Rasul 14:6 - Eipomek

^6-7 Utenelamik bukni, Paulus ap, Barnabas ap, sik anang tenelamik ning kel bikrikce, ‘Opsicak’ tenen, bik-bik abuka birikak arye, Likonia tam noutamak, Listra mutuku ap, Derebe mutuku dam ap, amutuku noutamak nirya ‘Yesus arye ninye lyesulule,’ nyabuka, Yesus el laka teleb yupu peterepra balamrik.

Rasul 14:6 Referans Kwoze

2 Timotius 3:11

Tonda, Allah yupu peterelamsa ati, malye nang arye na nong deice ikin ning deililamnik ning ap, yuk ikin wamnuk ning ap, anirya ara, an akunum bikamnulume. Tonda, Antiokia mutuku ap, Ikonium mutuku ap, Listra mutuku ap, peterelbisi talak noutam, Allah yupu peterelamsibuk, amutuku ninye arye, ‘Nun lik’ tenen, ikin ning weik na nong deice deililamnik bukni, kum bataksirye, pia pil donauk winilamse ning babye, an akunum kel bikamnulume. Kanye imun ning weik ulamnuk noutam, nun ni Allah arye lobuka lyepnuke.

Matius 10:23

Na diba tenemunce, na yupu peterelbanamluma ati, na yupu peterepmunyeba, yuk ninye arye malye yupu nyabukapsikirye, anggun nong deice ikin ning deipsikcopura, amutuku batakuka, omutuku peterelamunyebuk, amutuku babye bataksikcopura, ila yuk mutuku ton binuka peterepra banamlulume. Atonun ton binuka, Israel ninye sik asik dobuka ulamak ak ap, unamakak ap, amutuku nirya min kum binuka peterepmanunye talak ara, aminyan ara na Ninye Mi Koprop Atonunye yanamne. Yesus arye ayupu nirya nyabuk.

Rasul 9:24

Yupu talilamik bukni, yuk nang arye nyabikura, Saulus arye sik talilamik yupu kekebuk. Sik anang arye, ‘Saulus opnamabe’ tenen, keting noutam babye, lukunyan babye nirya, sik asik domikak kup-kup tam wiyamik keil poka bisik buplan dam, tonok potokiamikak bukuka, ‘Anyup ara, tomopnamap’ tenen, kaliklamik.

Rasul 14:8

Listra mutuku peterelamrik talak ara, tonoknye, yan pakupromuknye ulamuk. Anye bira, el deiamik talak arye, yan tatang pakupromukce dibukura, pia kum balamuk

Rasul 14:11

Ura, abulubuka wekmek nang arye, Paulus awinibuk ning sik eibikce, sik Likonia yupu deice arye, weik yupu nyabuka deiyok kibikce, apia nyalamik. “Se, nun allah-allah si erenyap ning, ninye nong atonun, arye abitinye nang akunum yanmasirak ani,” nyabuka weik yupu nyalamik.

Rasul 15:36

Aminyan talak, Paulus arye Barnabas ati nyabuk. “Nun bitinye binuname. Nun bitinye nang arye Yesus yupu peterelanumu mutuku nirya, tamubuka binimirye, ‘Sikda yata wiribuka unmak do? Teleb ubuka diba tuba tenenyak do? kum do?’ tenen, dipdenaname. Uruna kipdanuka peterelbinaname,” Paulus arye Barnabas ati nyabuk.

Rasul 20:4

Tenebukce amutuku biyuk talak ara, el ap, neika biyik nang si ara, ani. Berea mutukunye Pirus el mi Sopater ap, Tesalonika mutuku nang bitinye nang ara, Aristarkus ap, Sekundus ap, Derebe mutukunye Gaius ap, tonda, Timotius ap, ton Asia tam bitinye nang ara, Tikikus ap, Teropimus ap, anang ap, Saulus ap, sik nirya neika Makedonia tam noutamak mapnin balamik.