Rasul 17:29 - Eipomek

²⁹ Puturuna weik kel nang arye, perak ap, emas ap doprobikirye, sik kanye tenena deice aryuk, ninye urasin atonun kipdeibikirye si erenyak ning ara, Allah atonun kum ulule. Nunda Allah el mapu unyaba ati, anang arye dolamak ning atonun ati, ‘Allah ulule,’ kum tenenamnyabe.

Rasul 17:29 Referans Kwoze

Yesaya 40:25

Ati ara, anggunda, ‘E, anye bira, Allah atonun ulule,’ teneptum do? Yatanye bira, na mikip ap, weik mambul ap unun touk ulul do? Nara, pia teleb weik Erebuka eitamnye unye touk, yatanye ton, ‘Allah ulul touk anye ton winilule’ tenen, nyapnutum do? Kume na tonoka ati ara, talye tukwak nang nirya ara, na Allah unye touk kum unyake. Ara, winipmanto kum atia.

Keluaran 20:4

“Im deice ubuk ning ap, tukwak ubuk ning ap, mek amu ubuk ning ap, aning nirya ara, sik urasin atonun puturubuka kintinipmunce, ‘Aning si erenamabe’ tenena pia meme. Yuk talye ning si erena ati, yuk-yuk ning urasin atonun kilina kume,” nyabuk.

Mazmur 106:20

Israel yala nang ara, awinibika deice arye, ‘Allah el pia teleb ulya ap, mikip weik ulya ap ara, nun lik’ tenen, batakikce, Allah el pununa ati, talye sapi basam mi, maning bok dilamle kam ning, urasin atonun ning memepdeibikce, aning eibuka, isa siuk erenmek.

Keluaran 32:4

Aning nirya bulubuka, Harun dam boyayikba, doprobukopura, Harun birye dekna weik ning, emas nirya uku dabukba, mitang kibukopura, elce moubuka, kat ning emas arye puturubukabukce, sapi basam mi urasin atonun kipdeibuk. Awinibuk ning ara, Israel nang arye nyabik, “Asapi basam urasin atonun ning ara, nun ni Allah atonun unamsile. Mesir mutuku arye bobuka yanamsuknye, Allah kume. Ara, yuknye kum bukni, wini talak Harun birye, emas dobuka memepdeipsuk sapi basam ara, lyepsuknye atia. Aning ara, nun ni Allah atonun unamsile,” nyabik.

2 Raja-Raja 19:18

Tonda, sik Asyur nang arye, yuk mutuku nang sirya obuka dakikirye, anang arye, si erenyak isa mer urasin atonun kibuka memepdeibik ning nirya dobuka, uku dongolamikba uku dibuk. Nun kele, yuk mutuku nang arye, si erenyak ning ara, dipkoprob Allah kume. Aning nirya ara, talye yo ap, keil ap, doprobikirye memebuka delinyake. Ninye taruk deice aryuk memenyake. Aning nirya ara, Allah atonun kume.

Rasul 19:26

Ara, na dem ati kume. Anggun babye, anye bira, Paulus, el ulul ning elilulumce, el nyalye yupu kekelulum ani, Paulus elce, ‘Ninye taruk deice arye, puturubuka donyak allah-allah ara, pia dipkoprop Allah kume,’ nyalule. Paulus nyalul deice arye, ninye weik, sik kanye yuk pununyake. Punubukce, aninye ati dobuka, gwalin bisik bobalamuk. Ara, nun mutuku Efesusuk kume. Asia tam noutamak nirya, pia winilamuka ani, mitik anunuk sirya batakmale.