Rasul 5:38 - Eipomek

³⁸ Sik winilamik ning nirya kum kibuka ati, wini talak ayupu peterenmak nang ati, anyapnusine. ‘Anang opnamap’ tenen, warikina bataklulume! Anang ara, ur talye batakdongoplulume! Sik dib tenelamak ning ap, sik wininamak ning ap, sik bidamnang kanye aryuk winilamiceura, nong kum upnamle.

Rasul 5:38 Referans Kwoze

Matius 15:13

Asipdeyikba, Yesus arye tamubuka adomon yupu deice arye nyabuk. “Yata ning do nirya, na ni im deicanye, elce aning-aning nirya kum kouamuk ning ara, yating ap, nong ap, nirya kwiniplopnamle. Ara talye palamle ning ati kwiniplopnamle.

Ratapan 3:37

Allah ara, elce aning-aning nirya talilirye, pia mikip weik deiyoknye ulule. Ati ara, winipmanto, Allah elce, ‘Aning ton winiptue,’ kum tenelam toura, dipkoprob yata ninye aryuk, aning-aning ton ulamtibye do? Kume, Allah arye, ‘Aning winipnamle,’ kum tenelye ning nirya ara, ninye arye dipkoprob kum winiptinge.

Amsal 21:30

Yata ninye do nirya, sikce, ‘Wininamabe, teleb una ara ani. Nunce pil donamap ning ara ani,’ tenebikirye, ‘Yata wiripnamap do?’ tenen, pia weik kel kilamik nang ap, yupu taliptingce, pia mambul kirikuka piripdeca babye, Allah Yahweh arye, ‘Wininamne,’ tenyamuk ning ati ara, tukwak ninye arye kum malye kiptinge. Allah arye tenelul touk ulula atie.

Yohanes 11:48

Elce pil donmala ara, yupu kum sekipyopura, apil atonun tuba doplyopura, amutuku ninye nirya arye elti, dib tenepnamake. Elti dib tenebikirye, el si erebikcopura, akunuma, amutuku nirya talisinyaka deiyok nang, sik Roma mutuku nang arye wenelyanamsiyake. Sikce, nun Yerusalem dobupu aik, Allah el si erena ati, weik mambul aik daklopsikirye, nun Yahudi yala ninye nirya yanisikirye nun wenena ati, amutuku arye yaknamsiake,” nyanmek.

Yesaya 14:25

Narye, ‘Winipnamne,’ nyapdeipse ning ara, ani. Asyur mutuku nang bukni, na kanye deipse mutuku, Yudea tam mutuku noutam unyak nang ara, opnirye kum kipdeipnamne. ‘Naʼ tenen mutuku, Yudea tam noutam unyak Asyur nang ara, Yudea mutuku deice opnirye, bataklopnamne. Asyur mutuku nang arye, na mapu koproba, Israel nang ati, obikirye ikin ning weik, sik nong deice delinyak ning nirya ara, kum kipdeipnamne. Tonda, sik Asyur nang opnamne deice arye, sikce ikin ning dobuka, Israel nang deice deibikce, ikin pil dilamik ning ara, aning babye dopropnirye, kum kipdeipnamne.

Nehemia 4:15

Nun nirya kintinibububa, yuk nang arye, “Kume, Yahudi yala nang arye, akunum kel bikmasiyake. ‘Sik opnamabe,’ tenebupe ning ara, akunum kekebikce, akunum kintinipmake. Tonda, Allah arye nun tenebupe ning ara, akunum bisik seksuke,” nyabuka lak nyalbiyikba, nun mal olan nang kekebik. Akunum kekebikba, nun Yahudi yala nang nirya arye, akeil poka lipsisikuka dona ati, keil dikuka, dikdanin welelamupu. Nun pil yuk-yuk awamuk touk, keil dikuka, dikdanin welelamupu.

Rasul 5:35

Gamaliel arye, “Buru tam bobilulume,” nyabukopura, anyaik tuba wekmek nang, Sandeheren nang wekmeka ati, ayupu nyabuk. “Na kayapo Israel nang deiyok nango, ayupu peterena nang ati, ‘Winipnamabe,’ tenepmalum ning ara, moubuka tenipdelulume ara, ‘Talye ati malye winipmunyak’ tenen, nyapsine.

Markus 11:30

Yohanes arye ‘Diba’ tenen, ninye mek dongolamuk ning ara, Allah arye nyapdeiamukba winilamuk do? Talya ninye arye nyapdeiamikbuk, ninye dobuka mek dongolamuk do? Anggunce tamubuka laka nyapnululume,” Yesus arye nyabuk.