Rasul 20:6 - Eipomek

⁶ Bukni, nun yuk, Yahudi yala nang Nena Kum Roti Kwalya akunum yubupopura, Pilipi mutuku arye, mek bukna yo pum wekuka bukuburye balamupa ani, pamu sum akunum ubukopura, Teroas mutuku biburye, mince binamik nang ap, epdapu. Epdaburye, nun nirya asukumuk, liki tekbarye sum ton aulamubu.

Rasul 20:6 Referans Kwoze

Rasul 12:3

Yakobus obikura, Yahudi yala nang eibikce, ‘Bita merekuka opmake’ tenen, kanye deibik. Yahudi yala nang, sik deiyok nang kanye deiamik ati ara, Gubernur Herodes arye el yin nang ati, “Peterus tapu kouplulume,” nyabuk. Ayupu nyabuk talak ara, sik Nena Kum Roti Kwalya yulamik sum uk.

Rasul 16:12

Napolis mutuku arye tuku bisik arye Pilipi mutuku banmapurye, liki dumbarye sum asukumuk unmapu. Pilipi mutuku ara, Provinsi Makedonia tam noutamak awamuk. Atam noutamak, sik Roma mutuku ninye arye asik dolamikce ulamik mutuku awamuk.

Keluaran 23:15

Wala tonoknye, el si ara Abib ati, “Wala si Abib noutam arye asum, atanggal deice arye, weik sum kipnamnulume,” nyapdeiamse touk, uplyopura, anggunce, ‘E Nena Kum Roti Kwaning, dina sum ara kunum aupmale,’ tenepmumce, na si erenamnulume. Atalak ara, narye anggun ati nyapdeipsisi touk, Abib wala noutam like tekbarye sum ara, anggunce nena deiyok ning, el si ragi, tabakuka dapmace roti kum dinamlume. Anggunce dinamlum ning ara, nena kum roti dapmunce, tekbarye sum arye, anena kum roti kwaninguk dinamlume. Deiyok ara, Abib wala noutam aryuk, anggun Mesir mutuku ulamluma batakuka, yanamluma ati, aning ara tuba tenipmunce, wininamlume. Tonda, asum atanggal deice arye, yanabuka na si erenamnulum talak ara, asum-asum nirya, na telebe nyana ati, na aik yanganamlum talak ara, taruk banang yangana kume. Anggun wa wibuka koumunce, limunye ning noutam ara, teleb arin ning bobuka, na si erena ati, na aik yanuka arelyanganamnulume.

2 Timotius 4:13

Ura, Teroas mutuku noutam na ka Karpus ap, neika ulamnumu talak ara, na deice ongon cang bupu baju, el si jaket luba kipsirye, batakse. Timotius ance na dam yanamlam talak ara, aongon cang baju ap, na buku ap, surat ap, libuka boyanamnilyame. Na batakse buku-buku nirya boyanamnilam bukni, ‘Weik mambul,’ tenenye ning ara, kam uning obukabikce, bola koplobuka ketingak mikikbuk, sisal lebukura, abola deice Allah yupu sekik ning ara, luba kina kume. Aning babye, boyanamnilyame.

Keluaran 34:18

“Nena kum roti dina ati, dan sum pia tenenamlume. Asum kiplyopura, like tekbarye sum noutamak nirya ara, roti nen ning, kum dongobicopura, dabuka dinamlulume. Ara, narye nyamse touk wininamlulume. Wala si ara, Abib wala noutamak bukni, na wipdeipse tanggal deice deiyok koupnamlulume. Deiyok ara, awala noutamak arye Mesir mutuku batakuka yanamluma atia,” Allah arye nyabuk.

1 Tesalonika 2:2

Anggun kele, minop talak ara, Pilipi mutuku beipu ura, malye nang arye nunti ngaluklamsikce, nun nong deice ikin ning weika arye deililamsike. Tonda, yuk nang arye, nun peteren yupu ap, nun ap ati, ‘Lyeklopnamap’ tenen, yanipdesik bukni, nun ni Allah melyamsuka deice arye, balye tam kipsuk deice, arye ilil kum, upsuk akarye el laka teleb yupu, ninye lyena yupu peterelamsupu.

Pilipi 1:1

Nun kayapu telebe. Nun bitinye Paulus ap, Timotius ap, asurat sekeipsiname. Nun bitinye ara, Yesus Kristus nun talima talisilya deice, el amu tam unyamce, el yupu uk kekebuka, el piluk donyame. Asurat ara, anggun Pilipi mutuku umunce, Yesus Kristus ati diba teneplumce, eluk talibuka, diksukumuk umunye ninye ap, Allah yupu peterena nang sik melina deiyok nang ap, Allah yupu aik pil melina don nang ap, anggun nirya ati, ayupu sekeipsiname.

Rasul 28:14

Tukwak sakupeura, epnin banmapu ani, Yesus diba tenyamik nang aulamika mankau arye banmapu ani, epdapu ura, sikce nunti nyapsik. “Liki naku barye sum tonap neika unamabe,” nyapsikura, anyuk ulamubu. Ulamubu ani, akunum ubukopura, nunda tuku bisikuk mapnin balamubu ani, Roma mutuku beipu.

Rasul 21:8

Unmapua ani, mapmapua berekukura, Petolemas mutuku batakuka banmapua ani, Kaisarea mutuku beipu. Biburye, tonoknye, el si ara, Pilipus, el aik neika unmapu. Pilipus ara, ‘Yuk nang Yesus dib tenepnamak’ tenen, Yesus yupu laka nyalamuknye ulamuk. Tonda, ‘Youwak kilapu melipnamak’ tenen, minop arye tekbarye wibuka deiamik nang ara, Pilipus tonok aulamuk.

Rasul 21:4

Yokeipsukura, Yesus diba tenebuka amutuku ulamik nang ati, enmapu ani, eibupopura, nun ap, anang ap, tekbarye sum arye neika unmapu. Unmapubuk, anang ara, Allah El Dib Kanye arye sik talima tamubukura, sik anang el mikip deice arye Paulus ati, “An Yerusalem mutuku banmalam ara, bataklyame,” nyabuka malye nyabik.

Rasul 16:8

Yupu sekdongobuk ati, Misia tam noutamak bana kumce talye balamika ani, Teroas mutuku kulukikce biyik.

Rasul 16:10

Paulus arye alengdar atonun ning deice aning eibukce, laka nyabukura, nun nirya arye tenebupe. ‘Kume, Allah arye Paulus lengdar eibuk deice arye akunum lak nyapmasile atia. Nunce Makedonia tam ninye, Yesus ninye lyen yupu peterepnamabe Allah arye aning akunum, tenepmasila ara, akunum kel kipmapa ati, adiparyuk, ‘Makedonia mutuku peterelbinuyap’ tenen, kintinibupe.’

Rasul 20:5

Makedonia noutamak mapnin balamik bukni, anang nirya ara, Makedonia tam batakuka, minopce binmekce, Teroas mutuku anyuk unmekce, ‘Sik anang yata talak yanuyak do?’ tenen, Paulus ap, nun ap ati, dinmasik.

Rasul 20:16

Paulus arye weik sum Pentakosta tuba upmal talak anyuk ara, ‘Yerusalem mutuku bitinyopura, ara, pia telebe’ tenen, patabuk ati, witenebuk. ‘Asia tam noutamak binyopura, na Pentakosta sum, Yerusalem binamne, tenepse sum dam kiplyak ati, Efesus mutuku ara, kirikuka binamne,’ tenebuk. Witenebuk ati, Miletus mutuku uk beipu.