Rasul 3:7 - Eipomek

⁷ Nyabuk akarye, anye biti el sirik taruk talipdakuka, tikilinmok talak ara, adiparyuk anye bira el yan ap, el yan kwamul ap, mikip kibuk.

Rasul 3:7 Referans Kwoze

Markus 1:31

Ati, Yesus arye akil mapmok sukum arye, akil el taruk talibuka tikdeibuk. Tikdeibukce, akil yun dilamuka ara, adiparyuk kum dayukba, akil arye anang sik din aribuk.

Rasul 9:41

Bukukura, Peterus arye akil taruk talibuka tikdeibukce, min arye dib tenebik nang ap, ayouwak kilapu ap, yukubukba yayikura, “Akunuma kam bukuka tekmala dipdelulume,” nyabuk.

Markus 9:27

Utenebik bukni, Yesus arye, ami taruk talibuka tikdeibukopura, el yuk tikuk.

Markus 5:41

Wekikbuk, Yesus arye akilmu taruk talibukce, amutuku yupu deice arye nyabuk. “Talita koum,” nyabuk. Anyabuk yupu deiyok ara, ani. “Akilmu otiklyame nyapmakine,” nyabuk.

Lukas 13:13

Yesus arye ayupu nyabukopura, akil nong deice taruk deibukura, adiparyuk akil sisikuka amnyok tikrobukce, Allah si erenmokce, Allah ati, “Telebe,” nyabuk.

Rasul 3:6

Dinmok anyak, Peterus arye ayupu nyabuk. “Geil uang atouk bukni, dekna pia weik ning perak ap, emas ap ara, pia nun ton kum upmasil bukni, aupmanil ning ara, arepnukine. Nasaret nang arye deiyamiknye Yesus Kristus, el si mikip arye, tikuka bilyame, nyapkine,” nyabuk.

Rasul 3:8

Mikip kibukura, anye bira el bidamnang erebuka im sukukce, el yan tuku deice yanibuka talye-talye banmok. Banauk unmokak arye, anye ap, sik ap, Yahudi yala nang, sik Allah ati arilbalamik aik, el si eren aik dam biyikura, elda talye-talye bana ap, kanye deibukce merena ap, Allah si erena ati, “Allah ara, el pia telebe,” nyabuka, Allah si erena ap, wininmok.

Rasul 4:9

Nunce ayok kwanyamuknye bico upsu ati, kwetepdeipmanam ning ati, yukupmasulum akarye nun wenepnusulum ning ati ara, tonda, ‘Yata deice arye anye kweteipmarum do?’ nyabuka asipdenusulum ning ap, anggun nirya ap ara, nun Yahudi yala deiyok nang ap, Israel ninye nirya ap, na nyapnusin yupu moubuka biknulume.

Rasul 4:16

Yupu talipdayik akarye ayupu nyabik. “Abitinye nang ara, yata wiripnamap do? Ara, sik bitinye nang arye, pia nun kum elinyap ning, winipman kum pil dopmarak anyak, nun Yerusalem mutuku unyap ninye akunum kel bikmapa ati, ‘Aning ara dipkoprop kum ulule,’ kum nyaptibye.