Ratapan 3:14 - Eipomek

¹⁴ Na tam nang nirya arye, nati akutulamnike. Tonda, tonok sum noutam nirya ara, batakna kum aryuk, sikce na tonok, mot nyana deice arye, nyek-nyek nyabuka nalilamnike.

Ratapan 3:14 Referans Kwoze

Yeremia 20:7

Allah Yahweh ance nati, ‘Kanye bokoltona kum diparyuk, narye nyapdeipnamkin yupu uk, nyanamlyame,’ nyabuka, mikip arye nyapnuluma ati, an nyapniminye yupu uk, nyanune. Anda pia mikip weiknye ulyam bukni, nara mikip kumnye anya arye, ance nyapdeipmaminye ning, aninguk nyanune. Ayupu dobuka, yuk nang ati, binuka nyapnya babye, kum kekebikirye, natibuk malye yupu nyabuka nalinyake. Ara, asum-asum nirya, yuk ninye nirya arye, nati, ‘Elda pia walwal aryuk nyalulnye,’ nyaninyake.

Ratapan 3:63

Na tonok sum arye yukubuka, yupu talininyak ning ara, beren tam arye dipdongobuka atalipmakca ani inilule. Winikirye, sik bukikce talak babye, tikuka banmace talak, mot nyana yupu deice arye, na tonok nalibuka akutuninyake.

Yeremia 48:27

Aninguk kum bukni, minop talak ara, anggun Moab mutuku nang arye, Israel mutuku ulamik nang ati, akutulamlume. Tonda, sik Israel nang arye, ubula kum dolamikce, ubula don nang ap, neika kum ulamik bukni, sik Moab mutuku nang arye, Israel nang ati, akutulamlumce, malye yupu nyana ap, yep-yep ana yupu ap, minin yupu ap, nyalamlume.

Mazmur 137:3

Nun mot len ning, el si ara kecapi, kirikilkwetelamika deiyok ara, ani. Ara, Babel mutuku noutamak unmapu talak ara, sik yu nang arye nunti, “Mot nyamunba kekenusiyabe,” nyabuka nalinmeke. Ara, “Anggun minop talak Sion mutuku ulamlumce, nyalamlum mot uk nyapmunce, kanye teleb kilinamsilyame,” nyabuka dilamsikce, yupu mikip arye nyapsik bukni, mot sepmanto kum unmapu. Ara, minop talak, nun mutuku yanuka obisipsikce, tapu koubuka bobinamsikce, ikin pil dilamsik nang arye, ‘Mot senmakiba kekebibirye, akutunamabe’ tenen, yu asa arye nyanmasike. “Kanye deipdanamabe ati, mot selulume,” nyanmasike.

Mazmur 79:4

Aning nirya ara, nun dana-dana tam unyak nang nirya ara, amutuku eipsikirye, “Se, sik Yerusalem mutuku ulamik nang ara, pia malye unmake,” nyabuka, malye yupu nyasinyake. Sik yuk mutuku nang arye, nunti, nalipsikirye, akutubuka malye yupu weik tonun nyasinyake.

Mazmur 44:13

Nun ni Allaho, winipmanto ning ara, ninye arye dekna weik bona aupmalye bukni, ‘Aning ara, nun lik,’ tenebikirye, yuk nang ati, “Dekna ning mitik tonun arepnulumce, aning talye parapkabuka dopdoptume,” nyabuka, abona batakikirye, deklamaka atonun, akunum winipsulume. Sik yuk mutuku nang arye, dekna weik ning kum areamkik bukni, ance nunti, adiparyuk batakamlumba, sikce opsikce, talye bobinamsike.