Roma 10:8 - Eipomek

⁸ Ayupu bitinye ara, pia kum nyanamap bukni, diba tenebupa deice, Allah arye nunti, “Sikda diksukum ninye unyake,” tenebuka teleb kibuka deipsuk ninye ara, ayupu nyanyabe. Ara, ‘Allah arye ninye lyena ati nyasulul yupu ara, akunum dam usulule. Ayupu ara, anggun talima pum tam akunum ulule. Anggun yupu kopropa aryuk, “Nun ni Allah lyepsilyame,” nyabuka moroptume.’ (Ulangan 30:14) Ayupu nyanyabe. Nyanyaba deice, “Anggun yupu kopropa aryuk nyaptume,” nyapmasin yupu ara, yuk yupu kume. Ara, nunce peterenyap yupu, “Yesus ati diba tenebibya deice, Allah arye lyelosulule,” nyabuka, peterenyap yupu ati nyapmasine.

Roma 10:8 Referans Kwoze

Ulangan 30:14

Aning nirya kum tenenamlulume. Allah arye nyapsukba, narye laka nyapmasin yupu ara, anggun dam ulule. Aululba akunum kel kiplumce, nyalulume. Winiplumce, anggunce tenebuka kel kipdoplumce, anggun kanye talima pum tam, akunum aulula anya arye, aninguk talibuka wininamlulume.

1 Timotius 4:6

Timotiuso, winiryuk nyapmakin ning nirya dobuka, yuk nang dib tenen ninye ati, peterepminyopura, adeice arye Yesus Kristus, el teleb pil melinanye una ati, teleb unamlame. Winipminyopura, Allah el yupu dib tenenyap ning ap, sikce teleb ubuka peterepkikbuk, kel biklumce moubuka talilyam ning ap, anoutam arye nebuka kanye wisinamkile.

1 Peterus 1:25

‘Ninye nirya ara, wininyak bukni, Allah el yupu ara, tonok ton min kum, kum danamle. Pia ati, aupnamle.’ (Yesaya 40:6-8) Yesaya arye sekeiayamukak peterelamsikbuk, kekelamlum yupu ara, anyapsine.

Galatia 3:2

‘Anggunce laka nyapnumunba, kekebuka kel kipnun’ tenen, asipdenusine. Allah arye el Dib Kanye arepsukba, anggun talima noutam weksuka ara, yata arye do? Musa sekamuk yupu, mem yupu kekebuka dobolbalamluma deice arye, el Dib Kanye arepsukba, doproplum do? Akumopura, Allah el kai teleb yupu peterelamububa, diba tenepluma deice aryuk, Allah arye El Dib Kanye arepsukba, doproplum do?

Galatia 3:5

Anggun ton teneipdelulume. Allah arye El Dib Kanye areamsuk ning ap, tonda, elce etekdop ubuka don pil, ninye kum winiptibye pil dosulul ning ara, aning nirya arisilya deiyok ara, Musa sekamuk yupu moubuka dobolbalamluma deice arye areamsuk do? Akumopura, nunce peterelamububa, kekelamlumce, diba tenyamluma deice arye, arilamsukba dololulum do? Kume, yuk deiyok ton kume. Anggunce diba tenelamluma deice aryuk, Allah El Dib Kanye arisulule. Tonda diba tenelamluma deice aryuk, Allah arye ninye kum winipmanto pil dosulule.

Roma 10:17

Aning ati ara, nun kele. Allah el laka teleb yupu, ninye lyena ati nyasilye yupu ara, peterena nang arye peteresikceba, kekenyapa deice arye, diba tenena deiyok ning tenebuka kel kinyabe. Allah arye ninye lyena ati nyasulul yupu ara, Kristus el yupu peteresikceba, kekenyapa deice arye, moubuka kel kibibirye diba tenenyabe.

Rasul 10:43

Minop talak Allah arye nyalilamukura, sik seklamikce ayupu lak nyalamik nang nabi ulamik. Nabi-nabi nang nirya arye, sik seklamik yupu ara, tuba nyalisulule. Ara, yata-yata nang do nirya, elti, diba tenebiceura, el si deice aryuk sik malye wininyak ning ap, kanye talima malye tenenyak ning ap, nirya kum kipdeipsilirye, namin kisulule. Elcuk lyesulule. Peterus arye ayupu nirya nyabuk.

1 Peterus 1:23

Wininamluma deiyok ara, Allah arye anggun kanye talima winiryuk ning atonun ubuka arepsuka ara, talye kum ulul ning deice arye kume. Aning kum bukni, Allah el kam ulisulul yupu, min kum uptu ura, pia unamle yupu deice arye, winiryuk ninye atonun ubuka deipsuke.

Rasul 16:31

Asipdeyukura, sik tamubuka nyaprik. “Anda, nun deiyoknye Yesus diba tenepminyopura, lyepnamkilca. Yesus ati dib tenepminyopura, Ara, an ap, an aik neika umunye ninye ap, lyepnamsilca,” nyaprik.

Yesaya 57:19

Narye Israel nang nirya, asukum unyak nang babye, pia otam mutuku noutam unyak nang babye nirya ara, narye tuba tonap teleb kipdeipyeba, tenina kum aryuk, talye tunim abuka, pia teleb unamake. Nara, Allah Yahweh arye ayupu nyapmasina ati, aning nirya ara dipkoprob nong upnamle,’ nyapsine. Na mapu koprop nirya ara, narye kwetepnirye, pia teleb kipdeipnamsine.

Efesus 5:26

Kristus arye, elti, dib tenebupu ninye ati, dibukce lyepsuka deiyok ara, nyapnusine. Ara, elce utenyamsuke. ‘Anang ara, na mapu unamak’ tenen, na laka teleb yupu deice arye, sik malye winin ning kum danalina ati, aninye ara, mek likina atonun kipdeipnirye, sik malye winin ning nirya kilipnirye, kum daneipnyopura, aninye pia teleb kipdeipniba, ‘Na mapu dipkoprop unamake,’ tenepsukce dibuke.