Rasul 24:3 - Eipomek

³ “Nun ni kopropa, pia telebnye Gubernur Feliks ulyame. Mutuku-mutuku nirya arye, tonda, nun unyap ning nirya deice arye, ‘Ateleb ning nirya ara, Feliks arye pil teleb kibuka dolamsuk deice arye teleb usulule,’ nyabuka anti, ‘Pia telebe,’ nyakinyabe.

Rasul 24:3 Referans Kwoze

Rasul 26:25

Nyabukura, Paulus tamubuka nyabuk. “Nai Festuso, na motonanye kum unune. Na nyanman yupu ara, telil yupu kume. Pia diksukum yupu uk nyanmane,” Paulus arye nyabuk. Nyabukura, ayupu tonap nyabuk.

Rasul 23:26

Nara, Kelaudius Lisias arye, nun pia teleb weik ninye deiyoknye, Gubernur Feliks ati, “Telebe,” nyapkine.

Lukas 1:3

Aning ati ara, na babye, ‘Yesus el pil deiyok koubuk talak arye, lilibuka biksirye, deiyok koubuk talak arye, dipdongobukce, sirya dakuk tam nirya, Yesus arye petelamukce, winilamuk touk, aning nirya sekdeipnamne’ tenen, sekuka deipse.

Rasul 23:24

Tonda, ‘Paulus obicak’ tenen, kalikuka melipmunce ‘Gubernur Feliks dam teleb ubuka bobinuyap,’ tenena ati ning ara, Paulus el bun ning kuda ton wibuka deipnulume,” nyabuk.

Rasul 23:33

Ura kuda basam balye tam bukuka balamik nang banmeka ani, Kaisarea mutuku akunum biyikura, sikce Gubernur Feliks ati Lisias sekdeipmok surat ap, Paulus ap, ‘Elce dopdoplirye, dipdenamle’ tenen, arebik.

Rasul 24:2

Ura Gubernur Feliks arye Paulus ati, “Wekelyalyame,” nyabuka yukubukura, Paulus akunum wekukopura, Tertulus arye Feliks el kekenmokak tikukce, “Paulus el malye winibuk ara, ani-ani,” nyabuka malye yupu nyanmok. El nyanmok yupu ara, ani.

Rasul 24:4

Bukni, weik tonun nyapnibuk, an like upkilkyak ati, narye nun patapsil yupu ton nyapnukina ara, mitika anyuk nyapnibuk na kanye deibuka tonap kekepnulyama ati moropkine,” Tertulus arye nyabuk.