Rasul 7:57 - Eipomek

⁵⁷ Nyabukura, sik Sandeheren nang kekebikopura, sik taruk arye amul lipdongobuka, weik yupu ngarakuka, adiparyuk, sik nirya arye bik-bik abuka, Stefanus binuka talipdongobik.

Rasul 7:57 Referans Kwoze

Zakaria 7:11

Allah arye, nun apu yapu ati nyapdeiamsuk bukni, sik atalak ulamik nang ara, sik kanye tenina nirya ara, kisok kat kanye bobuka ulamikce, dipkoprob pia kum kekepmanto nanguk ulamik. Sik anang ara, ‘Allah arye nyapsilye yupu, kum kekepnamapʼ tenen, sik balye tamubuka, sik amul ara, kunukdongobikba, nabi nang arye, nyalamik yupu ap, Allah elce nyalamuk yupu ap ara, pia kum kekelamik.

Rasul 23:27

Anye bira, na dopkwetepmakinanye bira, Yahudi yala nang arye opmanto ubik bukni, nara akunum lyepdeipsirye, ‘Anye bira Roma mutukunye ulya’ tenen, kel kepsa ati, na ap, na mapu yin talin nang ap arye lyebuka dopropbupe.

Mazmur 58:4

Anggun weik deiyok nang arye, malye-malye kibuka umunce, Allah arye nyasulul yupu yaninauk ululume. Ara, anggun nin yapu arye, deiamsik talak arye dipdongobuka, anggun kam ulamlum talak noutam nirya babye, malye winin ninguk winilamlume. Diba, anggun nin yapu arye, winiryuk deiamsik talak arye, tuba-tuba malye winin ninguk winilamlumce, tilila yupu nyalulume.

Rasul 7:54

Stefanus birye ayupu nirya nyabukopura, anang kekebik. Kekebikopura, yu pia weik ubukba, ‘Se anye optibye’ tenen, elti, yu asa arye derenmekce, si amubuka yu pirinmek.

Amsal 21:13

Yata ninye do nirya, mitangnye birye el patalamle ning ati, ‘Se, na melipnululume,’ nyabuka, malye nyabuka morolamle ning ati, moubuka kum kekebicopura, amul kunukdongobikirye aminyan talak ara, sikce pia imun kanye bobuka, tuba malye nyanmatinga babye, yuk ninye arye sikti, pia kum melinamake. Batakalongona uk unamake.

Rasul 7:56

Eibukopura, ayupu nyabuk. “Eidipdelulume! Im deice kikipdopmalbuk, Allah el Mi Koprop ara, Ninye Mi Koprop Atonunye Allah el sirik tam tikmalabuk na dinmane,” Stefanus arye nyabuk.

Rasul 7:58

Talipdongobikce, sik anyasik dolamikak, Yerusalem noutamak arye, Stefanus talibuka, lipdakuka bai tam bobiyikce, keil dobukabikce, el nong bol deice donmek. Donmik talak ara, ton tam nang, asing aniryuk dinmek nang ara, ‘Keil dobuka mikip asa arye dopnuyap’ tenen, sik nong deice ongolamik baju kwiribukabikce, welnye tonok, el si ara Saulus, el yan dam deibik.