Rasul 19:21 - Eipomek

²¹ Anirya akunum winibukopura, Paulus tenebukce nyabuk. “Na Yerusalem mutuku binaman talak ara, Makedonia tam noutamak ap, Asia tam noutamak ap, banmanya ani, Yerusalem mutuku binamne,” nyabuk. Utenebukce nyabuk. “Asi nyapman mutuku nirya akunum binyopura, ‘Roma mutuku binamne,’ tenepsa ati, dipkoprop Roma mutuku babye, binamne.” Paulus tenebukce nyabuk.

Rasul 19:21 Referans Kwoze

Rasul 20:22

Nyabukce, ayupu ton nyabuk. “Ara wini talak ara, Allah El Dib Kanye arye, na talima noutamak, ‘Yerusalem mutuku bilyame,’ nyabuka palipdeipmanila deice arye, Yerusalem mutuku binamane. Amutuku binyopura, yata wiripnamnil do, na walwale.

Rasul 20:16

Paulus arye weik sum Pentakosta tuba upmal talak anyuk ara, ‘Yerusalem mutuku bitinyopura, ara, pia telebe’ tenen, patabuk ati, witenebuk. ‘Asia tam noutamak binyopura, na Pentakosta sum, Yerusalem binamne, tenepse sum dam kiplyak ati, Efesus mutuku ara, kirikuka binamne,’ tenebuk. Witenebuk ati, Miletus mutuku uk beipu.

Rasul 23:11

Bobiyikura, inibukba, alukunyan aryuk nun ni kopropa Yesus Paulus dam tikilyayukce nyabuk. “Ilil kum arye mikip aryuk unamlame. Yerusalem mutuku ulalamce nati teleb kibuka lak nyalamnilam touk, Roma mutuku ababye bimince adiparyuk laka nyanamnilyame,” nyabuk.

Roma 1:13

Ura, na weit yapu atonun ninyo, ‘Ayupu kum kekepmunyopura, moubuka kum kel kipmunyak’ tenen, laka nyapsine. Minop talak arye dipdongobuka wini talak noutamak nirya ara, anggunti tuba tenelamsise. Ara, ‘Se, Roma mutuku ninye uruna ati, sik dam binune,’ tenelamsise. Sik mutuku noutamak arye, Allah yupu petereptinyeba, kekeptinga deice arye, duk mouplirye, nong upnamle. Tonda, yuk mutuku noutamak, Yahudi yala kum ninye peterelamsiba, dib tenelamika deice arye duk weik moulamuk touk, ‘Roma ninye babye, dib tenebicopura, duk weik moupnamle,’ tenelamse. Utenelamsirye, ‘Roma mutuku tam binamne’ tenen, kintinyamse bukni, ikin ning na nong deice wamnuk arye, yanmanto kum ulamse. Ara, na bisik banak sekelongon ning ulamle touk uamuka anya arye, sekdongamnukba, anggun dam kum yase.

Rasul 18:21

Bukni, binuyuka ati, panabayuk talak ara, Paulus arye amutuku nang ati nyabuk. “Ara Allah arye, ‘Tamubuka bilule,’ tenepnilyopura, tamubuka yanamne. Kumopura, kume.” Paulus nyabukce, Kaisarea mutuku bana ati, Efesus mutuku mek bukna yo wekuka bukukce, laut mekwen deice biyuk.

1 Tesalonika 1:7

Winilamluma ati ara, yuk mutuku nang sik kel bikna ati, winipmanto nang ululume. Ara, sik Provinsi Makedonia tam diba tenebuka unyak nang ap, Provinsi Akaya tam diba tenebuka unyak nang ap arye, anggun Tesalonika mutuku ninye ulalum ning elilamikce, kel bikamike.

Galatia 2:1

Ura, Na Paulus birye, Siria mutuku ap, Kilikia mutuku ap noutamak ulamsa ani, keting tamun yupa weik 14 tahun akunum ubukba, Yerusalem mutuku ila tamubuka bise. Atalak ara, Barnabas ap, Titus ap dobukapsirye, neika welebupu.

1 Korintus 16:5

Na kayapo, yuk yupu ton nyapnune. ‘Makedonia tam mutuku peterepra binamne,’ tenepsa ati, amutuku noutamak nirya peterepra banmanya ani, akunum binyopura, aminyan talak ara, anggun dam Korintus mutuku ton tamubuka yanamne.

Roma 1:15

Adeiyok ati ara, narye anggun Roma mutuku tam umunye ninye ati, ‘Allah el laka teleb yupu, ninye lyen yupu, peterepniba, kel kipnamak’ tenen, pia pataniliba, na kanye deilisunune.

Rasul 28:16

Roma mutuku akunum beipuopura, Roma mutuku ninye deiyok nang arye nyabikura, Paulus el aik yukulamuk bukni, ‘Paulus bilyak’ tenen, tonok yin talinanye dopdeibikura, sik neika ulamrik.

Rasul 27:24

Yanuka tikmok akarye, nati nyapnuk. “Pauluso, ilil kanye bona, bataklyame talye kanye bobuka auminye touk, yuk talak babye, ilil kanye kum arye, talye binalame. An dipkoprop Kaisar dam biminyeura, elcuk yupu bokeipnamkile. Tonda, Allah pia telebnye ulula ati, elce anti, bico tenekulul ati, an ap neika balulum nang ara, sik nong nirya kum dipnamake. Malaikat arye nyapnuke. Paulus arye nyabuk.

Rasul 27:1

Ura, aminyan talak, sikce, ‘Anang ara, weik mek bukna yo deice Italia mutuku dopkwetepnamabe’ tenen, akunum tenebikce, nyabikopura, Paulus ap, ton, yuk nang wenena aik dongamik nang ap, yin talina nang sik deiyoknye, el si ara, Yulius, ‘Anang dobuka melibuka binamale’ tenen, arebik. Yulius ara, Kaisar el yin talin nang yupa ara, Yulius sik noutamak ulamuk. Tonda, Yulius babye, elce deiyoknye ulamukce, yin nang yupa weik 100 nang talyamuk.

Rasul 21:17

Yerusalem mutuku akunum beipu ura, amutuku ninye Yesus akunum diba tenebikce, du weit atonun kibuka ulamik nang arye, nunti kanye deipsikce, “Telebe” nyabuka kisal dopsik.

Rasul 21:4

Yokeipsukura, Yesus diba tenebuka amutuku ulamik nang ati, enmapu ani, eibupopura, nun ap, anang ap, tekbarye sum arye neika unmapu. Unmapubuk, anang ara, Allah El Dib Kanye arye sik talima tamubukura, sik anang el mikip deice arye Paulus ati, “An Yerusalem mutuku banmalam ara, bataklyame,” nyabuka malye nyabik.

Rasul 18:12

Ura, winibuka peterelamuk bukni, Galio arye Akaya mutuku talibuka Gubernur ulamuk talak arye, Yahudi yala deiyok nang neika nirya arye, ‘Paulus opnuyap’ tenen, el yupu yaniplobikce, sik yupu bokolin deiyok nang yupu talipmekak, Paulus dobuka bobiyik.

Ratapan 3:37

Allah ara, elce aning-aning nirya talilirye, pia mikip weik deiyoknye ulule. Ati ara, winipmanto, Allah elce, ‘Aning ton winiptue,’ kum tenelam toura, dipkoprob yata ninye aryuk, aning-aning ton ulamtibye do? Kume, Allah arye, ‘Aning winipnamle,’ kum tenelye ning nirya ara, ninye arye dipkoprob kum winiptinge.

Rasul 16:12

Napolis mutuku arye tuku bisik arye Pilipi mutuku banmapurye, liki dumbarye sum asukumuk unmapu. Pilipi mutuku ara, Provinsi Makedonia tam noutamak awamuk. Atam noutamak, sik Roma mutuku ninye arye asik dolamikce ulamik mutuku awamuk.

Rasul 19:22

Nyabukce el melina nang bitinye nang ara, Timotius ap, Erastus ap, minopce Makedonia mutuku dopdeibuk bukni, elda Asia tam noutam akuk mitik ton ulamuk.

Rasul 19:29

Tonap, ayupu uk, pia nyanmeka ani, aminyan ara, anyasik domika noutamak ulamik ninye babye, yu arye sik nirya, kanye walwal kibukura, ‘Se,’ tenebikce teninmek. Winibik akarye, adiparyuk sik anang nirya arye, Paulus ap, Makedonia mutuku arye yarik nang ara, Gaius ap, Aristarkus ap, talibuka doprobikce, anang nirya, tonok bisikuk bulubuka talipdaka neika biyik. Talipdakuka, tonok bisikuk biyik akarye, tonoknye tenepmok kanye atonun bobikce, amutuku ninye bulubuka weklamikce, yupu talilamik aik weknuyik.

Roma 1:11

Tonda, ‘Se, sik Roma mutuku unyak ninye ap epdatibye’ tenen, patanilye ning deiyok ara aupmanile. Ara, Allah El Dib Kanye mikip deice arye arisilye pil dona deiyok ning, narye Roma mutuku ululum ninye ati melibuka arepsitiniba, ‘Anggun kanye talima mikip kibuka unamlum’ tenen, ‘Se,’ tenenune.

1 Korintus 4:19

Wininyak bukni, nun Deiyoknye Yesus arye, ‘Telebe dabetue,’ tenepnutopura, dipkoprop anggun dam minopce dilyanamsine. Anggun dam yatinyopura, sik kwalinyak ninye nyanyak yupu kel kipnamne. Aninguk kum bukni, ‘Anang ara, Allah El Dib Kanye arye, mikip aribukba, mikip ninye unyak do, talye ninyeuk unyak do?’ tenen, dipdenirye, kel biknamne.

2 Korintus 10:16

Sik mutuku noutamak pil weik tonap doptipyopura, aminyan talak ara, nunce ninye lyena ati, laka teleb yupu dobuka, anggun ululum mutuku anyapce, otam yuk pera mutuku ton peterepra banamabe. Yuk nang arye, sik pil donyak mutuku noutamak akunum pil dolamik ning ati, yupu kum nyanamabe. Aning ara, nun patana kum ati, ‘Yuk pera mutuku peterepra bitibye’ tenen, patasulule.