Rasul 7:22 - Eipomek

²² Kwangnalamuk talak nirya ara, Mesir mutuku ninye weik kel kiyamik ning nirya Musa ati peterelamikura, weik kel kipnin balamukce, el yupu nyalamuk ning ap, el pil dolamuk ning nirya ap, weik mikip deice arye winilamuk akarye pil teleb ubuka dolamuk.

Rasul 7:22 Referans Kwoze

Yesaya 19:11

Mesir mutuku noutam, weik asik, el si Zoan mutuku talibuka unyak deiyok nang nirya ara, pia walwal kipdakirye, walwal nanguk unamake. Tonda, Mesir mutuku ninye deiyoknye Raja ulul weik asik, amutuku el si Memfis mutuku talibuka unyak deiyok-deiyok nang babye, weik kel bikna nang ulamik bukni, atalak ara, Mesir mutuku taleamuknye Raja Firaun biti, Aning-aning nirya winiplyame,’ nyabuka yupu areptinga babye, anyapnamak yupu ara, pia walwal uk upnamla ati, nong teleb ubuka kum unamle. Ati ara, sik anang nirya ara, yata wiribuka sik mutuku ninye deiyoknye biti, ‘Nunda amutuku weik kel bikamupu nang unyabe. Minop talak amutuku taleamik deiyok nang arye, deiamikak, dadeipdanin yangalamik nang arye deibika ati, nun yupu kekepsilyame,’ nyaptum do?

Daniel 1:4

Nyabukce, ayupu ton nyabuk. “Sik aboyanamalam nang ara, sik nong poudongona kum nanguk, wibuka boyanulyame. Anang ara, sik urasin dipdebuka, anyapmakin nanguk, wibuka boyanulyame. Ara, pia urasin teleb nang ap, sekolah weika arye kel kibik nang ap, nyapminya kekebikirye, moubuka kel bikmanto nang ap, aning-aning nirya winilamikce, akunum kel bikamik nang ap, tonda ninye deiyoknye, el ulul aik pum tam pil dopmanto nang ap, wibuka boyanulyame. Winipminyopura, Aspenas ance Babel mutuku yupu nyana ap, sekna ning ap, sekupu yupu nukna ning ap, kel kipnamaka ati, moubuka laka peterepnamlyame,” nyabuk.

2 Tawarikh 9:22

Ninye deiyoknye Raja Salomo bira, yuk mutuku ninye ati, sik ninye deiyok kilamik nang ara, bona mitik tonunuk talilamik bukni, Salomo bira, bona weik talinanye ulamuk. Aning atonun, yuk mutuku ninye deiyok nang Raja daulamik bukni, sik kel bikin ning ara mitik tonun biklamik. Bukni, Raja Salomo bira, kel weik bikna ap, teleb kanye tenina ap yuk-yuk bona weik talina ap deiyoknye ulamuk. Ati atalak ara, el ulamuk atonye ton kum ulamik.

Lukas 24:19

Nyabukura, Yesus arye tamubuka, “Yata ning ati nyapmanilam do?” nyabuka asipdeyuk. Asipdeyukura, sik bitinye nang arye tamubuka nyaprik. Kume Nasaret nang arye deiyamiknye, el si Yesus ati nyapname. Yesus ara talinye kume. Elda Allah yupu laka nyalamuknye nabi ulamuk. Tonda, Allah nyapdeibukura, Yesus arye nyalamuk yupu ap, pil dolamuk ning ap ara, weik mikip deice arye winilamuk. Ninye nirya arye aning nirya elilamuburye, ‘Anye bira mikip weiknye’ tenen kel bikamubu.