Rasul 26:13 - Eipomek

¹³ Na ni Raja Ageripao, Damsyik mutuku bisi bukni, keting dukduk kibukopura, na nong bisikuk banmasi talak ara, weik dirina im deice arye yayuk anye ap, na ap neika banmapu nang ap, nun dana-danatil daksukak eipse. Keting dirina ara, mitik dirina bukni, adirina ara, pia weik dirina ubuk.

Rasul 26:13 Referans Kwoze

Matius 17:2

Sik amutuku dup welebikopura, el mapu arye adinmek bukni, Yesus ara el urasin yuk ubuk. Yesus el urasin yuk dayukce, keting deiplirye, til pia daklamle touk dirina weik ubuk. El urasin dirina weik ubuka atonun, el baju kurubukce, dirina weik ubuk.

Wahyu 21:23

Aning atonun, keting dirin ap, wala dirin ap, ‘Adirina lapsutuba eiptibye’ tenen, patalyeba, pia kum tenenyake. Allah el bidamang dirina ara, pia weik ulula ati ara, im deice unamak ninye ara, yuk dirin ning ton kum patalule. Tonda, Domba Mi Atonye birye, el bidamang dirin weik ululba, anyasik noutamak weik dirin atonun unamla ati ara, keting ap, wala ap ara, winiryuk im deice mutuku kum ulule.

Wahyu 1:16

Anye el sirik taruk noutamak arye kurya tekbarye bopmok. El si bam bol pum tam arye weik parang ya, dana-dana tam si taca keten weik uamuk parang talipmokak, eipse. El urasin ara, keting arye mili daklamle touk weik dirina ubukba, eipse.

Rasul 22:6

‘Damsyik mutuku dolbinaman’ tenen, banmasiani, keting dukduk arye Damsyik mutuku dam bisopura, im deice arye weik dirina na nong dam dana-dana nirya til daknuk.

Rasul 9:3

Moropdeyukbuk, anye birye, “Telebe,” nyabuka asurat sekuka aribukura, Saulus arye asurat bobuka, ‘Damsyik mutuku binun’ tenen, panabuka banmok. Banmoka ani, bisik noutamak Damsyik mutuku asik dam bayukba, im deice arye Allah dirina mikip arye Saulus dam minop dopkwetebukba, el nong dana-dana nirya mili dakukura, Saulus tuku deice pubukce lalakuk.

Yesaya 30:26

Aninguk kum bukni, atalak babye, wala el dirina ara, keting dirina ulamle touk upnamle. Keting el dirina ara, minop talak arye dirina ulamuk touk tuba kum upnamle. Atalak ara el dirina ara, pia weik upnamle. Aketing dirina pia weik upnamle ara, tonok sum keting duk-duk noutam ara, keting dirina atonun bukni, tekbarye tabaklya deice arye, dirina pia weik upnamle. Ara, Allah Yahweh, el mapu koprop ati, olamikiba dila weik ulamlye ning ati, lipdongoplirye, kweteipnamle. Allah arye sik wenena ati, ikin ning areamukba, sik dila uamuk ning nirya kwetepliba, nipdopnamle.

Yesaya 24:23

Aning akunum winiplyeura, atalak ara wala dirina ara, mitik tonun kunuknamle. Aning atonun, keting buppu weik ulye ning ara, mitik tonun ikip upnamle. Ara, talye ati kume. Deiyok ara, Allah Yahweh, aning-aning nirya talibuka, deice tam erebuka, mikip weiknye birye, im deice yin talin malaikat nirya talilule. Elcuk aning-aning nirya deice tam ulirye, aning nirya talibuka Raja kipnamle. Elce Raja kibuka, Yerusalem mutuku noutam bukni, Sion mutuku kon unamle. Tonda, Allah Yahweh arye, el pia teleb ulye ning ap, mikip weik pil dolul ning ap, el dirina ap, ‘Ninye nirya eipnamakeʼ tenen, laka kipdeiplyeura, sik Yerusalem mutuku noutam unyak deiyok-deiyok nang nirya arye eipnamake.

Rasul 22:9

Na ap, neika beipu nang ara, dirina ara, eibik bukni, ninye yupu atonun arye nyapnuknye, el yupu ara, sik kum kekebik.

Rasul 26:12

Paulus arye nyabuk. Aning balamse touk, Allah arena ati weik deiyok nang arye, “Nunti ninye opdeipsilyame,” nyapdeipnika deice arye, ‘Damsyik mutuku binun’ tenen, bise.

Rasul 26:14

Adirinarye, til daksukura, asing bir-birapsukak, nun nirya tuku deice ak pouplobupe anyak, ninye yupu atonun yupu, Ibrani yupu deice arye ayupu nyapnukura, kekepse. “Saulus, Sauluso, ikin ning yata ati delinmanilam do? Ance yo dula kukdongopminyeura, uk pia weik dilamkile, ati, yata deiyok ati tuba mandipna pia weiknye ulyam do?” nyapnuk.