Rasul 16:3 - Eipomek

³ Paulus arye Timotius ati, ‘Patanilya ara, narye el dobuka binamne,’ tenebuka ati, elce Timotius dobuka yuk nang dam bobiyukura, sikce Timotius el den bola mouse ning sekik. Awinibuk ning deiyok ara ani, Paulus banamuk mutuku noutamak ulamik nang nirya, Yahudi yala ninye arye, Timotius el li Yunani yalanye ulamuka ara, akunum kel kiyamika atia. Yahudi yala nang arye Timotius ati, ‘Den bol mouse ning sekna kumnye nun like,’ tenebicak tenen, Timotius el den bol mouse ning sekik.

Rasul 16:3 Referans Kwoze

Galatia 2:3

Anang dam Yerusalem mutuku bisi talak ara, na ap binumunye, el si ara Titus. Titus bira, Yahudi yala kumnye binya anya arye, den bola mouse kum sekenyak ninye, Yunani yala nang ulul bukni, elti, sik Yahudi yala diba tenyamik nang arye, “Nun Yahudi yala nang winilamap touk, anye bira Allah diba akunum tenebuka anya arye, ‘Laka uptu’ tenen, el den bola mouse adiparyuk seklyame,” nyabuka yupu kum deipsike.

1 Korintus 9:20

Yahudi yala ninye ap neika ulamse talak ara, ‘Yahudi yala ninye winilamik atonun winipnyopura, Allah yupu peterepnibuk kekebikirye, Yesus dib tenepnamak’ tenen, sik winilamik ninguk talibuka winilamse. Nara, mem yupu Musa sekamuk yupu amu tam bukuka, amem ning nirya talibuka kum unun bukni, sik yuk ninye arye, ‘Ayupu ara, weik mambul’ tenen, talibuka unyak ninye ap, neika ulamse talak ara, sik winilamik touk winilamse. Winibuka ulamse deiyok ara, ‘Allah yupu peterepnibuk, kekebikirye, Yesus dib tenepnamak’ tenen, winilamse.

Galatia 5:6

Yesus Kristus ap talima dukdongobuka neika unyaba noutam ara, Allah eipsilirye, el kanye ara, ‘Den bola mouse ning sekna babye, sekna kum babye, mambule pia kume. Aning babye, aning babye nong kum danamle ning atia,’ tenelule. Allah eipsilirye, kanye delinamsil ning ara, tonok ninguk ulule. Ara ani. Yesus ati diba tenenyaba deice arye, yuk ninye ati, ‘Bico’ tenen, melinauk winibibibuk, Allah eipsilirye, a deiceuk kanye delisulule. Mambul ning ara, anyuka. Yuk ning ton kume.

Galatia 2:8

Aning kel biknika deiyok ara aupmale. Ara, Peterus birye, ‘Yahudi yala ninye dib tenepnamak’ tenen, Allah yupu peterebuka pil dolamuk ning noutamak arye, Allah weika arye melilamuk touk, na Paulus bira yuk yala ninye, Yahudi yala kum ninye ati, peterena deiyok kounanye kipdeipnukce, weika arye melilamnuke. Awinilamse ning nirya, sik Yerusalem mutuku unyakce, Yesus ati dib tenebuka, deiyok kinyak nang kekelamikce, kel biknike.

1 Korintus 7:19

Den bam bol mouse ning sekenyak nang babye, sekna kum nang ababye mambule kume. Allah arye, “Wininamlume,” nyabuka, el yupu arepsukce nyasilye touk, ayupu uk kekebuka dobolbanauk ara, aning ara weik mambule. Yuk ning nirya ara, mambule kume.

Rasul 15:40

Bukni, Paulus arye Silas wibukce yukak biyuk. Ara, amutuku diba tenelamik nang arye, ‘Yesus el melina deice aryuk apil donamdak’ tenen, abitinye nang ati Allah morobikce Yesus ati arebikura, birik.

Rasul 15:37

Barnabas arye, ‘Yohanes ara, yuk si ton el si Markus nyalamiknye bira, el ap, neika bitibye’ tenen, patalamukura, tenelamuk.

Rasul 15:20

Aning kum winipnamap bukni, teleb ninguk winipnamap ara, surat sekibirye sik dam dopkwetepnamabe. Pia kum winipnamak ning ara, winibuka nyapnamabe. Yata din ning do, ninye arye si talye erenyak ning ap, ‘Talye si erepnamabe’ tenen, obuka arinyak ning ap ara, nun kum dipmanto ning ara, sik Yahudi yala kum ninye babye, adin ning yala nirya pia kum dinamake. Tonda, ubula arye talye yolana nirya pia kum wininamake. Tonda, minop ngang colopdongobuka obikcopura, ining kum saklamle ning nirya nong kalibuka pia kum dinamake. Tonda, ining mek yala nirya pia kum dinamake. Winibuka nyapnamabe,” Yakobus arye nyabuk. Nyabukce, ayupu ton nyabuk.

Pilipi 2:22

Sik yuk nang wininyak bukni, Timotius eluk ara, anggun kele, el pil dolamuka deice arye, el ulul ning akunum lakak upsuke. Ara, tonok teleb mi arye el li ap, pil teleb ubuka pil dolamle atonun, Timotius ap, na ap, neika pil dolamnumu. Ara, Allah el laka teleb yupu, ninye lyena yupu peterelbana pil ati nyapsine.