Rasul 4:8 - Eipomek

⁸ Asipdeyikura, Peterus arye Allah El Dib Kanye minop arye wekamuk anya arye, atalak langdibuka dinibuk deice arye ayupu nyabuk. “Telebe na kayapu. Nun Yahudi yala nang na ni yapu ap, nun yupu lipsisikna ati wisi nang ap, anggunti telebe nyapsine. Anggun nirya kekepnuse.

Rasul 4:8 Referans Kwoze

Rasul 2:4

Sik nong deice bukukura, Allah El Dib Kanye sik talima wekuka langdibukura, talibuka arye, sik nirya ara, yuk-yuk mutuku nang yupu arye nyanmek. Ara, Allah El Pia Teleb Dib Kanye arye yupu nyana deiyok ning aribuka atonun, sik yuk-yuk mutuku nang yupu nyanmek. Sik nyanmek yupu ara, kum kel kiyamik yupu bukni, yuk-yuk mutuku kili sal yupu nyanmek.

Rasul 7:55

Bukni, Allah El Dib Kanye, Stefanus el talima wekamuka arye, atalak langdibukura, Stefanus arye im deice tam erebuka dinmokbuk, Allah el weik dirina upmok ning ap, Yesus ara, Allah el sirik tam tikmok ning ap eibuk.

Rasul 4:31

Akunum morobikopura, sik bulubuka wekmek aik nirya, weik arye long-long abukura, Allah El Dib Kanye sik talima ak nirya wekukura, langdibuka talyamuka deice arye, sik nirya arye ilil kum asa weik mikip arye deiyok koubik akarye, Allah el yupu peterelamik.

Lukas 23:13

Pilatus dam dopkwetebikura, Pilatus arye Allah arena ati deiyok nang ap, Yahudi yala nang sik yuk deiyok nang ap, tonda yuk talye daunmek nang ap yukubuk ati, yayikopura, ayupu nyabuk.

Rasul 4:5

Anang sik mapmeka berekukopura, Yahudi yala nang, sik deiyok nang ap, wisi nang ap, Allah arye, ‘Wininamlulume, aning kum wininamlulune,’ nyapdeiamukba, Musa arye sekeiamuk yupu, mem yupu peterena deiyok nang ap, ara Yerusalem mutuku yupu talipnuyika ati, tonok aikuk bulubuka wekik.

Lukas 1:41

Maria arye “Telebe,” nyabukura, Elisabet kekebuk akarye adiparyuk, el mi mun pum tam arye lulukukura, Allah El Dib Kanye arye, Elisabet el kanya talima noutamak yanuka wekukce, langdibuk.

Rasul 4:7

Wekmek akarye, sikce nyabikura, yuk nang arye Peterus ap, Yohanes ap, wenena aik pum arye dobuka yana deibikura, deiyok koubuka yupu asipdeyik. “Anggunda ayok kwanyamuknye kwetepdeipmarum ning ara, yata ning si deice arye do? Yata mikip deice arye kwetepdeipmarum do?” nyabuka asipdeyik.

Rasul 13:9

Elimas arye anang sik yupu sekukura, Saulus ara, si bitinanye anya arye, Paulus ton si nyalamiknye birye, Allah Dib Kanye el kanye talima pum tam wekuka langdibukura, Elimas ati pia dipnilipmokce nyabuk.