Rasul 16:20 - Eipomek

^20-21 Winibikce, amutuku ninye sik deiyok nang dam abitinye nang dobuka deibikce nyabik. “AYahudi yala bitinya nang arye, malye weik winipmarakba, nun amutuku ninye pia malye kanye bopmapa atia. Anggunda, ‘Winipnamlum,’ nyapmasirak yupu ara, nun amutuku mem ning ati, yupu bisipmasiraka ati, aning ara, nun amutuku nang arye kum winiptibye. Tonda, nun Roma ninye unyaba anya arye, sik nyapmasirak yupu, dobuka nun Roma mutuku ninye arye kum winiptibye,” nyabik.

Rasul 16:20 Referans Kwoze

Yakobus 4:4

Anggunda, Allah el tonok kanye deibuka dobolbalamtum bukni, yuk ning patapsilyeura, kanye delilulama anya arye, sik donyak kil batakuka, yuk kil dololamak nang atonun winilulume. Ara, Allah ti batakuka, yuk ninguk teneluluma atia. Anggunce aning kum tenipmalum do? Talya tukwak ubuk ning ap, diba tenena kum nang arye, Allah El Dib Kanye nyasulul yupu yaniltakirye, malye unyak ning ap, malye ning patapsilye ning ap ara, ‘Allah lik,’ tenebuka winina atonun nyapsine. Yata nang do nirya, ‘Talye tukwak ubuk ning nirya, anyuk talibuka unamne,’ tenebuka ulamice nang ara, atenenyak deice arye, ‘Allah na like,’ tenebuka akunum unyake. Ara tukwak malye ning ap, diba tenena kum ninye arye, malye unyak ning ap, Allah ap neika talibuka kum upmanto atia.

Roma 12:2

Tonda, sik diba kum tenenyak ninye arye winilamaka atonun, tuba kum wininamlum bukni, Allah arye anggun malye kanye tenen ning nirya dangupsilirye, kanye talima winiryuk ning punubuka arisilya deice arye, anggun winin ning nirya ara, telebuk wininamlulume. Anggun kanye talima winiryuk ning akunum upmasilyopura, Allah arye, ‘Wininamake,’ tenesilye ninguk, moubuka kel kinamlulume. Ara, ‘E, dipkoprop teleb winin ning ara ani. Winibibiba, Allah arye kanye deilisilye ning ani. Malye ning tonok babye kum winiplirye, diksukum winin ning ani, kel kinamlum’ tenen, nyapsine.

Rasul 28:22

Bukni, anggun Yahudi yala nang bukni, anggun Yesus ati diba teneplum ninye ati ara, yuk ninye mutuku-mutuku nirya arye anggunti, ‘Anang ara, sik urasin yuk kipdobikce yuk ning ati dib tenesinyak,’ anya arye, malye yupu nyabuka lululisinyake. Lululisinyaka ati, an tuba-tuba teneminye ning ap, petereminye ning ap, lak nyapsiminyeura, nun kekepnamapa ati, nun patapmasile,” nyabik.

Rasul 19:34

Taruk bata deibuk bukni, anang arye Aleksander elda, Yahudi yalanye eibikce, lik ubukura, sik nirya yupu neika weik yupu arye nyanmek. “Nun Efesus mutuku si erenyap isa Artemis ara, pia teleb. El mikip pia weike,” nyabuka asum tonok bukni, yupu weik pia nyanmek.

Rasul 18:2

Korintus mutuku biyukopura, tonoknye, el si ara, Akwila ara, Pontus mutuku nang arye deiamiknye, Korintus mutuku unmokba, Paulus arye eibuk. Akwila ap, el kil Pereskila ap, Italia mutuku ulamrikbuk, Roma nang sik weik ninye deiyoknye, Kelaudius elce “Sik Yahudi nang yuk mutuku bindoplulume,” nyabuka ati, sik Italia mutuku batakrikce, Korintus mutuku yanuka unmarikak, Paulus arye eibuk.

Matius 2:3

Nyabikopura, yuk nang arye Herodes dam laka nyabikba, Herodes kekebukce, malye kanye bobuk. Tonda, ‘Yerusalem mutuku ulamik nang ababye, yata yupu nyanmak do?’ tenen, sik nirya ababye malye kanye bobik.

Yeremia 38:4

Ayupu laka nyabukba, sik amutuku noutamak deiyok yuk-yuk talibuka, mambul pil dolamik nang kekebikce, sik ninye deiyoknye, Raja dam nyalbiyik. “Kume na nio. Ance nyapdeiptumba, ayupu nyanmalanye bira, oploptibye. Ara, urdem ati, kum nyababe. El yupu deice arye, amutuku kalikina ati unyak yin talin nang ap, amutuku unyak ninye ap, ayupu kekebikirye, ilil upliba, sik mikip kum upnin balule. Sik mikip, pia mitang uplyak ati, yanuka nyapkiyabe. Ara, dipkoprob anye bira, Yeremia birye, talye tilila yupu nyaplopliba, amutuku unyak ninye nirya kekebikirye, pia malye kanye bonyake. El pataplye ninguk tenelule. ‘Amutuku ninye teleb winipnamak’ tenen, patapliba, kum nyasulule. ‘Amutuku ninye ikin uptu babye,’ teleb uka, tenelirye, nyasulule,” nyabik.

Rasul 16:19

Amelina kil dekamik arye talyamika deiyok nang arye, akil pil dolamukura, yo bok dololamika deiyok ning aisok bura tam biyikura, kum kibukura, kel bikik. Awinipmok ning akunum kel kibikura, yu weik ubukce, Paulus ap, Silas ap, talibuka bobiyikce, ‘Anyaik dolamikak deiyok nang dam laka nyapnuyap’ tenen, amutuku ninye yupu lipsisiklamik aik dam taruk arye lipdakuka delilbiyik.