Rasul 17:34 - Eipomek

³⁴ Anang ulamik noutamak arye ninye tonok-tonok Paulus nyanmok yupu kekebuka diba tenebikce, el tam kipdobikura, Yesus diba tenebikce Paulus ap, neika balamik. Adiba tenebik nang ulamika noutamakarye, kil tonok el si ara, Damaris ap, tonoknye, el si ara, Dionisius ap, diba teneprik. Dionisius ara, Arepagus nyalamik nang ara, eluk ara, Arepagus ulamuk. Sik, akil ap, anye ap, ton yuk ninye mitik weiktonun, dib tenebik.

Rasul 17:34 Referans Kwoze

Rasul 17:19

Ura, aminyan talak, sik Epikuros tam nang ap, Setoa tam nang ap arye, amutuku yupu bokolin nang atonun, Arepagus nyalamik nang ara, ‘Yupu talipnamap’ tenen, wekmekak Paulus dobuka, sik neika biyik. Bobiyikura, Epikuros nang ap, Setoa tam nang ap arye, Paulus ati nyabik. “Anda winiryuk yupu nyapmasilama ara, ‘Nun bita moubuka kekeptibye’ tenen, ayupu tonap laka nyapsilyame,” nyabik.

Rasul 17:4

Winibuka laka nyabuka, peterebukura, sik Yahudi yala nang tonok-tonok ap, tonda Yahudi yala kum nang bukni, Allah si erelamik nang Yunani nang weik ap, tonda amutuku weik kilapu mitika kum weik ap, dib tenebikce, Paulus ap, Silas ap, sik dib tenelamrikce, doproprik ning uk, ‘Nun babye dib tenepnamabe,’ tenebikce, sik kanye yuk punubik. Sik kanye yuk punubikce, Paulus ap, Silas ap, sik tamuk kiprobik.

Rasul 13:48

Paulus ap, Barnabas ap, ayupu nirya nyaprikura, sik Yahudi yala kum ninye kekebikce kanye deibikce, nyabik. “Se, Allah el yupu ara, pia mambul,” nyabuka Allah si erebik. Winibikce, Allah arye, ‘Sik kam pia una deiyok ning dopropnamak’ tenen, minop arye kintinibuka wipdeiamuk ninyeuk dib tenebik.

Pilipi 4:22

Tonda, na aunman mutuku unyakce, Yesus diba tenebuka diksukumuk unyak ninye nirya arye, anggun Pilipi mutuku ninye ati, “Telebe,” nyasinyake, nyapsine. Tonda, Roma mutuku nirya talilya, weik ninye deiyoknye, Raja Kaisar, el pil don nang ap, el asik nang ap, unyak bukni, sik kan-kan Yesus akunum diba tenebik nang arye, anggun Pilipi mutuku nang ati, “Telebe,” nyasinyake, nyapsine.

Rasul 17:22

Anang arye Paulus ati, “Lak nyapsilyame,” nyabik ati, Paulus arye Arepagus nang bulubuka wekmek noutamak tikukce ayupu nyabuk.

Matius 20:16

Nyabukopura, ayupu nong tonap laka nyabuk. “Arup winipmanto yupu nyapmasin touk, sirya talak ara, wini talak anggun tukwak ninye arye, ‘Se anang ara weik mambule,’ tenelulum ninye ara, amutamuk deipnamne. Aning atonun, anggunce, ‘Se aninye ara, mambul pia kum ninye unyake,’ tenen, luba kilulum ninye ara, Allah arye erepdeiplirye, weik nang kipdeipnamlarya. Allah arye anang dobuka amutamto kipdeipnamle. Wini talak, yuk nang arye, ‘Sikda mambul kum ninye unyake,’ tenenyak ninye ara, Allah arye erepdeipliba, mambul weik ninye unamake.” Yesus arye nyabuk.

Rasul 17:33

Nyabikbuk, Paulus arye sik bulubuka wekmek ak batakuka yukak biyuk.