Rasul 2:25 - Eipomek

²⁵ Minop talak Daud arye Yesus ati ayupu nyabuka sekiamuk. ‘Na ni Allah na urasin dam pia dinune. Na sirik tam ulula ati, ‘Elce na melipnamnil’ tenen, na ilil una kum ap, kanye bokoltona kum unamne.

Rasul 2:25 Referans Kwoze

Yesaya 41:13

Aning nirya nyapmasina ara, urdem ati kum nyapsine. Deiyok ara, nara anggun ni koproba Allah Yahweh unune. Narye anggun sirik taruk talipsinirye, anggunti, ‘Na mapu, anggunda ilil una kume,’ nyasunune. Narye anggunti pia kalikuka melinamsina anya arye, anggunda ilil una meme.

Mazmur 62:6

Wininyak bukni, nara, ‘Na ni Allah, elcuk lyepnamnil’ tenen, yupu nyana kumce, talye kanye bobuka, tunim anauk unune. Deiyok ara, narye, ‘Kume, Allah elcuk melibuka lyepnamnile,’ tenepnirye, el deiceuk na kanye talima deipnirye, elti, pia dib tenenune.

Mazmur 109:31

An Allah ati, ‘Telebe,’ nyanamkine deiyok ara, ani. Ara, anda Allah Yahweh arye, aning-aning talina kumce, pia talye kankan nang ara, anggun diksukum tam tikmunce, melinauk winiluluma atia. Anda Allah arye, sik kankan nang dam tikmince, melilyama deiyok ara, ani. Ara, yuk yu nang arye, atalye kankan nang ati, ‘Adiparyuk, talye minin yupu nyabibyak arye, ninye yupu bokeipminyeura, anang ati, talye luba kibuka oplopnamake,’ tenebikirye, kintinipnamake. Winipnamaka ati, anda Allah arye, akankan nang ati, melilyame. Ati ara, na Daud birye, an Allah ati, “Pia telebe,” nyabuka, an siuk erekunune.

Mazmur 62:2

Na kanye pum tam arye, ‘Na ni Allah aryuk lyepnamnile’ tenepnirye, ilil tenena kumce, talye kanye bobuka unune. Ara, na ni Allah, elcuk melibuka lyepnamnila ati, el tibuk diba tenenune.

Mazmur 110:5

Anda Ninye Deiyoknye umince, Allah el sirik tam ulyama anya arye, sik malye unyak ninye nirya ati, yu upkiliba, tukwak ninye wenebuka opnalam talak ara, Allah arye anti melipkiliba, tukwak mutuku noutamak, ninye weik deiyok talibuka unyak Raja-Raja nang, ayala-yala nirya obuka sirya daknamlyame.

Mazmur 73:23

Winibuka pia malye weik ulamse bukni, wini talak ara, na teleb kanye bobuka unune. Nara, na ni Allah, an dam anyuk tuba unye talak ara, ance na taruk sirik tam ning talipnimince, teleb kibuka melinilyame. An dam anyuk, pia aunamne.

Mazmur 30:6

Ton talak ara, Allah el yu upliba, wenesulul bukni, se mitik tonunuk, yu tenesulule. Bukni, elce bico tenesilirye, kanye delisulul ning ara, pia weik tonun tenesulule. Ara, nun kam unamap talak nirya ara, bico tenesilirye, pia telebuk kilisulule. Aning atonun, nun ikin usiliba, lukunyan noutam nirya engenyap bukni, mapmapya, beren tam talak ara, Allah arye melisilyeba, kanye deibibirye, weik yupu deice arye, ‘Telebe,’ nyanamabe!

Mazmur 21:7

Allah ance, na Raja ati, pia telebuk kilinilyama ati, dorupnamle talak babye, pia telebuk unamnarya. Tonda, anda Allah arye, na dam yanuka, neika unyama ati, nara kanye weik deibuka unune.

Yohanes 16:32

Bukni, aminyan yanamle talak noutamak ara, malye nang arye anggun nong deice ikin ning deipsicopura, anggun nirya na batakuka, yuk-yuk bindopnamnulume. Nati, bataknumunce, anggun aik ap, anggun mutuku koprop ap, batakuka yuk-yuk benamlume. Ilil ati, anggun nirya arye na batakuka, yukak bindopmunyopura, na yuk unamne. Na ni Allah ap, na ap neika tuba unyama anya arye, dipkoprop na yuk kum unune.

Lukas 1:6

Zakaria ap, el kil Elisabet ap, Allah yupu nyalilye atouk ubuka diksukumuk ulamrikce, Allah arye, “Wininamlulume, aning kum wininamlulume,” nyapdeiamuk yupu, moubuka talyamrikce, dolbalamrik. Ayupu nyalul touk ning nirya atonun, sirya dakuka pil dolamdik, malye una deice tenebuk ning ababye, kum winilamrik ara, Allah arye sikti, kanye deiamuk.

Rasul 2:26

Aning ati ara, pia na kanye delinune. Allah pia talinulula ati, na kanye deipnirye, kanye talima lamabuka ulamnibuk, ‘Allah arye pia meliniliba, pia kam unamne,’ tenenamne.