Rasul 23:16 - Eipomek

¹⁶ Nyabik bukni, Paulus el makal kil el mi arye, “Paulus opnamabe,” nyabuka talilamik yupu kekebukce, ayin talin nang, sik aik wekelbiyukce, “Paulus opnamkiyaka ati yupu talikenyake,” nyabuka lak nyalbiyuk.

Rasul 23:16 Referans Kwoze

Rasul 23:10

Sik yupu pia nyalanauk unmekura, yu pia weik ubukura, kwelanmek ati, ayin talin nang sik weik deiyoknye birye, ‘Paulus nong obuka der seklobicak’ tenen, ilil ubuk ati, el mapu ak nyapdeibukura, sikce awekmek nang noutamak binuka mikip arye doprobik akarye, Paulus sik aik bobiyik.

Rasul 23:32

Binuka mapmeka berekukopura, sik kuda basam balye tam bukuka balamik nang aryuk, ‘Paulus dobuka bobinamak’ tenen, sik talye yin talin nang arye abana batakuka, sik aik tamubuka biyik.

Rasul 21:34

Asipdeyukura, aunmek nanguk ninye bokuka ton tam weik yupu yuk ton nyanmek, ton tam weik yupu yuk ton nyanmeka deice arye, weik arye lelilanmeka ati, ayin talin nang deiyoknye birye, ‘Anye bira dipkoprop yata wiripmo do?’ tenen, bita tenipmanto kum kibuk. Winibukura, elce el yin talin nang ati nyabuk. “Paulus ara, nun unyap aik bobilulume!” nyabuk.

Ratapan 3:37

Allah ara, elce aning-aning nirya talilirye, pia mikip weik deiyoknye ulule. Ati ara, winipmanto, Allah elce, ‘Aning ton winiptue,’ kum tenelam toura, dipkoprob yata ninye aryuk, aning-aning ton ulamtibye do? Kume, Allah arye, ‘Aning winipnamle,’ kum tenelye ning nirya ara, ninye arye dipkoprob kum winiptinge.

Amsal 21:30

Yata ninye do nirya, sikce, ‘Wininamabe, teleb una ara ani. Nunce pil donamap ning ara ani,’ tenebikirye, ‘Yata wiripnamap do?’ tenen, pia weik kel kilamik nang ap, yupu taliptingce, pia mambul kirikuka piripdeca babye, Allah Yahweh arye, ‘Wininamne,’ tenyamuk ning ati ara, tukwak ninye arye kum malye kiptinge. Allah arye tenelul touk ulula atie.

Ayub 5:13

Tonda, weik kel bikamikce bukni, tilila ati tilila yupu nyanyak nang ara, sikce, ‘Winipnamepe,’ tenebice talak ara, adiparyuk Allah arye, sikce tilila ati tenenyak ning ara, kel bikilirye, dololule. Adeice sik weik kel nang bukni, tilila ati malye tenepmace ning nirya ara, Allah arye kum danalilule.

2 Samuel 17:17

Atalakuk Yonatan ap, el kwit Ahimas ap ara, mutuku si En-Rogel mutuku unmarik. Yuk nang arye, utenebik. ‘Tonok pil melina kil wibuka dopdeibipiba, akil arye, Yonatan ap, Ahimas ap ati, yupu laka nyalbilyopura, Yonatan ap, Ahimas ap arye, Raja Daud dam laka nyalbinamarake,’ tenebik. Ara, sik bitinye nang ara, Yerusalem mutuku noutam, talye kanye bobuka kum bitiringe. Deiyok ara, ‘Anyaik domikak binimiba, yuk nang eipsikirye, Absalom laka nyalbicak,’ tenen ati, anyaik noutam wekna kumce, yuk sukumak unmarik.

Rasul 21:37

Ayin talin nang arye, Paulus dobuka, sik aik buplan dam wekelbinuyik ati, bayika ani, Paulus arye ayin talin nang deiyoknye ati, Yunani yupu deice arye asipdeyuk. “Anti yupu ton nyapkitinye do?” nyabuka asipdeyuk. Asipdeyukura, ayin deiyoknye birye tamubuka nyabuk. “Yunani yupu ara, kel kilyamce nyalyam do?

Rasul 23:17

Nyabukopura, Paulus arye yin talin nang sik deiyoknye ati nyabuk. “Awel mi ara, an weik deiyoknye ati, ‘Yupu ton nyapnaman,’ tenepmala ati, el dobuka an weik deiyoknye dam bobilyame,” nyabuk.

Rasul 24:23

Nyabukce yin talinanye bira, yupa 100 yin nang talyamuknye ati Feliks arye nyabuk. “Ura, ‘Paulus bilyak’ tenen, moubuka kalikmamunye bukni, el talye bana ap, el kayapu nang arye el pataplye ning arilyangana ap ara, telebuk,” nyabuk.

Amsal 24:15

Anyapmasin malye un ning nirya ara, pia kum wininamlulume. Tonok ning ara, pia malye unyak nang arye, teleb ubuka unyak ninye ati, ‘Sik aik wekuka, sik delilamak ning nirya, ubula dalubuka doproptibye,’ tenelamak touk, kum wininamlulume. Diksukumuk unyak ninye, unyak mutuku noutamak nirya ara, malye kum wininamlulume. Diksukum unyak ninye ati, malye kilildana pia meme.