Ratapan 3:27 - Eipomek

²⁷ Tonda, teleb ning ara, nun wel tuba unmapye talak ara, ikin ning yanuka upsilya babye, ‘Se yata deiyok ati upmanil do?’ tenena kum bukni, kanye talima teniltona kum aryuk, tunim abuka un ninguk, moubuka bikibirye, unamabe.

Ratapan 3:27 Referans Kwoze

Penghotbah 12:1

Ura, an kam unalam talak, ikin ning an dam kum upmakilye, keting tamun aniryuk, an kwepdeipkuknye Allah atibuk tenenamlyame. Ara, an akunum wisi daminye talak ara, ‘Kam una na like,’ tenepmince nyanamlama ati, nyapkine. Ati Allah atibuk pia tenenamlyame.

Mazmur 119:71

Dipkoprop malye weik winilamse ati, ance nati, wenepnulumce, ikin ning weik, na nong deice deiamnulum bukni, winipnuluma deice arye, ance, “Aning ara, wininalulume. Aning ara, pia kum wininamlulume. Teleb winina ara ani,” nyapdeiamsulum yupu nirya ara, moubuka bikamse. Ati, ikin ning arepnulum ning ara, teleb kililamnuke.

Mazmur 94:12

Bukni, nun ni Allah arye, yata nang ati do nirya, sikce malye wininyak ning ati, “Anda, aning bataknulyame. Aning ara, meme!” nyabuka, wenelule. Allah arye wenelul nang ara, akunum kekebikcopura, kanye deibuka, telebuk unamake. Tonda, ance, “Aning wininamlume, aning ara, pia kum wininamlume,” nyapdeiamsulum yupu deice peteresilyam nang nirya ara, kanye deibuka telebuk unamabe.

Mazmur 90:12

Ati ara, na ni Allah ancuk nunti, “Anggun kam unamlum talak ara, lo weik kum anya arye, moubuka nukuldenamlulume. Ara, ‘Malye ubipyak’ tenen, atalak-atalak nirya ara, pia moubuka wininamlulume,” nyabuka peterepsiminba, nun kel bikibirye, aninguk talibibirye, moubuka wininamabe. Winibibya deice arye, kel bikna deiyok ning, kel bikibirye, unamabe.

Ratapan 3:26

Ati ara, teleb una ara, ani. Yata nang do nirya ap, tonda nun nirya babye, duknubuka unyapce, el tonok, ‘Elcuk melinamsileʼ tenen, dinamabe. Winilamepye buk, Allah Yahweh elda, nunti melibuka lyelonamsile.

Ratapan 3:28

Winibibirye, Allah Yahweh el kanye aryuk, nunti, kanye ikin ning nun deice deipsilyeba, ikin kanye bobuka unyap talak ara, akunuma, dakuka bukeipyakarye, ‘Se yata deiyok ati do?’ tenen, yupu weika arye nyana kumce, nun yuk tunim abuka unamabe.