Mek bukna yo dam neika beipopura, sik unamika ati, nun babye, sik babye, bico upsuk akarye se tenepdaburye, “Anggun daunamlulume,” nyabuka weik mek bukna yo wekuka bukupu ura, kumanya mikip deice arye mekwen deice beipu. Miletus mutuku arye cung uk banmapu ani, adiparyuk Kos mutuku, ara, laut mekwen dana-dana sekdongamuk mutuku, beipu. Binuka mapmapua, berekukura, laut mekwen deiceuk banmapu ani, yuk mutuku laut mekwen dana-dana sekdongamuk mutuku, mutuku si Erodos mutuku bipopura, banmapu ani, Patara mutuku beipu.
Rasul 16:11 - Eipomek11 Ura, Teroas mutuku arye, weik mek bukna yo wekuka bukuburye kumanya mikip deice arye laut mekwen deice banmapua ani, laut mekwen noutamak Samoteres mutuku beipu. Binuka mapmapua, berekukura, Samoteres mutuku arye mekwen deice banmapua ani, Napolis mutuku beipu. Gade chapit la |
Rasul 16:11
5 Referans Kwoze
Ara, yuk yupu ton nyapnusine. ‘Kristus el pil dona ati, ninye lyena yupu, laka teleb yupu peterenamne’ tenen, Teroas mutuku binamse talak ara, Allah arye el yupu peterena ati, lo teleb ning akunum kintinibdeipnuk ning ara, eibuka kel kipse. Ara, ninye wekna ati, buplan weik arye kukulilamak atonunuk, pia teleb lo arepnukura, ‘Amutuku ninye petereptinye’ tenen, akunum kel kipse.
Ura, Teroas mutuku noutam na ka Karpus ap, neika ulamnumu talak ara, na deice ongon cang bupu baju, el si jaket luba kipsirye, batakse. Timotius ance na dam yanamlam talak ara, aongon cang baju ap, na buku ap, surat ap, libuka boyanamnilyame. Na batakse buku-buku nirya boyanamnilam bukni, ‘Weik mambul,’ tenenye ning ara, kam uning obukabikce, bola koplobuka ketingak mikikbuk, sisal lebukura, abola deice Allah yupu sekik ning ara, luba kina kume. Aning babye, boyanamnilyame.
Piblisite