unyak mutuku, el si Sheol mutuku noutam ara, ninye arye teninyak ning ap, pil dona ap, kel weik bikin ning ap, mambul un ning ati, ‘Deiyok ara aniʼ tenen, moubuka tenen ning nirya ara, ton pia kum ulule. Tonda, ninye tukwak nang nirya ap, anggun ap, aminyan talak dipmunyopura, anggun babye, otam bimunyopura, pia asukumuk unamlume.

Yakobus 5:16

Aning ati ara, ‘Allah arye kweteipnamsil’ tenen, anggun malye winimunye ning nirya, lak akarye laka nyabuka nyapdamunce, Allah morolanamlulume. Pia diksukumuk wininyak ninye arye, Allah morolamaka ara, mikip weik ulya deice arye, Allah kekeplirye, teleb kipdeilisulule.

Amsal 31:15

Tonda el akil aryuk, sik aik pum mapu silip, tuba mapmace karin aryuk, buklirye beren tam talak sik din ning ati, dakuka kintinililule. Tonda el akil aryuk, sik aik noutamak pil dona kilapu ap, sik wa win dam pil don kilapu ap ati, “Anggunda apil-apil donamlume,” nyabuka, ‘Sik pil donamake,’ teneplirye, pil yuk-yuk bokolilule.