Rasul 18:4 - Eipomek

⁴ Winilamika ani, Sabat sum nirya arye, sik Yahudi nang Allah yupu peteren aik Paulus weknarye, Yahudi yala nang ap, Yunani yala nang ap, sik kanye tenen ning batakikirye, winiryuk kanye talima yuk punubikirye, ‘Yesus dib tenepnamak’ tenen, Paulus arye lipsisikilamukce Allah yupu peterelamuk.

Rasul 18:4 Referans Kwoze

2 Korintus 5:11

Aning ati ara, Allah arye yupu lipsisikuka bokeipnamsil talak ara, ‘Malye winibupu ati wenepsilyak’ tenen, ilil una ara, usulula anya arye, nunce yuk ninye nirya ati, ‘Sik malye ning bataktingce, Yesus ati dib teneptinge’ tenen, pia pi dobuka peterenyabe. Nun winilamap ning ara, Allah el kele. Tonda, na patapnil ning ara, sik Korintus mutuku ninye, sik kanye talima noutamak ara, nun wininyap ning nirya laka upliba, ‘Kel biksutume’ tenen, patanulule. Nunda tenepce arye, talye yupu kum nyanyabe.

Rasul 28:23

Nyabikura, sik ap Paulus ap arye, “Ara asum arye bulubibyopura, yupu talipnamabe,” nyabik. Nyabik touk, asum akunum ubukopura, dana-dana tam nirya arye, Paulus unmok aik damak ninye weik bulubuka yanmek. Yayikopura, beren tam arye ubuka keting dukduk noutam ap, anoutam nirya peterenmoka ani, inibuk. Paulus arye peterenmok yupu ara, ani. Tonok ning ara, Allah arye ninye lyeplirye, sik kanye talima talipnamle yupu peterenmok. Tonda Musa arye sekamuk yupu noutamak ap, tonda Allah el yupu lak nyalamik nang nabi-nabi nang arye sekamik yupu ap, doprobukce, ‘Anggun kel kiplulume. Yesus ara, dipkoprop Ninye Lyena Deiyoknye ulule,’ nyabuka peterebuk. Ara, ‘Awekmek nang dib tenepnamak’ tenen, peterebuk.

Rasul 17:17

Aning ati ara, asum-asum nirya Yahudi yala nang sik Allah yupu peteren aik wekuk akarye, Yahudi yala ninye ap, Yunani ninye bukni, Allah si erelamik Yunani ninye ap ati, ‘Yesus arye lyesulule,’ nyabuka peterelamuk. Tonda, ‘Yata ning deknuyap do?’ tenen, amutuku ninye deklamikak talye dekelyangalamik ninye ati, Yesus yupu lak lebuka peterelamuk.

Rasul 26:28

Nyabukura, Raja Ageripa arye Paulus ati nyabuk. “Amitik talak arye, an yupu nyanmanilama deice arye, ‘Ayupu nyapnibuk kekeplirye, diba teneplyopura, Yesus dib teneplirye, Yesus el melinanye kipnamle’ tenen, nyanmanilam do?” nyabuk.

Rasul 19:26

Ara, na dem ati kume. Anggun babye, anye bira, Paulus, el ulul ning elilulumce, el nyalye yupu kekelulum ani, Paulus elce, ‘Ninye taruk deice arye, puturubuka donyak allah-allah ara, pia dipkoprop Allah kume,’ nyalule. Paulus nyalul deice arye, ninye weik, sik kanye yuk pununyake. Punubukce, aninye ati dobuka, gwalin bisik bobalamuk. Ara, nun mutuku Efesusuk kume. Asia tam noutamak nirya, pia winilamuka ani, mitik anunuk sirya batakmale.

Rasul 19:8

Ara, Paulus ara, amutuku uk tonap, wala winilye Efesus mutuku ulamukce, Yahudi yala nang Allah yupu peteren aik wekukce, ‘Amutuku nang winiryuk diba tenen ning dopropnamak’ tenen, ilil kum mikip arye, pia teleb ubuka laka nyalamukce, Allah yupu ara, ‘Yesus lyepsilirye, talisulule,’ nyabuka, ayupu lipsisikuka peterelamuk.

Rasul 18:13

Sik bobiyik nang arye, Paulus ati ayupu nyapdeibik. “Anye birye, amutuku nang ati, sik kanye talima noutamak tenenyak ning batakikirye, ‘Yuk kanye punupnamak’ tenen, Allah si erena ati, ‘Winibuka, winibuka unamlulume’ nyasilya deice arye, nun Allah arye nyalilamsuk yupu Paulus arye bisipmasile,” nyabik.

Rasul 17:11

Berea mutuku ninye ara, sik Tesalonika ninye mitik teleb ulamika atonun kum ulamik. Sik Berea mutuku ninye ara, Pia telebuk ulamik. Sik talima kintinibuka deililamikce, Paulus arye laka peterebuk yupu teleb kibuka kekelamik. Pia kanye deibuka kekelamikce, ‘Paulus nyanmasil yupu ara, pia dipkoprop do, kum do?’ tenelamikce, asum-asum nirya sik Allah yupu buku doprobik akarye wibuka deililamik.

Rasul 13:14

Biyukopura, sik anang arye Perga mutuku batakuka, amutuku arye Pisidia tam noutamak Antiokia mutuku biyik. Biyikopura, sik Yahudi yala deiyok nang Allah yupu weklamik sum ati, Sabat sum arye, sik Yahudi nang Allah yupu kekelamik aik wekik akarye, bukik.

Lukas 16:31

Abona talinanye birye nyabuk bukni, Abraham arye tamubuka nyabuk. “Kume, Allah arye, ‘Wininamlume, aning ara kum wininamlume,’ nyabukba, Musa arye sekamuk yupu ap, Allah yupu laka nyalamik nang, nabi nang arye sekamik yupu ap, kum kekebikcopura, dipmatunye kam bukturye, sik dam binuka nyaptu babye, dib kum tenepnamting,” nyabuk. Ara Abraham arye abona talinanye ati nyabuk, nyapne. Yesus arye nyabuk.

Lukas 4:16

Aninye nyalamik bukni, Yesus el nemuk mutuku Nasaret biyukce, amutuku-amutuku nirya winilamuk touk, Yahudi yala ninye sik dikdik sen sum deice arye, sik Allah yupu peteren aik wekuk. Wekukopura, el pia winilamuk touk, ‘Allah yupu peterepnun’ tenen, tikukopura, Allah yupu buku dobuka arebik.

2 Tawarikh 32:11

Nyabukce, ayupu ton dukgobuka nyabuk. “Anggun deiyoknye Raja Hizkia birye anggunti, ‘Kume anggun ilil una kume. Sik Asyur mutuku arye olyanganmasiyak talak ara, nun si erenyap Allah, el si Yahweh arye, kalekuka melinamsile. Allah aryuk lyepnamsila anya arye, Asyur mutuku nang arye kum opnamsiyake,’ nyapsukba, talye kanye bobuka ululum do? Anggunce el anyapsuk yupu ara, pia diba kum tenenamlume. Elce anggunti, tilila yupu nyapsuke. Allah elce, anggunti bataksiliba, anggun kwaning ap, mek ap, kum dinamlume. Adeice arye dipnamaluma ati nyapmasine,” nyabuk.

Kejadian 9:27

Allah arye, melipliba, Yapet el talepnamle tuku weik talibuka upnamle. Tonda Allah arye, Sem biti weika arye, melipliba, pia teleb uplyopura, Yapet ton dolonamle. Neika unamdake. Kanaan bira, Yapet el amu tam ulirye, el talye melinanye unamle. Nuh birye nyabuk.

Yohanes 7:35

Yesus arye nyabukba, sik Yahudi yala deiyok nang kekebikce nyapdayik. “Anye bira, dan mutuku bitu ak, nun kum eipdatibye do? Elda, nun yala nang bukni, Yunani yala ninye ap ansinibuka unyak mutuku binamal do? Amutuku bilirye, Yunani ninye peterepra banamla ati, ayupu nyapmasil do?

Rasul 9:20

Saulus el mek dongobuk talakuk deiyok koubuka, sik Israel ninye Allah yupu keken aik nirya yuk-yuk wekra balamuk akarye, “Yesus elda Allah mi dipkoprop ulule,” nyabuka peterepda balamuk.

Rasul 14:1

Paulus ap, Barnabas ap, Ikonium mutuku akunum birikopura, Antiokia mutuku ulamrik touk, sik Yahudi yala nang sik Allah yupu peteren aik wekrik. Anyaik wekrikce, sik Allah yupu pia teleb ubuka peterelamrik ati, Yahudi yala nang ap, ton Yahudi yala kum ninye ap, weike diba tenebik.

Rasul 18:19

Mutuku si Siria mutuku binamik ati, mekwen deice banmeka ani, bisik noutamak Efesus mutuku obiyikopura, Paulus arye Pereskila ap, Akwila ap ati, “Anggunda asukum ururume,” nyapdeibukopura, eluk sik Yahudi yala nang Allah yupu peteren aik wekukabukce, ‘Sik Yahudi yala nang Yesus ati dib tenepnamak’ tenen, Yesus yupu laka nyabuka peterebuk.