Rasul 21:6 - Eipomek

⁶ Allah morobupopura, “Telebe, anggunda bilulume,” nyabuka bisik yanuka kaipsikopura nunce, “Telebe daunamlulume,” nyabuburye mek bukna yo wekuka bukupu ura, sik anang ara, sik asik tamubuka biyik.

Rasul 21:6 Referans Kwoze

Yohanes 19:27

Nyabukopura, el kanye deiyamuknye, el kwit koprop tonok ati nyabuk. “Amio, an nin tikmal atia,” nyabuk. Yesus arye nyabuka ati, el kanye deiyamuknye kekebukce, atalak arye diprongobuka, doyanamuk talak noutamak nirya ara, anye birye, Yesus el lin yukubukba yayukura, el aikuk neika ulamukba, anye birye akil melilamuk.

2 Korintus 2:13

Kel kipse bukni, na weit atonunye Titus ara, Teroas mutuku kum ulamukba, kum eipse ati, ‘Se tenen, na kanye talima noutamak teleb ulul do, kum do?’ tenen, na kanye talima noutamak ara, teleb ubuka kanye kum darapnuke. Titus kum eipse anya arye, sik Teroas mutuku ninye ati, “Telebe daulalume,” nyabuka, sik mutuku bataksirye, kirikuka Makedonia tam bise.

Yohanes 16:32

Bukni, aminyan yanamle talak noutamak ara, malye nang arye anggun nong deice ikin ning deipsicopura, anggun nirya na batakuka, yuk-yuk bindopnamnulume. Nati, bataknumunce, anggun aik ap, anggun mutuku koprop ap, batakuka yuk-yuk benamlume. Ilil ati, anggun nirya arye na batakuka, yukak bindopmunyopura, na yuk unamne. Na ni Allah ap, na ap neika tuba unyama anya arye, dipkoprop na yuk kum unune.

Yohanes 7:53

Nyabuka wenebukba, sik nirya yuk-yuk sik aik tamubuka biyik.

Yohanes 1:11

Kanye pum tam Dirina Arina Deiyoknye birye, ‘Aninye ara, na tenen, ninye yala unamak’ tenyamuk ninye kan-kan, Israel ninye sik dam yanuka ulamuk bukni, aninye arye elti, kanye deibuka dib tenebuka kum dololamik. El ti, ‘Nun lik’ tenen, bataklamik.

Lukas 15:20

Utenebukce, amutuku batakuka, el li dam biyuk. Bisikak ouyanganmokura, el li asik dam tikuka dinmokce, el miuk ouyanganmokak eibuk. Eibukopura, el mi ati bico ubuka ati, bik-bik abuka biyukce, binuka iribuka mutubuk.