Rasul 20:1 - Eipomek

¹ Efesus mutuku ninye arye Yesus yupu ati, yu ubukura, yupu waldana ap, malye-malye una ap, awininmek ning nirya akunum winibikce, tunim abikopura, Paulus arye Efesus mutuku ninye Yesus winilamuk ning piribuka kel kiyamikce, dib tenebik ninye, yukubuk. Yukubukura, yayikbuk sik talima kwa dina ati yupu nyapdeibukce, “Telebe na bine. Anggun daulamlulume,” nyabuka, amutuku batakuka Makedonia mutuku biyuk.

Rasul 20:1 Referans Kwoze

2 Korintus 7:5

Aning ara, talye ati kum nyapsine. Kume, nun Makedonia tam yapu talak ara, atalak-atalak nirya dana-dana tam arye ikin ning wamsukba, imun kanye bobuka ulamubu. Atalak nirya noutamak ara, malye nang ara nun yupu ati, yu kibukba yupu sekeldongona ap, waldana ap winilamsikba, nun babye kanye talima noutamak ara, ‘Se, yata upnamsil do?’ tenen, ilil ulamsuk. Atalak nirya ara, talye kanye bobuka dikdik sena talak, mitik anunuk kum wamsuk. Ikineuk tuba ulamubu.

Rasul 19:21

Anirya akunum winibukopura, Paulus tenebukce nyabuk. “Na Yerusalem mutuku binaman talak ara, Makedonia tam noutamak ap, Asia tam noutamak ap, banmanya ani, Yerusalem mutuku binamne,” nyabuk. Utenebukce nyabuk. “Asi nyapman mutuku nirya akunum binyopura, ‘Roma mutuku binamne,’ tenepsa ati, dipkoprop Roma mutuku babye, binamne.” Paulus tenebukce nyabuk.

1 Timotius 1:3

Ara, na Makedonia mutuku binamse talak nyapdeiamkise touk, anda Efesus mutuku tuba unalyame. Ara, dipkoprop Allah el yupu ulye touk kum bukni, yuk tilila yupu peterenyak nang ati, ‘Ance sik yupu sekenalyam’ tenen, nyapkise.

1 Tesalonika 5:26

Anggunce yuk dib tenen ninye nirya ati ara, eibuka eibramunye talak nirya ara, kanye deibuka, si erebuka iribuka mutunamlulume.

1 Korintus 16:20

Na unyak Efesus mutuku dib tenekirye, nun weit yapu atonun ninye, sal babye, kilapu babye, sik nirya arye, anggun Korintus mutuku ululum ninye ati, “Telebe,” nyalisinyake. Nun dib tenenyap ninye nirya arye, yuk dib tenenyak ninye ati eipdabirye, ‘Na kwit koprop’ tenen, talima melisiliba, si erebuka mutulanyap touk, anggun Korintus mutuku ululum ninye babye, yuk dib tenenyak ninye nirya ati aning atonun wininamlume.

1 Korintus 16:5

Na kayapo, yuk yupu ton nyapnune. ‘Makedonia tam mutuku peterepra binamne,’ tenepsa ati, amutuku noutamak nirya peterepra banmanya ani, akunum binyopura, aminyan talak ara, anggun dam Korintus mutuku ton tamubuka yanamne.

Roma 16:16

Aning atonun, batakna kumce, anggun Roma mutuku diba tenelulum ninye nirya arye, elanamlum talak nirya babye, bico tenebuka, “Telebe,” nyalanamlulume. Anggun Roma ninye ati ara, yuk mutuku unyakce, Kristus ati diba tenebuka, el ap kanye talima dukdongobuka unyak ninye nirya arye anggunti, “Telebe,” nyasinyake.

Rasul 20:37

Allah morobukura, sik anang nirya arye Paulus elti, bico tenebikce, “Telebe dabilyame,” nyabuka iribikce engenmek.

Rasul 20:10

Dibukopura, Paulus kutukukak arye, ami dam yayukopura, ami nong deice iribuka mabukce, Paulus arye nyabuk. “Anggunda, ‘Se, ami akunum dipmal,’ tenepmalumce malye kanye bopmaluma ara, bataklulume. Wini talak ara, el akunum kam bukle,” Paulus arye nyabuk.

Rasul 16:9

Teroas mutuku biyikura, binuka mapmeka lukunyan noutamak arye, lengdar atonun ning Paulus eibuk deice arye, Makedonia tamnye, tonoknye tikukce, pia morobukce nyabuk. “Makedonia tam yamince nun melipsilyame,” nyabuka morobuk.

Rasul 11:26

Saulus eibukopura, Saulus dobuka Antiokia mutuku tamubuka boyayuk. Boyayuka ati, Barnabas ap, Saulus ap, Yesus diba tenebuka talyamik nang ap, keting tamun tonok talak arye ton sum arye ton, ton sum arye ton nirya, bulubuka wekelamikbuk, sikce Antiokia mutuku ninye weik Allah yupu peterelamrik. ‘Yesus ulamuka atonun uptibye’ tenen, patalamukbuk piribuka kel kibuka diksukum ulamik nang ati, yuk talye ulamik nang arye, Antiokia mutuku arye deiyok kibikce, “Aninye ara, Kristen ninye unyake,” nyalamik. Ara, minop talak Antiokia mutuku nang arye, deiyok koubuka, “Anang ara, Kristen nang unyake,” nyalamik.

Kejadian 48:10

Ura, atalak ara Israel el asing akunum malye upnin balamuka anya arye, teleb ubuka kum eipmanto ubuka ati, Yusup birye el mapu bitinye dobuka Israel el dam koprop deibukba, el li koprop arye amapu mutubukce iribuk.

2 Korintus 13:12

Anggun ap, yuk dib tenena nang ap, eipdamunyopura, taruk talipdamunce, “Telebe,” nyanamlulume.

Rasul 16:12

Napolis mutuku arye tuku bisik arye Pilipi mutuku banmapurye, liki dumbarye sum asukumuk unmapu. Pilipi mutuku ara, Provinsi Makedonia tam noutamak awamuk. Atam noutamak, sik Roma mutuku ninye arye asik dolamikce ulamik mutuku awamuk.

Rasul 20:2

Makedonia mutuku biyukopura, amutuku noutamak nirya balamuk talak ara, amutuku diba tenebik nang, sik talima mulina yupu weik peterepda balamuka ani, aminyan talak, laut mekwen arye dana-dana nirya sekdongamuk mutuku, Yunani mutuku noutamak biyuk.

Rasul 20:3

Yunani mutuku biyukopura, wala winilye pia anyuk ulamuka ani, elce, ‘Siria mutuku binamne’ tenen, kintinibuka deiamuk talak ara, sik Yahudi yala nang arye, ‘Paulus opnamap’ tenen, yupu sisiklamika anyak, Paulus kekebuk akarye, ‘Na Makedonia mutuku noutam bisikuk tamubuka binamne,’ tenebuk.

Roma 15:19

Aning ara, na mikip deice arye kume. Allah El Dib Kanye mikip deice arye melyamnukba, amambul pil nirya dolamse. Ara, aninye nirya arye, ‘Allah elcuk apil dosulule,’ tenebuka, ‘Diba tenenamak’ tenen, etekdop ubuka don pil ap, ninye kum winipmanto pil ap, dolamsirye peterelamsiba, sik Yahudi yala kum ninye arye, Allah ati diba tenelamikce, el yupu kekebuka dobolbanyake. Winibuka apil dolamse ning ara, keting wekelban tam, weik asik dolamikak, Yerusalem mutuku arye dipdongobuka anyapce, keting panalyangan tam, mutuku si Ilirikum mutuku tam noutamak nirya ara, Kristus el laka teleb yupu, ninye lyena yupu bobuka peterelbalamse. El yupu ara tonok ning babye kum bataklamse.